Paralichthys olivaceus

Na Galipedia, a Wikipedia en galego.
Saltar para a navegação Saltar para a pesquisa

Paralichthys olivaceus
Rapante xaponés
P. olivaceus mimetizado co fondo
P. olivaceus mimetizado co fondo

Cabeza de P. olivaceus
Cabeza de P. olivaceus

Clasificación científica
Reino: Animalia
Filo: Chordata
Subfilo: Vertebrata
Clase: Actinopterygii
Subclase: Neopterygii
Infraclase: Teleostei
Superorde: Acanthopterygii
Orde: Pleuronectiformes
Suborde: Pleuronectoidei
Familia: Paralichthyidae
Xénero: Paralichthys
Especie: P. olivaceus
Nome binomial
Paralichthys olivaceus
(Temminck & Schlegel, 1846) [1]

Paralichthys olivaceus é unha especie de peixe teleósteo da orde dos pleuronectiformes, suborde dos pleuronectoideos e familia dos paralictíidos,[1] coñecida en galego como rapante xaponés.[2]

É un peixe plano mariño propia das augas temperadas do noroeste do océano Pacífico que pode alcanzar máis de 1 m de lonxitude e un peso de 9 kg.[3]

É o peixe plano máis altamente estimado no Xapón.[3]

Taxonomía[editar | editar a fonte]

A especie foi descrita por primeira vez en 1846 polo zoólogo danés Coenraad Jacob Temminck e polo seu colega alemán Hermann Schlegel, que a denoimnaron Hippoglossus olivaceus.[1]

Por iso tamén se coñece polo sinónimo de Hippoglossus olivacues Temminck & Schlegel, 1846.[1]

Descrición[editar | editar a fonte]

É un peixe plano de corpo ovalado, deprimido, sinistro (é dicir, cos dous ollos situados no lado esquerdo do corpo), de até 103 cm de lonxitude, e un peso máximo rexistrado de 9,1 kg.[4]

A súa columna vertebral está fomada por 30 vértebras. A aleta dorsal ten de 77 a 81 raios, e a anal entre 59 e 61.[3]

É unha especie mariña, demersal, oceanódroma,[5] que vive en fondos de entre os 10 e os 200 m de profundidade.[6]

Distribución[editar | editar a fonte]

Distribúese polo Pacifico occidental, desde os 62° N e 1° N, e os 99° E e 163° E, nas costas do Xapón, Sakhalin, as illas Kuriles, a península de Corea até o mar da China Meridional.[3]

Pesca[editar | editar a fonte]

O rapante xaponés éunha especie comestíbel e moi aprezada gastronomicamente, que é obxecto de activa pesca na súa área de distribución, a zona pesqueirea 61, o Pacífico noroeste.[2]

Acuicultura[editar | editar a fonte]

Esta é a especie máis común dos peixes criados en acuicultura en Corea, ademais d cultivarse tamén no Xapón e na China. A cría en catividade comezou a finais dos anos 1980, su a súa produción comercial a grande escala non comezou en Corea até a década de 1990.

No ano 2001 a produción do rapante xaponés, ou oliváceo, en Corea, alcanzou o 56,1 % da produción total de peixes en acuicultura, que nese ano foi dun todal de 29.297 t, cun valor de 2.935 billóns de wons surcoreanos.[7]

Notas[editar | editar a fonte]

  1. 1,0 1,1 1,2 1,3 Paralichthys olivaceus (Temminck & Schlegel, 1846) no WoRMS.
  2. 2,0 2,1 Lahuerta e Vázquez (2000), p. 80.
  3. 3,0 3,1 3,2 3,3 Paralichthys olivaceus (Temminck & Schlegel, 1846) en FishBase.
  4. Masuda, H. el al. (1984).
  5. Riede, K. (2004): Global register of migratory species - from global to regional scales. Final Report of the R&D-Projekt 808 05 081. Bonn, Germany: Federal Agency for Nature Conservation.
  6. Yamada, U., S. Shirai, T. Irie, M. Tokimura, S. Deng, Y. Zheng, C. Li, Y. U. Kim and Y.S. Kim (1995): Names and illustrations of fishes from the East China Sea and the Yellow Sea. Tokyo, Japan: Overseas Fishery Cooperation Foundation.
  7. Datos da Korea National Statistical Office (2001).

Véxase tamén[editar | editar a fonte]

Bibliografía[editar | editar a fonte]

  • Burton, Maurice & Robert Burton (1984): Encyclopedia of Fish. Saint Louis, EE.UU: BPC Publishing. ISBN 0-7064-0393-2.
  • Eschmeyer, William N., ed. (1998): Catalog of Fishes. Special Publication of the Center for Biodiversity Research and Information, núm. 1, vol. 1-3. San Francisco (California, Estados Unidos): California Academy of Sciences. ISBN 0-940228-47-5.
  • Lahuerta Mouriño, F. e Vázquez Álvarez, F. X. (2000): Vocabulario multilingüe de organismos acuáticos. Santiago de Compostela: Xunta de Galicia / Termigal. ISBN 84-453-2913-8.
  • Masuda, H.; K. Amaoka, C. Araga, T. Uyeno and T. Yoshino (1984): The fishes of the Japanese Archipelago. Vol. 1. Tokyo, Japan: Tokai University Press.
  • Nelson, Joseph S. (2006): Fishes of the World. John Wiley & Sons, Inc. ISBN 0-471-25031-7.

Outros artigos[editar | editar a fonte]

Ligazóns externas[editar | editar a fonte]