Paxlovid

Na Galipedia, a Wikipedia en galego.
Paxlovid
DCI: Nirmatrelvir/ritonavir
Nirmatrelvir
Ritonavir
Datos clínicos
Nome comercialPaxlovid
AHFS/Drugs.comMonografía
MedlinePlusa622005
Categoría no
embarazo
  • Non recomendado
Rutas de
administración		Vía oral
Grupo farmacolóxicoAntiviral
Código ATC
Datos farmacocinéticos
Comezo de acciónDentro de 5 días desde o inicio dos síntomas
Identificadores
Aviso médico.
Aviso médico.
Advertencia: A Wikipedia non dá consellos médicos.
Se cre que pode requirir tratamento, por favor, consúltello ao médico.

Nirmatrelvir/ritonavir, comercializado por Pfizer baixo a marca Paxlovid, é un medicamento que se usa para tratar a COVID-19.[1] Combina o antiviral nirmatrelvir con ritonavir, un tratamento que tamén se usa contra o virus da SIDA. Pódese usar dentro de cinco días desde o inicio dos síntomas, en persoas que non necesitan osíxeno suplementario pero teñen un alto risco de desenvolver COVID-19 grave.[1] [2] Adminístrase por vía oral como dúas pílulas separadas.[2]

Eficacia[editar | editar a fonte]

Inicialmente, Pfizer anunciou que o seu antiviral reduciu o risco de ser hospitalizado por Covid nun 89%. Con todo, este resultado baseouse nunha proba realizada exclusivamente con pacientes de alto risco non vacinados.[3][4] Para pacientes normais, Pfizer anunciou unha eficacia do 70%.[5]

Con todo, en xuño de 2022, Pfizer recoñeceu que Paxlovid non proporciona ningún beneficio significativo en pacientes normais.[3][6][7]

Os ensaios clínicos realizados por Pfizer foron todos coa variante delta do SARS-CoV-2. Non se publicaron datos clínicos sobre a eficacia de Paxlovid coa variante ómicron.[3]

Riscos[editar | editar a fonte]

Algúns pacientes tratados con este antiviral sufriron recaídas dos síntomas de Covid despois de interromper o tratamento. Este é o caso, por exemplo, de Anthony Fauci,[3] o presidente dos Estados Unidos, Joe Biden[8] e o presidente de Pfizer, Albert Bourla.[9]

Os efectos secundarios comúns inclúen alteracións do gusto, diarrea, presión arterial alta e dores musculares.[2] Non está claro se é seguro nas mulleres embarazadas.[1] Non debe ser usado por persoas con problemas graves de ril ou fígado.[1] Presenta interaccións con outros medicamentos, incluídos os anticonceptivos hormonais.[2] [1] Contén nirmatrelvir, un importante inhibidor da protease do SARS-CoV-2, e ritonavir, un inhibidor do CYP3A.[2] No estudo EPIC-HR de fase II/III, os eventos adversos observados con máis frecuencia foron: alteracións do gusto (disxeusia) (4,8%–6%), diarrea (3%–3,9%), vómitos (1,3%), hipertensión (1%) e mialxias (1%).

Os ensaios de laboratorio demostraron que o virus SARS-CoV-2 pode mutar en pacientes tratados con este antiviral e desenvolver resistencia.[10] En xullo de 2022, aínda non se atopara ningún caso clínico de resistencia a medicamentos.[3]

Aprobación por entidades de saúde pública[editar | editar a fonte]

A combinación destes inhibidores foi aprobada para uso médico no Reino Unido en decembro de 2021.[1] Os Estados Unidos tamén autorizaron o uso de emerxencia durante o mesmo mes, para persoas maiores de 12 anos.[2] [11] México deu a súa autorización en xaneiro de 2022.[12] A Axencia Europea do Medicamento aprobouno uns días despois para "adultos que non necesitan osíxeno suplementario e que teñen un maior risco de progresión da enfermidade".[13]

En abril de 2022, a Organización Mundial da Saúde (OMS) aprobou o uso de Paxlovid para pacientes de alto risco.[14]

Uso[editar | editar a fonte]

