San Francisco 49ers

Na Galipedia, a Wikipedia en galego.
San Francisco 49ers
Fundado en 1946
Sede en Santa Clara, CA
Logo dos San Francisco 49ers
Wordmark dos San Francisco 49ers
Logo Wordmark
Afiliacións de Liga/Conferencia

All-America Football Conference (1946-1949)

  • División Oeste (1946-1949)

National Football League (1950–presente)

  • National Conference (1950-1952)
  • Western Conference (1953-1969)
    • Coastal Division (1967-1969)
  • NFC (1970-actualidade)
Uniforme actual
49ers uniforms 15.png
Cores

Vermello, ouro, negro, branco

                   
Mascota Sourdough Sam
Cadro de persoal
Propietario(s) Denise DeBartolo York
John York (copropietarios)
CEO Jed York
Presidente Al Guido
Director xeral John Lynch
Adestrador Kyle Shanahan
Historia
  • San Francisco 49ers (1946–presente)
Alcume(s)
  • Niners
Campionatos

Títulos de Liga (5)

  • Super Bowl (5)
    1981 (XVI), 1984 (XIX), 1988 (XXIII), 1989 (XXIV), 1994 (XXIX)

Conferencia (6)

  • NFC: 1981, 1984, 1988, 1989, 1994, 2012

División (19)

  • NFC Oeste: 1970, 1971, 1972, 1981, 1983, 1984, 1986, 1987, 1988, 1989, 1990, 1992, 1993, 1994, 1995, 1997, 2002, 2011, 2012
Estadios
  • Kezar Stadium (1946−1970)
  • Candlestick Park (1971−2013)
  • Levi's Stadium (2014−presente)

Os San Francisco 49ers son un equipo profesional de fútbol americano con sede na Área da Baía de San Francisco. Forman parte da National Football League (NFL) como membro da National Football Conference (NFC) na súa División Oeste. O equipo xoga actualmente os seus partidos no Levi's Stadium de Santa Clara, California, cidade situada a 75 km ao sueste de San Francisco en pleno corazón de Silicon Valley. O equipo foi fundado en 1946 como membro da All-America Football Conference (AAFC), uníndose á NFL en 1949 coa fusión de ambas competicións. Os 49ers foron o primeiro equipo das grandes ligas estadounidenses en ter a súa sede en San Francisco. O nome de "49ers" proven do ano da chegada da febre do ouro ao norte de California: 1849. O equipo está legalmente rexistrado como os San Francisco Forty Niners, Ltd. A franquía comezou a xogar no Kezar Stadium de San Francisco, antes de mudarse ao Candlestick Park en 1970 e finalmente ao Levi's Stadium en 2014. A sede administrativa do equipo está en Santa Clara desde 1988.[1]

Os 49ers gañaron cinco títulos da Super Bowl entre 1981 e 1995, era na que estiveron liderados por xogadores como Joe Montana, Jerry Rice, Ronnie Lott ou Steve Young, xunto co adestrador Bill Walsh.[2][3] Alén diso, o equipo gañou un total de seis campionatos de conferencia, o primeiro en 1981 e o último en 2012. Tamén posúen un total de dezanove campionatos de división entre 1970 e 2012, facendo ao equipo un dos máis laureados da historia da competición. Debido a isto, os 49ers son posuidores de moitos récords da NFL, incluído o maior número de presenzas en finais de conferencia (15, empatados cos Pittsburgh Steelers), a maior xeira de vitorias consecutivas como visitante (18) ou máis partidos consecutivos anotando (de 1979 a 2004). De acordo a Forbes Magazine, os 49ers son a cuarta franquía máis valiosa da NFL,[4] e o décimo equipo deportivo a nivel mundial, por detrás de Los Angeles Lakers e por diante do Bayern München.[5]

Historia[editar | editar a fonte]

Comezos[editar | editar a fonte]

Fundados en 1946, os San Francisco 49ers foron a primeira franquía deportiva profesional con sede en San Francisco e un dos primeiros equipos deportivos profesionais con base na costa oeste dos Estados Unidos. O equipo tamén se converteu no primeiro equipo das catro grandes ligas esetadounidenses, é dicir, MLB (béisbol), NBA (baloncesto), NFL (fútbol americano) e NHL (hóckey sobre xeo), en xogar nesta zona do país. Con todo, ese mesmo ano tamén chagarían á costa oeste os Cleveland Rams, o cales se mudaron aos Ánxeles.[6] O nome de "49ers" proven do ano da chegada da febre do ouro ao norte de California: 1849. A franquía comezou a xogar como membro da All-America Football Conference (AAFC), uníndose á NFL en 1949 coa fusión de ambas competicións, usando como estadio local o Kezar Stadium.

