Rally da Coruña de 1992

Rally da Coruña de 1992
Tipo	edición de rally
Parte de	Rally da Coruña, Tempada 1992 do Campionato de Galicia de Rally e Copa de España de Rally
Número de participantes	74
Localización e Datas
País	España
Número de edición	10 (1992)
Competición
Primeiro posto	Germán Castrillón Permuy
	← 1991 1993 →

O Rally da Coruña de 1992 foi a 10ª edición^[1] de dito rally. Foi a sexta proba da tempada 1992 do Campionato de Galicia de Rally e foi puntuable tamén para a Copa de España. Celebrouse o 5 de setembro de 1992 e o vencedor foi o cabanés Germán Castrillón.^[2]

Resumo

Dos 74 pilotos que tomaron a saída na praza de María Pita, 42 conseguiron completar o rally. O peruano Ramón Ferreyros colocouse líder no primeiro treito e foi o máis rápido en catro dos seis primeiros tramos, ata que rompeu o motor na segunda pasada por Aranga.^[3] O noiés Arturo Rial púxose entón en cabeza e mantívose así ata o primeiro paso por Soandres, na sección nocturna, onde tivo que abandonar ao romper un palier do seu Citroën AX Sport. A súa praza foi ocupada temporalmente polo ponferradino Antonio Garrido, cunha escaso marxe sobre Germán Castrillón. Os dous pilotos repartíronse os restantes treitos (Meirama, Xalo e Soandres) e chegaron ao decisivo treito final con Castrillón liderando por só catro segundos. Os 10,2 km da terceira pasada por Soandres decidiron a carreira a favor de Castrillón, que marcou o mellor tempo e rematou o rally con 13 segundos sobre Aguirre. O coruñés Roberto Blach, cun Peugeot 309 GTI, subiu ao terceiro caixón do podio.^[2]

Igual que Rial, Manolo Senra viuse obrigado a abandonar pola rotura dun palier, no segundo paso polo treito de Doroña, aínda que xa na primeira pasada tivera unha saída de pista que o apartara dos primeiros postos. Tamén en Doroña tiveron que abandonar Ricardo Vidal e Miguel Dopico.^[3]

Clasificación

Pos	Piloto	Copiloto	Vehículo
1	Germán Castrillón	Estrella Castrillón	Ford Sierra Cosworth
2	Antonio Garrido	Juan Álvarez	Ford Sierra Cosworth
3	Roberto Blach	Juan Gómez	Peugeot 309 GTI 8v
4	Javier Piñeiro	Carlos Cascallar	Lancia Delta Integrale
5	Luis Alberto González	Fernando González	Renault Clio 16v
6	Marc Etchebers	Humberto González	Ford Sierra Cosworth
7	Gonzalo Arche	Ana Arche	Renault Clio 16v
8	Javier Azcona	S. Azcona	Renault Clio 16v
9	José Calvo	Luis Valle	Opel Corsa GSI
10	Javier Paz	Manuel García	Citroën AX Sport
11	Miguel Fuster	Ángel Candela	Renault Clio 16v
Abandonos
-	Ramón Ferreyros	Raffaele Ynzenga	Ford Sierra Cosworth
-	Arturo Rial	Juan Carlos Arias	Citroën AX Sport
-	Manuel Senra	José Maceiras	Peugeot 309 GTI 16v
-	Miguel Dopico
-	Ricardo Vidal

Notas

↑ En 1980 xa se disputara a 10ª edición, e en 1990 disputouse a 18ª edición, pero por cuestións de dereitos sobre o uso do nome Rally da Coruña en 1991 reformulouse a numeración do mesmo.
↑ ^2,0 ^2,1 "Castrillón apretó en la noche y ganó el Rally Ciudad de la Coruña". La Voz de Galicia (en castelán). 7 de setembro de 1992. p. 49. |data-acceso= require |url= (Axuda)
↑ ^3,0 ^3,1 Arévalo, Fernando (6 de setembro de 1992). "Ferreyros dejó en cabeza a Rial". La Voz de Galicia (en castelán). p. 56. |data-acceso= require |url= (Axuda)

Predecesor:
Rally Rías Baixas

Campionato de Galicia de Rally
Tempada 1992

Sucesor:
Rally de Ourense

[1] En 1980 xa se disputara a 10ª edición, e en 1990 disputouse a 18ª edición, pero por cuestións de dereitos sobre o uso do nome Rally da Coruña en 1991 reformulouse a numeración do mesmo.

[:0-2] 2,0 ^2,1 "Castrillón apretó en la noche y ganó el Rally Ciudad de la Coruña". La Voz de Galicia (en castelán). 7 de setembro de 1992. p. 49. |data-acceso= require |url= (Axuda)

[:1-3] 3,0 ^3,1 Arévalo, Fernando (6 de setembro de 1992). "Ferreyros dejó en cabeza a Rial". La Voz de Galicia (en castelán). p. 56. |data-acceso= require |url= (Axuda)

[1]

[2]

[3]