Supercopa de España de hóckey a patíns 2018-2019

Este é un artigo bo da Galipedia
Na Galipedia, a Wikipedia en galego.

Supercopa 2018
O Pavelló Olímpic de l'Ateneu Agrícola acolleu todos os partidos da competición.
Detalles do torneo
CidadeSant Sadurní d'Anoia, Cataluña, España
PavillónPavelló Olímpic de l'Ateneu Agrícola
Datas15–16 de setembro de 2018
Posicións finais
Campión H.C. Liceo
Subcampión F.C. Barcelona
Galardóns e estatísticas

A Supercopa de España de hóckey a patíns 2018-2019 é a 16ª edición da Supercopa de España. A competición disputouse os días 15 e 16 de setembro de 2018 na localidade catalá de Sant Sadurní d'Anoia e foi organizada pola Real Federación Española de Patinaxe, a Asociación de Clubes de Hóckey a Patíns (ACHP) e o Club Esportiu Noia.[1] Coincidindo coa disputa da Supercopa de España, o 14 de setembro presentouse na sede de Cavas Freixenet en Sant Sadurní d'Anoia a tempada 2018-19 da OK Liga e a OK Liga Feminina con representantes de todos os cadros de xogadores de ambas competicións e as máximas autoridades do hóckey a patíns español.[2]

Ao finalizar a competición o Hockey Club Liceo da Coruña alzouse co título logo de derrotar na final ao Barça Lassa por 3-2 cun gol a falta de 10 segundos para a conclusión do partido. Esta foi a segunda vez na súa historia que o equipo coruñés gañou o título, dous anos despois do primeiro título conseguido en Reus fronte ao Reus Deportiu.[3]

Pau Bargalló do Barça Lassa, Carlo Di Benedetto e Eduard Lamas, ambos do H.C. Liceo, foron os tres máximos goleadores do torneo, con dous goles cada un, se ben Di Benedetto e Lamas foron os únicos que marcaron nos dous partidos. Todos os partidos da edición finalizaron con idéntico resultado (3-2).

Sede[editar | editar a fonte]

A competición disputouse no Pavelló Olímpic de l'Ateneu Agrícola de Sant Sadurní d'Anoia, un pavillón deseñado polo arquitecto Joan Rovira inaugurado en 1981 e con capacidade para máis de 1 000 persoas.[4][5] Ten unha superficie de terrazo de 40 x 20 metros.[6]

Esta foi a segunda vez que o pavillón acolleu a Supercopa de España, logo de ter organizado a competición en 2011, así como as fases finais da Copa do Rei e a Copa da Raíña en 2001 e 2008 respectivamente, e foi sede da rolda preliminar da competición de hóckey a patíns dos Xogos Olímpicos de 1992. Ademais acolle os partidos disputados polo Club Esportiu Noia, tanto na OK Liga como nas competicións europeas dende a súa inauguración, substituíndo a pista descuberta na que o equipo xogaba ata a súa inauguración.[4][6][7]

Participantes e sistema de competición[editar | editar a fonte]

O torneo disputouse en formato de final a catro, con eliminatorias directas de dúas semifinais e final. O xoves 26 de xullo de 2018 celebrouse o sorteo dos calendarios da tempada 2018-19 da OK Liga, OK Liga Feminina, OK Liga Prata, e a Supercopa de España. O acto tivo lugar no auditorio do Museu Olímpic i de l’Esport Joan Antoni Samaranch, en Barcelona, e contou coa presenza de Carmelo Paniagua, presidente da Real Federación Española de Patinaxe, e o Comité Nacional de Hóckey a Patíns, Josep Ribas. O sorteo das semifinais foi o terceiro que se realizou no acto, logo dos da OK Liga Feminina e a OK Liga Prata.[8]

Nesta edición participaron un total de catro equipos, os tres primeiros clasificados da OK Liga 2017-18 e o Club Esportiu Noia como anfitrión.[a] Os catro equipos participantes foron os seguintes:[9]

Cadros de xogadores[editar | editar a fonte]

Os xogadores que integraron os equipos participantes nesta edición da Supercopa de España foron os seguintes:[b][10][11]