En 1957, os 49ers gozaron do seu primeiro éxito como membros da NFL. Despois de perder o primeiro partido da temporada, os 49ers gañaron os seus tres seguintes encontros contra os Rams, Bears e Packers. O seguinte partido na casa enfrontábaos aos Bears, caendo os de San Francisco por 17-7 despois de dous cuartos. Por desgraza, Tony Morabito, dono da franquía, derrubouse tras sufrir un ataque ao corazón e morreu durante o partido. O falecemento foille comunicado aos xogadores durante o descanso, cando o adestrador Frankie Albert lles entregou unha nota con dúas palabras: "Tony's gone" (do inglés: "Tony foise"). Con bágoas nos ollos e motivados para gañar o partido na súa memoria, os 49ers anotaron 14 puntos sen oposición para gañar 21-17. Tras a morte do propietario dos Niners, Victor Morabito e a viúva de Tony, Josefina V. Morabito, tomaron o control do equipo. O asistente especial dos Morabitos, Luís G. Spadia (1921-2013) foi nomeado director xeral. O equipo acabou a temporada cun balance de 8–4, empatando cos Detroit Lions polo título da División Oeste e asegurandose un partido de playoff no seu estadio. Con todo, o equipo non consegue gañar aos de Detroit, sendo o marcador final 31–27. Se tivesen gañado, os 49ers terían xogado a final da liga na súa casa ante os Cleveland Browns. De feito, o título sería gañado finalmente polos Lions tras vencer Browns por 59–14.

Estadio[editar | editar a fonte]

Artigo principal: Levi's Stadium.

Os San Francisco 49ers comezaron a súa andaina en 1946 no Kezar Stadium, un recinto situado na esquina sueste do Golden Gate Park. O Kezar Stadium, que contaba na época con capaciadade para 59.942 espectadores, tamén serviu durante un ano como estadio dos Oakland Raiders. En 1971 o equipo múdase a Candlestick Park, estadio dos San Francisco Giants da Major League Baseball (MLB). Co traslado do equipo de béisbol en 1999, os 49ers pasaron a ser o único equipo en utilizar o recinto, sendo no seu momento o último estadio da NFL que comezara como recinto para o báisbol e acabara como estadio para fútbol.

Xa no século XXI, os 49ers decidiron construír un novo estadio, sendo a súa idea inicial mantelo en Candlestick Point (San Francisco). O proxecto, que incluía plans de mellora urbanística no barrio non puido ser levado a cabo ao fracasar as negociacións co concello. Así, decidiron trasladar o seu proxecto a Santa Clara, aproximadamente a 64 km de San Francisco, onde xa estaba a sede administrativa do equipo. Finalmente, o Levi's Stadium foi inaugurado o 17 de xullo de 2014. O estadio conta con capacidade para albergar a 68.500 espectadores, ampliábeis até os 75.000.

Estadio Localización Estado Capacidade Período(s)
Kezar Stadium San Francisco California California 59.942 1946 1970
Candlestick Park San Francisco California California 69.732 1971 2013
Stanford Stadium Stanford, Santa Clara California California 86.019 1989 (un partido)
Levi's Stadium Santa Clara California California 68.500 2014

Xogadores[editar | editar a fonte]

Cadro actual[editar | editar a fonte]

Cadro de xogadores dos San Francisco 49ers
Quarterbacks

Running backs

Wide receivers

Tight ends

Liña ofensiva

Liña defensiva

Linebackers

Defensive backs

Equipos especiais

Reservas

Equipo de adestramento

Rookies en cursiva
Roster actualizado a 22 de novembro de 2016
Depth ChartTraspasos

53 activos, 9 inactivos, 11 de adestramento

Membros do Hall of Fame[editar | editar a fonte]

Os seguintes os xogadores que formaron parte dos San Francisco 49ers e que foron introducidos no Pro Football Hall of Fame.[7]

