Saleta Fernández López

Na Galipedia, a Wikipedia en galego.
Saltar ata a navegación Saltar á procura
Saleta Fernández López
Información persoal
NacionalidadeEspañola España
Nacemento15 de xullo de 1997
Monforte de Lemos,
Galicia Galicia
ResidenciaSantander, Cantabria Cantabria
Deporte
PaísEspaña
DeporteAtletismo
Salto de altura
PosiciónCampioa de España en salto de altura Sub-23
ClubA Gándara, Ría de Ferrol, F.C. Barcelona, València Esports
AdestradorRamón Torralbo
Ruth Beitia
editar datos en Wikidata ]

Saleta Fernández López, nada en Monforte de Lemos o 15 de xullo de 1997, é unha xove atleta galega especializada en salto de altura.[1]

Na actualidade posúe o récord galego de altura e, o 7 de xullo de 2018 gañou a medalla de ouro no Campionato de España de Atletismo Sub-23, celebrado en Soria.[2]

Tras pasar por varios clubs, actualmente compite co València Esports.[3]

Traxectoria[editar | editar a fonte]

Saleta Fernández naceu en Monforte e fixo os seus primeiros estudos no colexio de A Gándara desta localidade, onde un profesor, Filipe Barata, apaixonado do atletismo, creou un club no colexio. A partir do ano 2009 Saleta comezou a gañar medallas, a primeira na categoría infantil a nivel galego e, a continuación, xa empezou a ir a campionatos nacionais.[4]

En idade xuvenil, aos 16 anos, trasladouse ao Centro Galego de Tecnificación Deportiva de Pontevedra, do Consello Superior de Deportes de España, onde estudou o bacharelato.[5] Alí saltou 1,75 m. Pero, debido a que neste Centro non había un equipo de saltos, e non adestraba adecuadamente, por consello de Ruth Beitia, á que coñeceu nunha concentración da selección absoluta de España, trasladouse a Santander para adestrar con ela e co seu adestrador Ramón Torralbo. A olímpica Beitia falou cos pais de Fernández e acolleuna na súa casa.[4]

En xuño de 2014 foi seleccionada para os Xogos Olímpicos da Xuventude. O presidente da Federación Galega de Atletismo, Isidoro Hornillos, ao recibir a noticia, manifestou que «esta é unha gran nova para o atletismo galego, e máis nunha disciplina técnica, na que sempre resulta máis complicado lograr bos resultados. Como presidente da federación, esta nova éncheme de orgullo». Segundo Hornillos, o futuro desta deportista é moi esperanzador, xa que «é unha muller que ten moito talento, compite moi ben e, o máis importante, sabe controlar o seu estrés, o que lle permite responder na alta competición. Podemos estar falando da que no futuro pode ser a primeira monfortina olímpica absoluta, porque apunta moi alto». Isidoro Hornillos felicitou publicamente a Saleta Fernández e tivo palabras de agradecemento para o seu antigo club, A Gándara, no que se forxou como atleta, e tamén ao seu segundo club, o Ría de Ferrol, e a todos os adestradores que tivo ao longo da súa carreira deportiva, e máis á súa familia.[6][7]

A pesar de estar aínda na categoría Sub-23, pensaba ir ao Campionato de Europa de Atletismo de 2018 de Berlín, pero non puido participar porque a marca mínima requirida no concurso de sato de altura era de 1,90 m, e a súa marca persoal era de 1,86, aínda que á final deste concurso pasaron atletas coa súa marca.[5]

En 2018 está cursando na Universidade de Cantabria mercadotecnia, publicidade e relacións públicas.[4]

Mellores marcas[editar | editar a fonte]

Data Especialidade Lugar Marca [8]
7 de xuño de 2018 Salto de altura (aire libre) Soria 1,86 m [9]
11 de febreiro de 2018 Salto de altura (pista cuberta) Salamanca 1,84 m

Participacións en campionatos en 2018[editar | editar a fonte]

Aire libre[editar | editar a fonte]

Pista cuberta[editar | editar a fonte]

Progresión[editar | editar a fonte]

Aire libre

Ano Lugar Data Marca [11]
2018 Los Corrales de Buelna 2 de xuño de 2018 1,86 m
2017 Barcelona 23 de xullo de 2017 1,83 m
2016 Coslada 10 de xullo de 2016 1,76 m
2015 Xixón 22 de xullo de 2015 1,73 m
2014 Bakú 30 de maio de 2014 1,77 m
2013 Utrecht 18 de xullo de 2013 1,75 m