Barça Lassa
Número Nome Posición
1 España Aitor Egurrola (C) POR
3 España Marc Gual DEF/MED
4 Matías Pascual DIA
7 Pablo Álvarez DIA
8 España Pau Bargalló DIA
9 España Sergi Panadero DIA
24 España Nil Roca DEF/MED
33 España Ignacio Alabart DEF/MED
79 Portugal João Rodrigues DIA
10 España Sergi Fernández POR
Corpo técnico
Adestrador Eduardo Castro
Segundo adestrador Jordi Roca Lázaro
HC Liceo
Número Nome Posición
1 España Xavier Malián POR
3 España Josep Lamas (C) DEF/MED
6 España Eduard Lamas DEF/MED
8 España David Torres DIA
9 Francia Carlo di Benedetto DEF/MED
13 Facundo Bridge DIA
21 Fabrizio Ciocale DIA
23 España Marc Coy DIA
55 España Sergio Miras DEF/MED
10 España Martín Garaboa POR
Corpo técnico
Adestrador Juan Copa
Reus Deportiu
Número Nome Posición
1 España Candid Ballart POR
2 España Joan Salvador Escala DEF/MED
5 España Joan Salvat (C) DIA
6 España Romá Bancells DEF/MED
14 Portugal Tiago Rafael DEF/MED
15 España Marc Julià DIA
17 España Cristian Rodríguez DIA
27 España Alex Rodríguez DIA
55 España César Carballeira DEF/MED
10 España Juan José Matilla POR
Corpo técnico
Adestrador Jordi García Roselló
Segundo adestrador Ramón Margalef Torrell
Noia Freixenet
Número Nome Posición
77 España Jesús Fernández POR
4 España Aleix Esteller (C) DEF/MED
6 España Xavier Costa DIA
7 España Roger Coma DEF/MED
8 Humberto Mendes DEF/MED
9 España Marc Grau DIA
44 España Sergi Roca DIA
55 España Sergi Aragonés DIA
66 España Eduard Fernández DEF/MED
10 España Martí Zapater POR
Corpo técnico
Adestrador Pere Varias Fernández
Segundo adestrador Antonia Aranda Córdoba

Resultados[editar | editar a fonte]

  Semifinais Final
             
15 de setembro - Sant Sadurní d'Anoia
  Reus Deportiu 2  
  H.C. Liceo 3  
 
16 de setembro - Sant Sadurní d'Anoia
      H.C. Liceo 3
    Barça Lassa 2
15 de setembro - Sant Sadurní d'Anoia
  Barça Lassa 3
  Noia Freixenet 2  


Semifinais[editar | editar a fonte]

Reus Deportiu vs H.C. Liceo

Na primeira semifinal enfrontáronse o Reus Deportiu e o H.C. Liceo nun partido moi intenso. O conxunto galego sentenciou o partido na primeira parte, na que Di Benedetto, e os irmáns Lamas despois, deixaban un claro 0-3 ao descanso. Na primeira parte o Liceo dominou a bóla e tivo numerosas ocasións para abrir o marcador, entre elas unha falta directa que Di Benedetto non conseguiu transformar, se ben uns minutos despois anotaba o primeiro tanto a pase de Miras, a este lle seguirían outros dous, primeiro por medio de Josep Lamas a pase de Eduard Lamas, que anotaría o terceiro a pase de seu irmán. Na segunda parte o Liceo limitouse a esperar ao Reus, dándolle vida ao conxunto catalán, ao que lle anularon un gol, e por mediación de Cristian e Julià reducía a vantaxe liceísta, e unha directa errada por Julià a pouco máis dun minuto evitaba o empate dos xogadores de Jordi García.[12][13][14]


Reus Deportiu 2 – 3 H.C. Liceo 15 de setembro de 2018, 19:00 – Ateneu Agrícola, Sant Sadurní d'Anoia
Asistencia: 800[12]
Árbitro: G. Sandoval e A. De la Hera
Cristian Anotado no 39º minuto 39'
Julià Anotado no 43º minuto 43'
Informe
Di Benedetto Anotado no 14º minuto 14'
J. Lamas Anotado no 18º minuto 18'
E. Lamas Anotado no 19º minuto 19'
 
F.C. Barcelona vs C.E. Noia

Na segunda semifinal o anfitrión recibiu ao Barça Lassa, bicampión de liga e copa na tempada precedente. Os culés adiantáronse no marcador por medio de Bargalló e o coruñés Alabart na primeira metade, mais o Noia conseguiu recurtar a diferenza cun gol do angolano Mendes logo dun disparo de Esteller pouco antes do descanso. Na segunda parte Eduard empataba o encontro ao transformar unha falta directa, mais poucos minutos despois un novo tanto de Bargalló deixaba o definitivo 3-2 no marcador, a pesar dos intentos do Noia, os anfitrións non conseguiron chegar con suficiente perigo á portería de Egurrola.[14][15]


Barça Lassa 3 – 2 Noia Freixenet 15 de setembro de 2018, 21:00 – Ateneu Agrícola, Sant Sadurní d'Anoia
Asistencia: 1 000[15]
Árbitro: J.A. Ribó e R. Burgos
Bargalló Anotado no 9º minuto 9', Anotado no 33º minuto 33'
Alabart Anotado no 24º minuto 24'
Informe
Mendes Anotado no 24º minuto 24'
Eduard Anotado no 29º minuto 29'
 

Final[editar | editar a fonte]

O Liceo e o Barcelona, os dous finalistas da Copa do Rei de 2018 e os dous primeiros clasificados na OK Liga, disputaron unha final moi igualada. O primeiro gol do partido chegou dende o punto de penalti, dende onde Panadero puña en vantaxe aos azulgrana. A pesar do gol o partido non mudou e as defensas seguiron dominando ata que o pequeno dos Lamas igualou o encontro a tres minutos para o descanso. Pouco antes do descanso o equipo coruñés puido adiantarse no marcador logo dun cartón azul amosado a Panadero, mais Di Benedetto fallou a directo. Na reanudación, e co Liceo aínda en superioridade, o cadro herculino adiantouse grazas a un potente disparo de Coy. A falta de 15 minutos o Liceo púxose con nove faltas, a unha do lanzamento directo. A falta de sete minutos para o final do partido Matías Pascual igualou o partido. No tramo final do partido, e cos dous equipos con nove faltas, volveu o control que dominou o inicio do choque, ata que a dez segundos para o final Di Benedetto superou a Sergi Fernández e anotaba o terceiro gol liceísta a pase de Miras.[16][17][18]


