O Stadio Flaminio é un centro deportivo situado na cidade de Roma. Sitúase na Vía Flaminia (calzada romana que levaba de Roma a Ariminium), a tres quilómetros do centro da cidade.
O estadio actual data de xullo de 1957, ano de inicio da súa construción, aínda que xa anteriormente existía un primeiro estadio chamado tamén Stadio Flaminio, construído en 1927 en honra ao Partito Nazionale Fascista, edificado á súa vez no lugar onde había unha construción de 1911, o Stadio Nazionale, que conmemoraba o 50 aniversario do Risorgimento, que ademais fora construído sobre outro antigo estadio, o Stadio Torino, que se caracterizaba por un estilo arquitectónico clásico e moi sobrio.
O deseño do actual estadio débese aos arquitectos Pierluigi e Antonio Nervi, construído pola sociedade Nervi e Bartoli baixo a dirección do enxeñeiro Bruno Magrelli. A súa inauguración oficial se levou a cabo o 12 de marzo de 1959.
Cunha capacidade de 24.973 espectadores (8.000 cubertos), ata o 2011 foi o máis pequeno dos estadios do Torneo das Seis Nacións, debido a iso, en 2012 os azurri cambiáronse para o Stadio Olimpico[1].
Durante o campionato italiano de fútbol 1989/90 os equipos da Roma e o Lazio xogaron como locais neste campo debido aos traballos de remodelación do Stadio Olímpico con vistas ao Mundial de Fútbol de 1990, organizado por Italia.
Murrayfield (Edimburgo, Escocia) - 
Stade de France (Saint-Denis, Francia) - 
Millennium Stadium (Cardiff, Gales)
Twickenham (Londres, Inglaterra) - 
Aviva Stadium (Dublín, Irlanda) - 
Stadio Olimpico (Roma, Italia)
