Orquestra Panorama

Na Galipedia, a Wikipedia en galego.
Saltar ata a navegación Saltar á procura
Orquestra Panorama
Orquestra Panorama Barrantes.jpg
Orquestra Panorama en directo.
OrixeCaldas de Reis, Galicia Galicia
Período25 de decembro de 1988 (30 anos)
Xénero(s)Orquestra
Selo(s) discográfico(s)Panoevents SL
Membrosvoces: Nakary Palumbi, Natalia Méndez, Vanessa Sosa, Jorge Ferre,Lito Garrido. Alex rete (batería), Giorgio Ramilo (baixo), Lote González (guitarra e voz), Carlos Oubiña (teclados e acordeón), alejandro silveira (percusión e bailarin), Xurxo Castro (trombón e programación samples), Felipe Castro (saxo e teclado), Germán Acevedo (trompeta e teclado), Roberto Hernández (trompeta e teclado), Isaac Matos (trapecista). Graciel (breackdance) (Reina (perfomance)
Páxina weborquestapanorama.es

A Orquestra Panorama é un conxunto musical galego, unha das orquestras máis importantes da escena,[Cómpre referencia] cunha media de 200 actuacións anuais. Ten a súa sede en Caldas de Reis.

Historia[editar | editar a fonte]

A Orquestra Panorama naceu o 25 de decembro de 1988 actuando no Rosal. O seu nome débese a un programa da TVG que existía por aquelas datas. Na súa primeira actuación, pintaron o logotipo da orquestra no pano que foi secando durante o transcurso do concerto.

Esta banda fundouna Ángel Martínez Pérez (Lito), que sen saber nada de música, coñecía as claves do éxito neste sector.[Cómpre referencia] Nesa época comezou con oito integrantes masculinos (el nunca formou parte dos compoñentes do grupo), cunha furgoneta Mercedes 406 e cun equipo de son de 500 watios.

Lito Martínez é o representante deste conxunto e de 84 orquestras máis das 200 que existen en Galicia, entre as que se encontran a Olympus, a París de Noia, ou o Combo Diminicano.[Cómpre referencia]

En 2017 a orquestra estivo a piques de desaparecer. O anterior propietario estaba a vender o equipo. Carlos Somoza Fouces, empresario de Monforte de Lemos e outros tres socios formaron Panoevens para levar a representación da Panorama.[1]

Evolución[editar | editar a fonte]

Nos seus inicios, este grupo musical tocaba cumbias, pasodobres, rancheiras, merengues e rumbas. Estaba dirixido a un público maior e tradicional.[Cómpre referencia]

Na actualidade con Lito Garrido como director revolucionou o ambiente musical das verbenas[Cómpre referencia] innovando cos éxitos musicais máis actuais, introducindo novos estilos e cancións do verán, así como actuacións novidosas con performance, acróbatas, disfraces, técnicas punteiras en luz e son… Con isto conseguiu atraer a un público xove e introducilos na cultura das verbenas.[Cómpre referencia]

Esta evolución influíu nos músicos, nos que agora xa non conta que teñan boa voz[Cómpre referencia], senón que teñen que ser actores e bos bailaríns.

O cambio foi tal que comezou cunha soa furgoneta onde viaxaban todos os músicos e instrumentos, e agora conta con sete tráileres para o escenario e instrumentos e un microbús para os músicos.

O grupo ten un público mozo que o segue, con páxina web, Facebook, club de fans cos que teñen unha cita semanal vía chat e diversos produtos de merchandising, así como varios discos gravados.

A orquestra ten participado dende 2008 en sete galas contra o cancro nos concellos de Cambados, Ordes, Vilagarcía de Arousa e León coa colaboración de Merche, David Bisbal, Mónica Naranjo, Carlos Baute e outros.[Cómpre referencia][2]

A día de hoxe, viaxan por toda España e é considerada unha das mellores orquestras de todo o país.[Cómpre referencia] O seu éxito en Galicia levounos a actuar en Valencia, Madrid, León ou Asturias.

Compoñentes[editar | editar a fonte]

Voces[editar | editar a fonte]

Mario Álvarez, Fátima Pego, Irene Iglesias e Lito Garrido.[Cómpre referencia]

Bailaríns[editar | editar a fonte]

Eli Soal, Reyna Fabiana Gutiérrez, Leonardo Ronda e Isaac Matos.[Cómpre referencia]

Músicos[editar | editar a fonte]

Alexandre Vázquez Roca (batería), Giorgio Ramilo (baixo), Lote González (guitarra e voz), Kotwey Marval (Trombonista), Edgar Oliveros (percusionista), Carlos Oubiña (teclados e acordeón), Danny Méndez Esquijarosa (trompetista), Xurxo Castro (trombón e programación samples), Roberto Hernández (trompeta e teclado), Andel Labori Furones (saxofonista) e Ivis Reyes (guitarrista).[Cómpre referencia]

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]