Ruth Beitia

Ruth Beitia

Biografía
Nacemento	(es) Ruth Beitia Vila 1 de abril de 1979 (46 anos) Santander, España
Member of the Parliament of Cantabria (en)
Datos persoais
Educación	Ucam
Altura	1,91 m
Peso	72 kg
Actividade
Ocupación	política, atleta, xerente
Empregador	Real Federación Española de Atletismo
Partido político	Partido Popular
Nacionalidade deportiva	España
Deporte	atletismo
Disciplina deportiva	salto de altura
Participou en
2016	Atletismo nos Jogos Olímpicos de Verão de 2016 (pt)
2012	Xogos Olímpicos de 2012
agosto de 2008	Xogos Olímpicos de 2008
2004	Xogos Olímpicos de 2004
Premios
Medalla de Ouro da Real Orde do Mérito Deportivo

Ruth Beitia Vila, nada en Santander o 1 de abril de 1979, é unha atleta española, especialista en salto de altura. Desde 2011 é secretaria primeira do Parlamento de Cantabria.

Traxectoria deportiva

Ruth Beitia (IAAF World Challenge Meeting Madrid 2017)

En 1998 bateu o seu primeiro récord de España, saltando 1,89 m. Nos anos seguintes mellorou varias veces esta marca ata conseguir superar os 2,02 m, que é o actual récord de España, feito en Donostia, o 4 de agosto de 2007.

É a primeira e ata agora única muller española que superou a barreira dos dous metros, e foi a 9ª mellor marca mundial de 2003.

Os seus resultados internacionais máis importantes logrounos baixo teito. En 2005 gañou a medalla de prata nos Campionatos de Europa indoor celebrados en Madrid, onde saltou 1,99 m e só foi batida pola rusa Anna Chicherova.

En 2006 gañou o bronce nos Campionatos do Mundo Indoor de Moscova, onde saltou 1,98 e só foi batida pola rusa campioa olímpica Yelena Slesarenko e pola croata Blanka Vlašić.

Foi finalista nos Campionatos do Mundo ao aire libre de París 2003, onde ocupou a 11ª posición. Nos mundiais de Helsinqui 2005 non conseguiu pasar á final.

Foi finalista nos Campionatos de Europa de Múnic en 2002, onde ocupou a 11ª posición.

Participou nos Xogos Olímpicos de Atenas 2004, aínda que non puido pasar á final.

Foi unha vez campioa de España ao aire libre (en 2003), e catro veces campioa indoor (en 2002-03-04-05)

En 2004 conseguiu saltar os 2,00 m en pista cuberta, igualando o seu mellor marca ao aire libre.

O 8 de marzo de 2009 conseguiu a medalla de prata en salto de altura, a súa terceira medalla no Campionato Europeo de Atletismo en Pista Cuberta de 2009 celebrado en Turín, cunha marca de 1,99 metros que só puido superar a alemá Ariane Friedrich (2,01).

No Campionato do Mundo de Berlín 2009, quedou en quinta posición cunha marca de 1,99.

Ruth Beitia consegue a medalla de ouro nos Campionatos de Europa de Atletismo celebrados en Helsinqui en 2012 cunha marca de 1,97 m.

Nas olimpiadas de Londres 2012, consegue un cuarto posto tras superar os 2,00 e realizar tres saltos nulos na marca 2,03.

Ruth Beitia revalida a medalla de ouro nos Campionatos de Europa de Atletismo en Pista Cuberta de 2013 celebrados en Gotemburgo cunha marca de 1,99 m.

Mellores marcas

• Aire libre - 2'02 (2007 Donostia, récord de España)
• Pista cuberta - 2'01 (2007 O Pireo, Grecia, récord de España)

Traxectoria política

En outubro de 2008 foi designada membro do Comité Executivo Rexional do Partido Popular de Cantabria por parte de Ignacio Diego. O 16 de xuño de 2011 tomou posesión como deputada e foi designada secretaria primeira do Parlamento de Cantabria para a VIII Lexislatura.

Predecesor: Eva Bartolomé

Secretaria primeira do Parlamento de Cantabria 2011-actualidade

Sucesor: No cargo

Véxase tamén

Ligazóns externas

• Ruth Beitia na RFEA Arquivado 01 de marzo de 2013 en Wayback Machine. (en castelán)
• Ruth Beitia na IAAF (en inglés)