O goberno dos EUA alentou o uso xeneralizado de Paxlovid. En 2021, antes da autorización de emerxencia, comprou 10 millóns de tratamentos valorados en 530 dólares cada un, para ser administrados sen custo para os cidadáns estadounidenses.[15] En xullo de 2022, o goberno autorizou a compra gratuíta de Paxlovid en farmacias sen receita médica. [3] [16]

A mediados de 2022, Pfizer esperaba gañar uns 22.000 millóns de dólares durante o ano polas vendas de Paxlovid.[3] A OMS reclamou á farmacéutica unha maior transparencia sobre o prezo deste medicamento.[14]

Notas[editar | editar a fonte]

  1. ↑ 1,0 1,1 1,2 1,3 1,4 1,5 "Summary of Product Characteristics for Paxlovid" (en inglés). 2021-12-31. Consultado o 2021-12-31. 
  2. ↑ 2,0 2,1 2,2 2,3 2,4 2,5 "Paxlovid- nirmatrelvir and ritonavir kit" (en inglés). Consultado o 2021-12-30. 
  3. ↑ 3,0 3,1 3,2 3,3 3,4 3,5 3,6 "US pins faith on Pfizer’s ‘living with Covid’ pill". Financial Times. 2022-07-13. Consultado o 2022-07-13. 
  4. ↑ "A combinação nirmatrelvir mais ritonavir é eficaz para tratar ou prevenir a COVID-19?". www.cochrane.org (en portugués). Consultado o 2023-08-27. 
  5. ↑ "Pfizer says Covid drug offers strong protection and should work against Omicron". Financial Times. 2021-12-14. Consultado o 2022-07-13. 
  6. ↑ Pfizer (14 de xuño de 2022). "Pfizer Reports Additional Data on PAXLOVID™ Supporting Upcoming New Drug Application Submission to U.S. FDA". 
  7. ↑ "Nuevo fiasco de Paxlovid (Pfizer)" (en castelán). Consultado o 2022-07-13. 
  8. ↑ "Qué es una “infección de rebote” de covid como la que tiene Joe Biden". BBC News Mundo (en castelán). Consultado o 2022-08-07. 
  9. ↑ Reuters (2022-09-24). "Pfizer CEO tests positive for COVID for a second time". Reuters (en inglés). Consultado o 2022-09-25. 
  10. ↑ "Bad news for Paxlovid? Coronavirus can find multiple ways to evade COVID-19 drug" (en inglés). Consultado o 2022-07-13. 
  11. ↑ "FDA Grants Pfizer’s COVID Antiviral Pill EUA" (en inglés). Consultado o 2022-01-06. 
  12. ↑ Rodríguez, Darinka (2022-01-14). "México autoriza el uso de la píldora Paxlovid de Pfizer para el tratamiento de la covid-19" (en castelán). Consultado o 2022-07-13. 
  13. ↑ Abril, Guillermo (2022-01-27). "La Agencia Europea del Medicamento aprueba la pastilla de Pfizer contra la covid" (en castelán). Consultado o 2022-07-13. 
  14. ↑ 14,0 14,1 "WHO urges Pfizer to make Covid antiviral drug pricing more transparent". Financial Times. 2022-04-21. Consultado o 2022-07-13. 
  15. ↑ "U.S. to buy 10 mln courses of Pfizer's COVID-19 pill for $5.3 bln". Consultado o 2021-11-18. 
  16. ↑ Commissioner, Office of the (2022-07-07). "Coronavirus (COVID-19) Update: FDA Authorizes Pharmacists to Prescribe Paxlovid with Certain Limitations" (en inglés). Consultado o 2022-07-13. 

Véxase tamén[editar | editar a fonte]

Este artigo tan só é un bosquexo
 Este artigo sobre medicina é, polo de agora, só un bosquexo. Traballa nel para axudar a contribuír a que a Galipedia mellore e medre.
 Existen igualmente outros artigos relacionados con este tema nos que tamén podes contribuír.
Traído desde «https://gl.wikipedia.org/w/index.php?title=Paxlovid&oldid=6469761»