Orlando Bloom
| Orlando Bloom | |
|---|---|
 | |
| Nome completo | Orlando Jonathan Blanchard Copeland Bloom |
| Nacemento | 13 de xaneiro de 1977 |
| Lugar | Canterbury |
| Nacionalidade | Reino Unido |
| Relixión | Budismo e Soka Gakkai International |
| Educado en | Guildhall School of Music and Drama, Fine Arts College, St Edmund's School e British American Drama Academy |
| Cónxuxe(s) | Miranda Kerr |
| Fillos | Flynn Bloom e Daisy Dove Bloom |
| Profesión | actor de cinema, modelo, actor de teatro, actor de televisión e actor |
| Na rede | |
             | |
| [ editar datos en Wikidata ] | |
Orlando Jonathan Blanchard Bloom é un actor nado o 13 de xaneiro do ano 1977 na vila de Canterbury.
Biografía[editar | editar a fonte]
Orlando Jonathan Blanchard Bloom naceu en Canterbury, Inglaterra. Podería dicirse que Orlando Bloom é actor grazas á súa nai: foi ela quen lles inculcou a el e á súa irmá a paixón polas artes cando eran pequenos. Animado por ela, Orlando empezou recitando poesía en festivais da súa localidade. E pouco despois, estando aínda no colexio, decidiu que quería dedicarse á interpretación.
Ós 16 anos trasladouse a Londres e uniuse ao National Youth Theatre, onde actuou durante dúas tempadas. Máis tarde conseguiu unha bolsa para estudar na British American Drama Academy. Durante aquel tempo acudiu a multitude de castings; iso permitiulle facerse con pequenos traballos na televisión británica e cun breve papel secundario en Wilde, película sobre a vida de Oscar Wilde coa que debutou na gran pantalla en 1997.
A súa carreira cinematográfica xa comezara, pero aínda así Bloom preferiu tomarse un tempo para ampliar a súa educación. Así que se inscribiu na Guildhall School of Music and Drama de Londres, unha prestixiosa escola pola que tamén pasou xente como Ewan McGregor ou Ben Chaplin.
Aínda estaba na escola cando lle xurdiu a posibilidade de presentarse ó casting de The lord of the rings, a triloxía que preparaba Peter Jackson sobre a obra de Tolkien. Bloom presentouse nun principio para o papel de Faramir, pero Jackson decidiu ficharlle finalmente para interpretar a Legolas.
Deste xeito, Orlando converteuse nun dos principais protagonistas das tres películas: A comunidade do Anel, As dúas torres e O retorno do rei. O grande éxito do proxecto logrou que o seu nome fixésese popular rapidamente e convertésese nunha das novas estrelas de Hollywood.
Tras participar no Señor dos Aneis, Orlando Bloom traballou noutros tres proxectos destacados: o aclamado filme bélico Black Hawk Down, de Ridley Scott; a película de aventuras Pirates of the Caribbean: The Curse of the Black Pearl, un éxito de portelo que protagonizou xunto a Johnny Depp; e a superprodución épica Troia, xunto a Brad Pitt e Eric Bana.
Recentemente estreou Kingdom of Heaven, un filme épico que protagonizaba xunto a Liam Neeson e Eva Green, e Elizabethtown, unha comedia romántica na que compartiu cartel con Kirsten Dunst. Tras iso volveu envorcarse no proxecto de Piratas do Caribe, e nas súas dúas secuelas: Pirates of the Caribbean: Dead Man's Chest e a recentemente estreada Pirates of the Caribbean: At World's End.
Actualmente lígaselle amorosamente coa cantante estadounidense Katy Perry.
Filmografía[editar | editar a fonte]
| Ano | Título | Papel | Notas |
|---|---|---|---|
| 1994–96 | Casualty | Extra/Noel Harrison/Paciente | 3 episodios |
| 2000 | Midsomer Murders | Peter Drinkwater | 1 episodio: "Judgement Day" |
| 2006 | Extras | El mesmo | 1 episodio |
Notas[editar | editar a fonte]
Véxase tamén[editar | editar a fonte]
Ligazóns externas[editar | editar a fonte]
- Ficha na IMDb (en inglés)
| Control de autoridades |
|
|---|
