Teresa de Ávila

Na Galipedia, a Wikipedia en galego.
Santa Teresa de Ávila pintada por Rubens.

Santa Teresa de Cepeda y Ahumada, nada en Ávila o 28 de marzo de 1515 e finada en Alba de Tormes o 4 de outubro de 1582, foi unha relixiosa, doutora da Igrexa Católica, mística e escritora española. Foi a fundadora da Orde dos Carmelitas Descalzos. Tamén é coñecida polos nomes de Teresa de Xesús, Tareixa de Xesús, Teresa de Ávila ou Tareixa de Ávila.

Biografía[editar | editar a fonte]

Teresa naceu en Ávila o 28 de marzo do ano 1515. Era filla de don Alonso Sánchez de Cepeda y Ahumada e de Dona Beatriz Davila. Bautizouse o 4 de abril de 1515. Eran 11 irmáns.

Teresa, dende a súa infancia, estaba interesada na vida dos santos. Tanto chegou a súa gana de ser santa que foi ás terras dos mouros, xunto co seu irmán Rodrigo, para ser mártir. Tamén xogaba a ser eremitas co seu irmán.

A súa nai faleceu no ano 1528, tendo Teresa 13 anos. Daquela, Teresa non quería ser monxa, e o seu pai levouna á Facultade de Gracia, rexido polas Agostinianas.

Pasando o tempo, Teresa descobre a súa vocación relixiosa. Enta no Convento da Encarnación en 1535. Dous anos despois, enferma de gravidade e sae do Convento, pero volve en 1539.

Teresa estaba tranquila no Convento, pero non concordaba coa forma de vivir do Convento. A partir de 1554, nas súas oracións mentais, ve visións. Por este motivo leva a cabo a Reforma do Carmelo.

Grazas a Dona Guiomar de Ulloa e a Padre Ibáñez, Teresa recibe a autorización de Roma, deixando atrás as súas preocupacións.

Empézase a construción do Convento de San Xosé de Ávila no ano 1562. Algúns pedían a súa demolición, pero Teresa seguiu fundando conventos ata a súa morte. Fundou un total de 17 conventos das Carmelitas, entre eles os de Medina del Campo, Alba de Tormes ou o de Burgos.

Teresa gozou da etapa máis activa da súa vida, ata a súa morte. Faleceu o 15 de outubro de 1515, aínda que era o 4 de outubro debido a un cambio no calendario.

Foi beatificada por Paulo V en 1614. Canonizada por Gregorio XV en 1622. Nomeada Doutora da Igrexa Universal por Paulo VI no ano 1970. Foi a primeira muller nomeada Doutora da Igrexa, habendo agora dúas máis: Santa Hildegarda de Bingen e Santa Catalina de Siena.

Véxase tamén[editar | editar a fonte]

Commons
Commons ten máis contidos multimedia na categoría: Teresa de Ávila Modificar a ligazón no Wikidata
Wikiquote
A Galicitas posúe citas sobre: Teresa de Ávila

Bibliografía[editar | editar a fonte]

Ligazóns externas[editar | editar a fonte]