Joe Montana (1979–1992)
Membros do Pro Football Hall of Fame dos San Francisco 49ers
Xogadores
No. Nome Posición Anos Ingreso No. Nome Posición Anos Ingreso
71 Larry Allen G 2006–2007 2013 16 Joe Montana QB 1979–1992 2000
74 Fred Dean DE 1981–1985 2008 73 Leo Nomellini DT 1949–1963 1969
95 Richard Dent DE 1994 2011 34 Joe Perry RB 1948–1960
1963
1969
56 Chris Doleman DE 1996–1998 2012 80 Jerry Rice WR 1985–2000 2010
91 Kevin Greene LB 1997 2016 21 Deion Sanders CB 1994 2011
94 Charles Haley LB 1986–1991
1998–1999
2015 32 O. J. Simpson RB 1978–1979 1985
22 Bob Hayes WR 1975 2009 79 Bob St. Clair OT 1953–1963 2008
57 Rickey Jackson DE 1994–1995 2010 14 Y. A. Tittle QB 1951–1960 1971
37 Jimmy Johnson CB 1961–1976 1994 64 Dave Wilcox LB 1964–1974 2000
35 John Henry Johnson FB 1954–1956 1987 26 Rod Woodson CB 1997 2009
42 Ronnie Lott CB 1981–1990 2000 8 Steve Young QB 1987–1999 2005
39 Hugh McElhenny RB 1952–1960 1970
Adestradores e executivos
Nome Posicións Anos Ingreso
Edward J. DeBartolo, Jr Propietario 1977–2000 2016
Bill Walsh Adestrador 1979–1988 1993

Títulos[editar | editar a fonte]

Super Bowls[editar | editar a fonte]

Os 49ers posúen un total de cinco trofeos da Super Bowl. Os tres primeiros gañáronos baixo a dirección do adestrador Bill Walsh. Tras a retirada de Walsh despois de gañar o seu terceiro trofeo en 1988, a franquía continuou a gañar baixo a man de George Seifert, o cal foi capaz de gañar o título no seu ano como debutante. Posteriormente, gañaría de novo o campionato en 1994.[8]

Ano Adestrador Super Bowl Sede Opoñente Resultado Balance
1981 Bill Walsh XVI Pontiac, Michigan Cincinnati Bengals 26–21 16–3
1984 Bill Walsh XIX Stanford, California Miami Dolphins 38–16 18–1
1988 Bill Walsh XXIII Miami, Florida Cincinnati Bengals 20–16 13–6
1989 George Seifert XXIV Nova Orleáns, Luisiana Denver Broncos 55–10 17–2
1994 George Seifert XXIX Miami, Florida San Diego Chargers 49–26 16–3
Total de Super Bowls gañadas: 5

Campionatos da NFC[editar | editar a fonte]

Ano Adestrador Sede Opoñente Resultado Balance
1981 Bill Walsh San Francisco, California Dallas Cowboys 28–27 16–3
1984 Bill Walsh San Francisco, California Chicago Bears 23–0 18–1
1988 Bill Walsh Chicago, Illinois Chicago Bears 28–3 13–6
1989 George Seifert San Francisco, California Los Angeles Rams 30–3 17–2
1994 George Seifert San Francisco, California Dallas Cowboys 38–28 16–3
2012 Jim Harbaugh Atlanta, Xeorxia Atlanta Falcons 28–24 13–4–1
Total de campionatos da NFC gañados: 6

Notas[editar | editar a fonte]

  1. "49ers.com | Behind the Building" (en inglés). 
  2. "Team Game Finder Query Results - Pro-Football-Reference.com" (en inglés). 
  3. "Team Game Finder Query Results - Pro-Football-Reference.com" (en inglés). 
  4. "2016 NFL Valuations". Forbes (en inglés). 
  5. Badenhausen, Kurt. "San Francisco 49ers - pg.11". Forbes (en inglés). 
  6. http://www.sportsecyclopedia.com/nfl/larams/larams.html
  7. "Hall of Famers by Franchise". Pro Football Hall of Fame. Consultado o 19 de decembro de 2016. 
  8. Williamson, Bill. "San Francisco 49ers to honer George Seifert". www.espn.com (en inglés). ESPN. 

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]