Tamil Nadu

Tamil Nadu
Localización do estado de Tamil Nadu
Capital	Chennai 13°05′N 80°16′L
Cidade principal	Chennai
Idioma oficial	Támil
Lexislativo  • Membros  • Gobernador  •  Ministro xefe	Unicameral 235 Surjit Singh Barnala M Karunanidhi
Creado en	1 de novembro de 1956
Superficie	130.058 km²
Poboación (2001)	62.405.679
Densidade demográfica	789 hab/km²
Total de distritos	30
Fuso horario	UTC +5:30
tn.gov.in

Tamil Nadu (en támil: தமிழ்நாடு), "Terra dos Támiles", IPA: [t̪ɐmɨɻ n̪aːɽɯ]) é un dos 28 estados da India. A súa capital e maior cidade é Chennai (antigamente chamada Madrás). Tamil Nadu fica no sueste da península india e fai fronteira cos estados de Puducherry, Kerala, Karnataka e Andhra Pradesh. Está cercado polos Gaths Orientais polo norte, pola serra de Nilgiri, as montañas de Anamalai e Palakkad polo oeste, pola baía de Bengala polo leste, polo golfo de Mannar e o estreito de Palk polo sueste e polo Océano Índico polo sur.

Durante máis de 2.500 anos, a rexión foi lar da civilización támil. É a terra natal dos támiles e da súa lingua milenaria clásica, o támil. Tamil Nadu é o undécimo maior estado da India en área (con cerca do mesmo tamaño que Grecia) e o sétimo máis populoso. É o quinto maior contribuínte do PIB da India. Tamil Nadu tornouse recentemente no estado indio coa máis elevada taxa de alfabetización, segundo o Ministerio do Desenvolvemento dos Recursos Humanos.

É fonte de variados recursos naturais, grandes templos hindús de arquitectura dravidiana, zonas montañosas, praias e lugares de peregrinación multi-relixiosa. En Tamil Nadu atópanse tres Patrimonios da Humanidade: o Conxunto Monumental de Mahabalipuram, inscrito en 1984, os Grandes Templos Vivos de Chola, en 1987, e o Ferrocarril de Nilgiri, incluído dentro do conxunto dos Camiños de ferro de montaña da India, inscrito na lista da UNESCO en 2005.

---

Este artigo sobre xeografía é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---