Posidoniáceas
| Posidoniáceas Posidoniaceae Rango fósil: Maastrichtiano - Actualidade.[1] | |||||||||||||
|---|---|---|---|---|---|---|---|---|---|---|---|---|---|
 Pradaría de Posidonia oceanica | |||||||||||||
| Clasificación científica | |||||||||||||
| |||||||||||||
 Área de distribución das posidoniáceas
| |||||||||||||
| Especies | |||||||||||||
| |||||||||||||
A das posidoniáceas, Posidoniaceae, é unha familia de plantas fanerógamas anxiospermas mariñas da orde das alismatales que se estenden polo mar Mediterráneo e pola costa sur de Australia.
A familia comprende un só xénero, Posidonia, con 9 especies admitidas na actualidade.
Taxonomía[editar | editar a fonte]
Descrición[editar | editar a fonte]
Familia[editar | editar a fonte]
A familia foi descrita, segundo algúns autores, polo botánico británico Sydney Howard Vines,[2] ou, segundo outros, polo seu compatriota, tamén botánico e taxónomo, John Hutchinson.[3]
Xénero[editar | editar a fonte]
O xénero desribiuno en 1805 o paleontólogo e botánico alemán Karl Dietrich Eberhard König
Etimoloxía[editar | editar a fonte]
O nome Posidonia deriva de Poseidón (en grego antigo Ποσειδώνιος, Poseidōnios) deus, na mitoloxía grega, dos océanos e das augas.[4]
Especies[editar | editar a fonte]
A familia está constituída por un só xénero, Posidonia, que comprende, segundo a lista dos Reais Xardíns Botánicos de Kew, e máis o World Register of Marine Species,[2] as seguintes nove especies:[5]
- Posidonia angustifolia Cambridge & J.Kuo, 1979
- Posidonia australis Hook.f., 1858
- Posidonia coriacea Cambridge & J.Kuo, 1984
- Posidonia denhartogii J.Kuo & Cambridge, 1984
- Posidonia kirkmanii J.Kuo & Cambridge, 1984
- Posidonia oceanica (L.) Delile, Descr. Égypte, 1813
- Posidonia ostenfeldii Hartog, Verh. Kon. Ned. Akad. Wetensch., Afd. Natuurk., Sect. 2, 1970
- Posidonia robertsoniae J.Kuo & Cambridge, 1984
- Posidonia sinuosa Cambridge & J.Kuo, 1979
Nota taxonómica[editar | editar a fonte]
A familia foi recoñecida polo APG II (2003), que lle asignou o número de familia 40.
Características[editar | editar a fonte]
- Son plantas herbáceas perennes, rizomatosas (con rizoma monopodial), mariñas, mergulladas, que medran reunidas en grupos co aspecto de pasteiro, polo que estes grupos se coñecen co nome de pradarías submarinas.
- As flores son hermafroditas, aclamídeas, con tres estames e con xineceo unicarpelar.
- As inflorescencias son cimosas, espiciformes, provistas de brácteas foliosas.
- O froito é unha baga.
Ecoloxía[editar | editar a fonte]
As especies desta familia están distribuídas no mar Mediterráneo e na costa sur de Australia. A única especie endémica do Mediterráneo é Posidonia oceanica.
En maio de 2006 achouse nas proximidades de Formentera, illas Baleares, un exemplar desta especie de 8 km de longo,[6] que é a planta máis grande coñecida, e o maior ser vivo (sen considerar os fungos); o seu ritmo de crecemento é de 2 cm por ano, e a súa idade estimouse en 100 000 anos.[7]
Esta especie esta en perigo a causa da Caulerpa taxifolia, xa que é velenosa e a pudre.
Notas[editar | editar a fonte]
- ↑ Aires, T.; Marbà, N.; Cunha, R. L.; Kendrick, G. A.; Walker, D. I.; Serrão, E. A.; Duarte, C. M.; Arnaud-Haond, S. (17-01-2011). "Evolutionary history of the seagrass genus Posidonia". Marine Ecology Progress Series (Inter-Research Science Center) 421: 117–130.
- ↑ 2,0 2,1 2,2 Posidonia König, 1805 no WoRMS. Consultado o 12 de agosto de 2020.
- ↑ 3,0 3,1 Angiosperm Phylogeny Group (2009). "An update of the Angiosperm Phylogeny Group classification for the orders and families of flowering plants: APG III". Botanical Journal of the Linnean Society 161 (2): 105–121. Arquivado dende o orixinal (PDF) o 25 de maio de 2017. Consultado o 12 de agosto de 2020.
- ↑ "TRECCANI, LA CULTURA ITALIANA" (en italiano). Consultado o 12 de agosto de 2020.
- ↑ World Checklist of Selected Plant Families (WCSP). Consultada o 12 de agosto de 2020.
- ↑ Localizan en Formentera el ser vivo más grande del mundo: una posidonia Arquivado 25 de abril de 2021 en Wayback Machine. en novaciencia.com (en castelán) Consultada o 12 de agosto de 2020
- ↑ As praderías submarinas do Mediterráneo absorben medio millón de toneladas de CO2 ao ano en El Mundo.
Véxase tamén[editar | editar a fonte]
 |
Wikimedia Commons ten máis contidos multimedia na categoría: Posidoniáceas |
 |
Wikispecies posúe unha páxina sobre: Posidoniáceas |
Outros artigos[editar | editar a fonte]
Ligazóns externas[editar | editar a fonte]
- Posidoniaceae en L. Watson & M. J. Dallwitz (1992 en adiante) (en inglés).
- The families of flowering plants (en inglés).
- Flora Europaea: Posidonia