H.C. Liceo 3 – 2 Barça Lassa 16 de setembro de 2018, 20:00 – Ateneu Agrícola, Sant Sadurní d'Anoia
Asistencia: 1 000[16]
Árbitro: I. González e M. Díaz
E. Lamas Anotado no 22º minuto 22'
Coy Anotado no 26º minuto 26'
Di Benedetto Anotado no 49º minuto 49'
Informe
Panadero Anotado no 3º minuto 3' (p)
Pascual Anotado no 43º minuto 43'
 
Campión da Supercopa de España 2018-2019

H.C. Liceo
2º título

Notas[editar | editar a fonte]

  1. O Club Esportiu Noia foi o cuarto clasificado da tempada 2017-18 da OK Liga.
  2. Os datos dos xogadores están tomados das estatísticas de cada partido disputado dispoñibles no sitio web da Real Federación Española de Patinaxe, así como do sitio web ceroacero.es. As posicións de cada un dos xogadores están tomadas da ficha de cada xogador no sitio web ceroacero.es. A nacionalidade dos xogadores está tomada de ceroacero.es.
Referencias
  1. "La Supercopa de España se celebra en Sant Sadurní d'Anoia" (en castelán). Real Federación Española de Patinaxe. 15 de setembro de 2018. Consultado o 15 de setembro de 2018. 
  2. "Presentada la OK Liga y la OK Liga Femenina en Sant Sadurní d'Anoia" (en castelán). Real Federación Española de Patinaxe. 14 de setembro de 2018. Consultado o 20 de setembro de 2018. 
  3. "1-2: El Liceo supera al Reus y gana su primera Supercopa de España". Mundo Deportivo (en castelán). 18 de setembro de 2016. Consultado o 20 de setembro de 2018. 
  4. 4,0 4,1 "The subsites" (PDF). 1992 Summer Olympics official report (en inglés) 2: 337–41. 
  5. "La Supercopa de España se celebrará en Sant Sadurní d'Anoia" (en castelán). Real Federación Española de Patinaxe. !2 de xullo de 2018. Consultado o 15 de setembro de 2018. 
  6. 6,0 6,1 "Pavelló Olímpic de l’Ateneu" (en catalán). Club Esportiu Noia Freixenet. Consultado o 17 de setembro de 2018. 
  7. "Història" (en catalán). Club Esportiu Noia Freixenet. Consultado o 18 de setembro de 2018. 
  8. "La Supercopa de España de hockey patines será el 15 y 16 de septiembre". Sport (en castelán). 26 de xullo de 2018. Consultado o 18 de setembro de 2018. 
  9. "Barça, Liceo, Reus y Noia, a por la Supercopa en Sant Sadurní d'Anoia". Mundo Deportivo (en castelán). 14 de setembro de 2018. Consultado o !5 de setembro de 2018. 
  10. "Reus vs Liceo" (en castelán). ceroacero.es. Consultado o 22 de setembro de 2018. 
  11. "Noia vs Barcelona" (en castelán). ceroacero.es. Consultado o 22 de setembro de 2018. 
  12. 12,0 12,1 "2-3: El Liceo, primer finalista de la Supercopa tras vencer al Reus Deportiu". Mundo Deportivo (en castelán). 15 de setembro de 2018. Consultado o 16 de setembro de 2018. 
  13. "Dos caras que valen una final". La Opinión (en castelán). 16 de setembro de 2018. Consultado o 20 de setembro de 2018. 
  14. 14,0 14,1 "HC Liceo y Barça Lassa se enfrentarán en la final de la Supercopa" (en castelán). Real Federación Española de Patinaxe. 15 de setembro de 2018. Consultado o 20 de setembro de 2018. 
  15. 15,0 15,1 "3-2: El Barça, a la final de la Supercopa tras batir al Noia". Mundo Deportivo (en castelán). 15 de setembro de 2018. Consultado o 16 de setembro de 2018. 
  16. 16,0 16,1 "3-2: El Liceo gana la Supercopa al Barça a 10” del final". Mundo Deportivo (en castelán). 16 de setembro de 2018. Consultado o 17 de setembro de 2018. 
  17. "El Liceo, campeón de la Supercopa de España". La Opinión (en castelán). 16 de setembro de 2018. Consultado o 21 de setembro de 2018. 
  18. "El HC Liceo se proclama campeón de la Supercopa de España" (en castelán). Real Federación Española de Patinaxe. 16 de setembro de 2018. Consultado o 20 de setembro de 2018. 

Véxase tamén[editar | editar a fonte]

Ligazóns externas[editar | editar a fonte]

Resumos dos partidos
Ligazóns xerais