Pista cuberta

Ano Lugar Data Marca [11]
2018 Salamanca 11 de febreiro de 2018 1,84 m
2017 Salamanca 19 de febreiro de 2017 1,83 m
2016 Madrid 6 de marzo de 2016 1,83 m
2015 Valencia 8 de marzo de 2015 1,71 m
2014 A Coruña 12 de xaneiro de 2014 1,76 m
2013 A Coruña 9 de febreiro de 2013 1,67 m

Recoñecementos[editar | editar a fonte]

O 2 de abril de 2018 Saleta Fernández foi recibida no concello de Monforte, antes da Feira Medieval, para recibir das mans do alcalde José Tomé unha réplica do emblemático edificio dos Escolapios como recoñecemento aos méritos deportivos acadados; entre eles o recente Campionato de España de salto de altura. O alcalde aproveitou a ocasión tamén para pedirlle que asinase no libro de honra do consistorio e lembrou que co acordo acadado por unanimidade no pleno anterior as pistas de atletismo da Pinguela levarán o seu nome, e que en breve se colocará unha placa para tal fin. Saleta tivo palabras de agradecemento ao Concello, ao club e aos familiares presentes no acto por recoñecer non só os méritos e medallas que se acadan, senón tamén o traballo e o esforzo que hai detrás deles. Así mesmo agradeceu que se pensase nela para que as pistas leven o seu nome e indicou que aínda que lle parecía «excesivo» este mérito ía estar moi orgullosa desta honra.[12]

Efectivamente, os concelleiros do grupo dos Non Adscritos do concello de Monforte propuxeron que as pistas de atletismo da Pinguela levasen o nome de Saleta Fernández. A proposta saíu adiante no Pleno co voto favorábel de todo os grupos municipais. E o 7 de agosto de 2018 o alcalde, José Tomé, e a atleta monfortina descubriron unha placa nestas intalalcións deportivas, acompañados de familiares, amigos e membros da corporaración.[13] Saleta manifestou:

"Cando me falaron da proposta, a primeira sorprendida fun eu, pero a verdade é que estou moi orgullosa deste recoñecemento e de que as pistas leven o meu nome".[13]

Notas[editar | editar a fonte]

  1. Saleta Fernández: «Entrenaba casi sola y Ruth me dijo: "Vente conmigo"» La Razón, 29 de outubro de 2017. Consultado o 31 de agosto de 2018.
  2. Saleta Fernández, campeona de España. Atlántico, 8 de xullo de 2018. Consultado o 31 de agosto de 2018.
  3. Saleta Fernández estrena club. La saltadora gallega abandona el FC Barcelona en wangconnection.com, 29 de Outubro de 2016. Conultado o 31 de agoto de 2018.
  4. 4,0 4,1 4,2 "Saleta Fernández: «El atletismo es un estilo de vida» La monfortina, la nueva esperanza del salto de altura, espera dar pronto un gran impulso". La Voz de Galicia, 16 de xullo de 2018. Consultado o 31 de agosto de 2018.
  5. 5,0 5,1 «El fútbol está sobrevalorado» La Voz de Gaicia, 31 de agosto de 2018. Consultado ese mesmo día.
  6. Saleta Fernandez, seleccionada para os Xogos Olimpicos de la Juventud (sic) Xunta de Galicia. Deporte Galego. Federación galega de Atelltimo. 27 de xuño de 2014. Consutado o 31 de agosto de 2018.
  7. El presidente de la federación gallega pronostica un gran futuro para la deportista local. La Voz de Galicia, 27 de xuño de 2014. Consutado o 31 de agosto de 2018.
  8. Saleta Fernández. Marcas persoais. Perfil na web da IAAF.
  9. Saleta Fernández. Medalla de ouro de España. Perfil na web da IAAF.
  10. 10,0 10,1 Saleta Fernández. Competicións. Perfil na web da IAAF.
  11. 11,0 11,1 Saleta Fernándex. Progresión. Web da IAAF.
  12. A campioa de salto de altura Saleta Fernández recoñecida en Monforte Galicia Confidencial, 3 de abril de 2018. Conultado o 31 de Agosto de 2018.
  13. 13,0 13,1 As pistas de atletismo da Pinguela levan xa o nome de Saleta Fernández López na web do Concellllo de Monforte de Lemos.

Véxase tamén[editar | editar a fonte]

Ligazóns externas[editar | editar a fonte]