Tigre

Tigre
Panthera tigris Carl von Linné 1758
Instancia de taxon
Subclase de gran felino
Categoría taxonómica especie
Taxon superior Panthera
Nome común tigre
Combinación orixinal Felis tigris
Subdivisións P. t. tigris P. t. corbetti P. t. jacksoni P. t. sumatrae P. t. altaica P. t. amoyensis †P. t. virgata †P. t. balica †P. t. sondaica
Sinonimia Felis tigris Linnaeus, 1758 Tigris striatus Severtzov, 1858 Tigris regalis Gray, 1867
Características
Período de aparición Plistoceno
Duración máxima de vida 26.3 AA
Ciclo diurno nocturno
Fonte de alimentación Ungulado Lepóridos Fasiánidos mono peixe
Son producido ruxido
Ten deseño raia
Cor laranxa negro branco
Forza de mordida 127
Período de xestación 107 DD
Tamaño da niñada 2.5
Conservación
Identificador UICN 15955
Distribución
Hábitat bosque
Dimensións
Masa 1.19 kg peso de nacemento
Clasificación taxonómica
Reino	Animalia
Filo	Chordata
Clase	Mammalia
Orde	Carnivora
Familia	Felidae
Xénero	Panthera
Especie	P. tigris
Identificadores Freebase /m/07dm6 MeSH D046010 ITIS 183805 OTT 42314
Fontes e ligazóns  URL de xenoma secuenciado dnazoo.org…  Descrito pola fonte Pequeno Dicionario Enciclopédico de Brockhaus e Efron "Q20978872 " Metropolitan Museum of Art Tagging Vocabulary Anthology of Petty Matters in Qing (en) "Q85768598 " Gujin Tushu Jicheng "Q96599892 " Dicionario Enciclopédico Brockhaus e Efron "Q20978873 " Encyclopædia Britannica "1911 Encyclopædia Britannica/Tiger (en) "
Wikidata G:Commons C:Commons

Os tigres (Panthera tigris) son mamíferos da familia Felidae, pertencentes a unha das catro especies de felinos do xénero Panthera. Os tigres son cazadores carnívoros.

Características

O peso récord dun macho adulto é de máis dun terzo de tonelada. Coma os leopardos, os tigres comen principalmente de noite. A pesar do seu gran tamaño, poden axexar as súas presas en completo silencio, denantes de se abalanzar sobre elas a curta distancia. Apreixan as súas vítimas coas poutas dianteiras e mátanas trabándolles a gorxa. Os tigres son perigosos para as persoas; levan causadas moitas vítimas, especialmente alí onde os humanos alteran o seu hábitat natural.

Nos últimos anos^[cando?] a poboación mundial de tigres descendeu, principalmente a causa da caza ilegal; na actualidade^[cando?] quedan probablemente menos de 7000 exemplares en estado salvaxe.

Os tigres presentan unhas raias negras que os axudan a camuflarse. Os casos de tigres devoradores de homes son raros, malia a lenda que acompaña a figura do animal.

Os primeiros tigres auténticos orixináronse no sur de Siberia durante o Plistoceno. Desde alí iniciaron unha longa expansión que se concretou ao longo de dúas rotas distintas: unha cara ao leste, a través das estepas de Asia Central, que os levou ata Persia, Mesopotamia e máis o Cáucaso; e outra ao longo do litoral da China, que rematou na India e o Sueste asiático, a onde chegaron hai menos de dez mil anos. Xa en época histórica, a presión humana forzou a redución e extinción de moitas poboacións, malia que ata o século XIX aínda gozaban dunha distribución que aínda sendo irregular espallábase desde Xeorxia ata a illa indonesia de Balí.

Na actualidade sobreviven cinco subespecies de tigres: o de Bengala (Panthera tigris tigris), posiblemente o máis coñecido polo ser humano hoxe en día, habita no subcontinente indio; o de Siberia (P. t. althaica), o tigre máis alto e corpulento; o de Sumatra, do que quedan menos de 500 exemplares, unha subespecie de tigre de -relativamente- pequenas dimensións; o de Indochina (P. t. corbetti), e o tigre do sur da China (P. t. amoyensis), o que corre máis perigo de extinción na actualidade, xa que só quedan uns trinta exemplares. O famoso "tigre branco" é, en realidade, unha variedade de tigre bengalí orixinaria do estado indio de Madhya Pradesh (antigo reino de Rewa), na que a cor leonada da pelaxe foi substituída por branco debido a unha mutación; os ollos destes tigres son azuis.

Durante o século XX extinguíronse outras tres subespecies por mor da caza e da deterioración do seu hábitat. O tigre do Caspio (P. t. virgata), un voluminoso tigre semellante ao de Bengala pero que podía superar os 400 quilos de peso, sufriu unha dura campaña de exterminio na Rusia tsarista. O último exemplar ruso foi abatido no actual Azerbaidján en 1923, e a subespecie desapareceu definitivamente cando se cazou o derradeiro tigre iraniano en 1959. Unhas décadas antes, en 1937, o pequeno tigre de Balí (P. t. balica), unha raza de cor escura e menos de 100 quilos de peso máximo, foi exterminado, namentres que na veciña illa de Xava perdeuse a pista á subespecie local (P. t. sondaica) a mediados dos 70.

Frecuentemente en América ao xaguar chámaselle tigre, debido á semellanza de ambos os animais.

Véxase tamén

Outros artigos

• Tigre branco