Twickenham Stadium

Twickenham Stadium
Twickenham
Datos
Localización	Londres, Inglaterra
Construción
Inauguración	2 de outubro de 1909 (1907)
Renovación	2006 (última)
Estadio
Superficie	Céspede
Capacidade	82.000
Propietario	Rugby Football Union
Localía	Selección de rugby de Inglaterra
Eventos
Copa do Mundo de Rugby 1991 Copa do Mundo de Rugby 1999 Copa do Mundo de Rugby 2015 Torneo das Seis Nacións

O Twickenham Stadium (normalmente coñecido sinxelamente coma Twickenham ou Twickers) é un estadio situado en Twickenham, en London Borough of Richmond upon Thames (municipio do Gran Londres). É o estadio máis grande de rugby do Reino Unido, sendo ampliado recentemente a 82.000 espectadores, o que o converte no segundo estadio máis grande do estado despois do novo estadio de Wembley.

O estadio é a casa da Federación de Rugby-Fútbol (Federación Inglesa de Rugby) ou RFU, e como tal é o principal lugar para a celebración deste deporte en Inglaterra. Acolle así pois á selección de rugby nos seus partidos na casa, ademais tamén acolle o Middlesex Sevens, a final da Aviva Premiership, e decotío partidos da LV Cup e da Champions Cup. O estadio está considerado coma unha icona do rugby de inglés.

Aínda que o campo é utilizado case que exclusivamente polo rugby, no pasado foi ocupado por eventos de grande importancia coma concertos de Bon Jovi, Iron Maiden, Genesis, U2, The Rolling Stones, The Police, Eagles e máis recentemente de R.E.M..

O estadio é visíbel cando os avións se aproximan ao Aeroporto de Heathrow.