Oakland Raiders

Na Galipedia, a Wikipedia en galego.
Saltar ata a navegación Saltar á busca
Oakland Raiders
Fundado en 1960
Sede en Oakland (California)
Wordmark dos Oakland Raiders
Wordmark
Afiliacións de Liga/Conferencia

American Football League (1960−1969)

  • West Division (1960−1969)

National Football League (1970–presente)

Uniforme actual
Raiders uniform update 1-03-2017.png
Cores           Prata, negro
Canción The Autumn Wind
Cadro de persoal
Propietario(s) Mark Davis
Presidente Marc Badain
Director xeral Reggie McKenzie
Adestrador Jack Del Rio
Historia
  • Oakland Raiders (1960–1981)
  • Los Angeles Raiders (1982–1994)
  • Oakland Raiders (1995–presente)
Alcume(s)
Raider Nation
The Silver and Black
Campionatos

Títulos de Liga (3)

  • Super Bowl (3)
    1976 (XI), 1980 (XV), 1983 (XVIII)

Conferencia (4)

  • AFC: 1976, 1980, 1983, 2002

División (15)

  • AFL Oeste: 1967, 1968, 1969
  • AFC Oeste: 1970, 1972, 1973, 1974, 1975, 1976, 1983, 1985, 1990, 2000, 2001, 2002
Estadios

En San Francisco

  • Kezar Stadium (1960)
  • Candlestick Park (1961)

En Oakland

Nos Ánxeles

Nas Vegas

Os Oakland Raiders son un equipo profesional estadounidense de fútbol americano con sede na cidade de Oakland (California). O equipo foi fundado o 30 de xaneiro de 1960 como membro da American Football League (AFL), xogando os seus primeiros partidos no Kezar Stadium de San Francisco. Actualmente Forman parte da National Football League (NFL) como membro da American Football Conference (NFC) na súa División Oeste. O seu estadio como local é o Oakland Coliseum, recinto inaugurado en 1966 con capacidade para 56.063 espectadores. O 27 de marzo de 2017 os propietarios dos equipos da NFL votaron con 31 votos a favor e 1 en contra permitir o traslado do equipo desde Oakland ás Vegas (Nevada). Por tanto, o equipo permanecerá en Oakland até 2018 (e posíbelmente 2019) e comezará a usar o seu novo estadio en 2019 o 2020.

Historia[editar | editar a fonte]

Os Raiders empezaron a xogar en 1960 como o oitavo membro da antiga American Football League (AFL), onde gañaron un campionato e tres títulos da división. O equipo uniuse á NFL en 1970 como parte da fusión da AFL e a NFL. Desde que se uniu a NFL, os Raiders gañaron doce títulos da división e tres Super Bowls, e participaron noutros dous Super Bowls. O equipo ten trece membros consagrados no Salón da Fama .

Durante o seu primeiras tres tempadas, os Raiders tiveron problemas dentro e fóra do campo. En 1963, Al Davis foi traído ao equipo como adestrador en xefe e xerente xeral. Davis volveu gañadores inmediatamente aos Raiders, e de 1963 até 2002 o equipo tivo só sete tempadas perdedoras. El iniciou tamén o uso de slogans do equipo tales como "Pride and Poise", "Commitment to Excellence", e "Just Win, Baby" todos os cales son marcas rexistradas. Excepto unha etapa breve como Comisionado do AFL en 1966, Davis estivo continuamente co equipo.

Despois duns poucos anos de batallas legais, Davis trasladou o equipo de Oakland aos Ánxeles, en 1982. Mentres permaneceron nos Ánxeles, os Raiders gañaron a súa terceira Super Bowl, mais fixeron soamente dúas aparicións na fase final no resto dos anos oitenta. En 1995, Davis trasladou ao equipo de volta a Oakland. En 2000, o adestrador en xefe Jon Gruden dirixiu aos Raiders ao seu primeiro título da división dende 1990. Co adestrador en xefe Bill Callahan, Oakland encarou aos Tampa Bay Buccaneers por Gruden na Super Bowl XXXVII, onde perderon cun avultado 48-21. Dende a derrota, os Raiders encaderaron cinco malas tempadas consecutivas. En xaneiro de 2007, o equipo contratou a Lane Kiffin de 31 anos de idade, o seu cuarto adestrador en xefe dende a saída de Gruden en 2002.

Logo e imaxe do Raiders.

Logo e uniformes[editar | editar a fonte]

Cando o equipo foi fundado en 1960, o xornal Oakland Tribune organizou un concurso para bautizar ao equipo, sendo o gañador Oakland Señors.[1] Tras nove días sendo obxecto de burlas a nivel local (e acusacións de que o concurso estaba amañado), o equipo decide non manter o nome e mudalo ao actual Oakland Raiders, proposición que acabara en terceiro lugar.[2] Os primeiros uniformes do equipo eran negros e dourado, mentres que os cascos eran negros cunha faixa branca e sen ningún logo. Este deseño permaneceu entre 1960 e 1962. En 1963, cando Al Davis se converteu en adestrador e director xeral da franquía, decide mudar as cores a negro e branco, engadindo un logo no casco. Este logo consiste na palabra "RAIDERS", a cal se sitúa por riba de dous alfanxes cunha cabeza dun saqueador ou pirata levando un casco de fútbol sobreimpresionada. Este emblema, aínda en uso, foi creado baseándose na apariencia do actor Randolph Scott.[3]

Xogadores[editar | editar a fonte]

Cadro actual[editar | editar a fonte]

Cadro de xogadores dos Oakland Raiders
Quarterbacks

Running backs

Wide receivers

Tight ends

Liña ofensiva

Liña defensiva

Linebackers

Defensive backs

Equipos especiais

Reservas

Equipo de adestramento

Rookies en cursiva
Roster actualizado a 22 de outubro de 2016
Depth ChartTraspasos
53 activos, 8 inactivos, 10 de adestramento


  1. "Grid Team Named-- They're Senors". Oakland Tribune (Oakland, California). 05-04-1960. p. 37. Soda said, "My own personal choice would have been Mavericks, but I believe we came up with a real fine name." The selection committee narrowed the choices down to Admirals, Lakers, Diablos, Seawolves, Gauchos, Nuggets, Señors Dons, Costers, Grandees, Sequoias, Missiles, Knights, Redwoods, Clippers, Jets, and Dolphins. 
  2. "Now It's Hi, Raiders! (Bye, Senors)". Oakland Tribune (Oakland, California). April 14, 1960. p. 1. 
  3. Otto, The Pain of Glory, p. 69.