Antonio Garrido Fernández
| Biografía | |
|---|---|
| Nacemento | Ponferrada  |
| Datos persoais | |
| País de nacionalidade | España |
| Actividade | |
| Ocupación | piloto de rally |
| Deporte | Rally |
Antonio Garrido Fernández, nado en Ponferrada, é un ex piloto español de rallys.
Competiu durante anos no Campionato de España de Rallys e na Copa de España, proclamándose campión desta última en 1992. Competiu tamén no Campionato de Galicia de Rally, logrando unha vitoria e o subcampionato da tempada 1990.
Traxectoria[editar | editar a fonte]
Comezou nos rallys nos anos 80. En 1990 disputou co seu Ford Sierra RS Cosworth o Campionato de Galicia de Rally, gañando o 24º Rally do Lacón e rematando o campionato como subcampión, por detrás de Germán Castrillón e por diante de Peitos.[1][2] Na tempada seguinte logrou varios podios pero ningunha vitoria e disputou tamén varias probas da Copa de España de Rally, rematando co cuarto posto final.[3] En 1992 logrou varios podios na da Copa de España e proclamouse campión por diante de Castrillón e Arturo Rial.[4]
Disputou o Campionato de España durante os seguintes 15 anos, utilizando primeiro o Sierra Cosworth, e despois Subaru Impreza e Mitsubishi Lancer Evo. Obtivo como mellores resultados o cuarto posto no grupo N do ano 2002,[5] os quintos postos de dito grupo nos anos 1997,[6] 1998 e 2006,[7][8] e o terceiro lugar na Mitsubishi Evo Cup en 2007.[9]
Os seus principais copilotos foron Fernando López Carvajal, o ferrolán Humberto González, José Alfredo Álvarez e o alcalde de Ponferrada Samuel Folgueral.[10][11]
Notas[editar | editar a fonte]
- ↑ "Victoria de Garrido en el Rally do Lacón". La Voz de Galicia (en castelán). 21 de maio de 1990. p. 42.
- ↑ "Secretaría Xeral de Deportes de la Xunta de Galicia". La Voz de Galicia (en castelán). 5 de febreiro de 1991. p. 40.
- ↑ "Resultados nacionais de 1991" (PDF). RFEDA (en castelán). Consultado o 28 de agosto de 2020.
- ↑ "Resultados nacionais 1992" (PDF). RFEDA (en castelán). Consultado o 28 de agosto de 2020.
- ↑ "Resultados nacionais de 2002" (PDF). RFEDA (en castelán). Consultado o 28 de agosto de 2020.
- ↑ "Resultados nacionais de 1997" (PDF). RFEDA (en castelán). Consultado o 28 de agosto de 2020.
- ↑ "Resultados nacionais de 1998" (PDF). RFEDA (en castelán). Consultado o 28 de agosto de 2020.
- ↑ "Resultados nacionais de 2006" (PDF). RFEDA (en castelán). Consultado o 28 de agosto de 2020.
- ↑ "Resultados nacionais de 2007" (PDF). RFEDA (en castelán). Consultado o 28 de agosto de 2020.
- ↑ "Resultados de Antonio Garrido". www.ewrc-results.com (en inglés). Consultado o 28 de agosto de 2020.
- ↑ "Alcalde a la carrera" (en castelán). 9 de agosto de 2013. Consultado o 28 de agosto de 2020.
