Rally da Coruña de 1993
| Tipo | edición de rally  |
|---|---|
| Parte de | Rally da Coruña, Tempada 1993 do Campionato de Galicia de Rally e Tempada 1993 do Campionato de España de Rally |
| Número de participantes | 89 |
| Localización e Datas | |
| País | España |
| Intervalo de tempo | 19 de novembro de 1993 – 21 de novembro de 1993 |
| Número de edición | 11 (1993) |
| Competición | |
| Primeiro posto | Mia Bardolet |
O Rally da Coruña de 1993 foi a 11ª edición[1] de dito rally. Foi a última proba da tempada 1993 do Campionato de España de Rallys e a penúltima da tempada 1993 do Campionato de Galicia de Rally. Celebrouse entre o 19 e o 21 de novembro de 1993 e o vencedor foi o catalán Mia Bardolet, que con esta vitoria proclamouse campión de España.[2]
Itinerario
[editar | editar a fonte]Constou de 153.05 km cronometrados en 17 treitos. Déronse tres pasadas polo treito Carral-Xalo e dous polos demais: Soandres, Rus, Meirama-Quembre, Doroña, Vilouzás, Aranga e A Espenuca.[3]
Resumo
[editar | editar a fonte]Neste rally decidíase o campión de España, título ao que optaban o líder do campionato, Mia Bardolet, e o valenciano Luis Climent. Bardolet foi o máis rápido en 9 dos 13 primeiros treitos, logrando unha gran diferenza sobre Climent, segundo, quen, con todo, marcou o mellor tempo en tres treitos e empatou con Climent no oitavo treito. No 14º treito, a segunda pasada por Doroña, Climent saíuse da estrada, perdendo moito tempo, mentres que Bardolet volveu ser o máis rápido, deixando o campionato sentenciado.[2] Dos tres treitos restantes, Climent marcou o mellor tempo en dous, mentres que no segundo paso por Aranga o máis veloz foi Sergio Vallejo, que rematou a proba en quinto lugar.[4] Tras Bardolet subiron ao podio o asturiano Kiko Cima e o navarro Javier Azcona. Dos principais pilotos do campionato galego, só Arturo Rial acabou conseguir entre os primeiros postos, mentres que abandonaron Germán Castrillón, Manolo Senra e Miguel Dopico.[2]
Clasificación
[editar | editar a fonte]
Notas
[editar | editar a fonte]- ↑ En 1981 xa se disputara a 11ª edición, e en 1990 disputouse a 18ª edición, pero por cuestións de dereitos sobre o uso do nome Rally da Coruña en 1991 reformulouse a numeración do mesmo.
- ↑ 2,0 2,1 2,2 Arévalo, Fernando (22 de novembro de 1993). "Bardolet rozó la perfección". La Voz de Galicia (en castelán). p. 65.
- ↑ "Treitos". ewrc-results.com (en inglés). Consultado o 9 de maio de 2020.
- ↑ "Tempos por treito". ewrc-results.com (en inglés). Consultado o 9 de maio de 2020.
Véxase tamén
[editar | editar a fonte]Ligazóns externas
[editar | editar a fonte]- Clasificación final do rally en ewrc.com (en inglés).
| Predecesor: Rally Botafumeiro |
Campionato de Galicia de Rally Tempada 1993 |
Sucesor: Rally Mil Vistas |