A American Society of Health-System Pharmacists (Sociedade Americana de Farmacéuticos de Sistemas de Saúde,ASHP) é unha organización profesional que representa os intereses dos farmacéuticos que exercen en hospitais, organizacións de mantemento da saúde, centros de atención a longo prazo, atención domiciliaria e outros compoñentes da atención sanitaria.
Fundada en 1942, a ASHP é recoñecida pola súa dedicación á innovación na práctica farmacéutica, o desenvolvemento profesional e a educación.[1]
No 2009, a ASHP tiña 36.000 membros, un persoal de máis de 175 empregados e un orzamento superior aos 40 millóns de dólares. En 2024, é a maior asociación de profesionais da farmacia nos Estados Unidos, representando a 60.000 farmacéuticos, estudantes de farmacia e técnicos de farmacia en todos os contextos de atención ao paciente.[2] Ademais, ASHP mantén unha base de datos nacional sobre escasezas de medicamentos nos Estados Unidos de América.[3]
A ASHP foi fundada inicialmente co nome de American Society of Hospital Pharmacists (Sociedade Americana de Farmacéuticos Hospitalarios) American Society of Hospital Pharmacists e cambiou o seu nome para reflectir mellor a ampla gama de contextos nos que os farmacéuticos prestan coidados aos pacientes.
