Kingdom of Heaven

Kingdom of Heaven
Título Kingdom of Heaven
Instancia de filme
Xénero cinema épico filme de acción filme histórico cinema bélico cinema dramático drama
Lingua orixinal lingua inglesa lingua árabe lingua latina lingua italiana
Cor en cor
Formato de imaxe 2.35:1
Autoría
Director/a Ridley Scott
Compositor/a Harry Gregson-Williams
Guionista William Monahan
Director/a fotografía John Mathieson
Editor/a de cine Dody Dorn (en)
Deseñador/a produción Arthur Max
Deseñador/a vestiario Janty Yates
Actores Eva Green (Sibila de Jerusalém (pt) ) Ghassan Massoud (pt) (Saladino) Iain Glen (Ricardo I de Inglaterra) Brendan Gleeson (Reinaldo de Châtillon (pt) ) Jeremy Irons (Raimundo III de Trípoli (pt) ) Alexander Siddig (Imad ad-Din al-Isfahani (pt) ) Jon Finch (pt) (Héraclius d'Auvergne (pt) ) Marton Csokas (Guy de Lusignan (pt) ) Liam Neeson (Godfrey, Barisan of Ibelin (en) ) Ulrich Thomsen (pt) (Gerard de Ridefort (pt) ) Orlando Bloom (Balião de Ibelin (pt) ) Edward Norton (Balduíno IV de Xerusalén) Bill Paterson (pt) Bronson Webb Philip Glenister (pt) Nathalie Cox (pt) Tim Barlow (pt) Steven Robertson (pt) Angus Wright Giannina Facio Robert Pugh Martin Hancock (pt) Jouko Ahola Nikolaj Coster-Waldau Kevin McKidd Khaled El Nabawy (pt) David Thewlis Velibor Topic Michael Sheen Michael Shaeffer (en) Ériq Ebouaney Karim Saleh Emilio Doorgasingh (en)
Temática
Tema principal Balião de Ibelin (pt) batalla de Hattin Xerusalén asedio Cruzadas Idade Media Saladino
Ambientado en Francia
Personaxes Balião de Ibelin (pt) Saladino Barisan of Ibelin (en) Imad ad-Din al-Isfahani (pt) Héraclius d'Auvergne (pt) Gerard de Ridefort (pt) Godfrey Guy de Lusignan (pt) Sibila de Jerusalém (pt) Balduíno IV de Xerusalén Raimundo III de Trípoli (pt) Reinaldo de Châtillon (pt) Ricardo I de Inglaterra
Publicación
Produtor/a Ridley Scott
Produtor/a executivo Ridley Scott
Compañía produtora 20th Century Fox Scott Free Productions Babelsberg Studio
Distribuidor/a InterCom 20th Century Fox Disney+
Recadación 164.000.000 $
Custo 135.000.000 $
Formato de distribución vídeo baixo demanda
Puntuación da crítica 63/100 Metacritic (16 de xuño de 2025) 39% Rotten Tomatoes (29 de novembro de 2022) 5.6/10 Rotten Tomatoes (5 de outubro de 2021)
Premios Premio Jameson do público ao mellor actor (2005)
Nomeamentos Premio Jameson do público ao mellor actor (2005)
Datas
Data de publicación 4 de maio de 2005 (Suecia) 6 de maio de 2005 (Estados Unidos de América, Reino Unido) 5 de maio de 2005 (Alemaña) 2005
Dimensión
Duración 144 min e 190 min
Localización
Lugar de rodaxe Marrocos  País de orixe Reino Unido Alemaña Estados Unidos de América
Identificadores
VIAF 225390894 ISAN 0000-0001-8128-0000-8-0000-0000-D Freebase /m/01_0f7
Fontes e ligazóns
Redes
Wikidata

Kingdom of Heaven é un filme épico escrito por William Monahan e dirixido por Ridley Scott, que se estreou o 6 de maio de 2005. É unha coprodución entre os Estados Unidos de América, o Reino Unido e Alemaña. A historia trata sobre as Cruzadas no século XII.

A maior parte da rodaxe realizouse en Marrocos, onde Ridley Scott xa rodara anteriormente Gladiator e Black Hawk Down, ademais de aparecer en distintos momentos monumentos de cidades españolas como Huesca (Castelo de Loarre), Córdoba, Ávila e Sevilla.

A película no cine duraba 144 minutos. Obtivo críticas negativas debido a que moitas das partes narradas se entrelazaban de forma repentina, creando certa confusión no desenlace dos acontecementos. Pouco tempo despois, comercializouse a versión denominada "corte do director" (director's cut) cunha duración de 194 minutos, na que se engadiron varias escenas que a dotaron dunha maior coherencia argumental e lograron unha historia máis clara e crible.

Sinopse

A película comeza nunha pequena vila de Francia, cun ferreiro chamado Balian (Orlando Bloom) que non dá esquecido á súa muller, recentemente suicidada como resultado da morte do seu fillo. Un grupo de cruzados chega á vila e Baliant coñece ao seu verdadeiro pai, o Barón Godofredo de Ibelin (Liam Neeson), quen viaxou desde Xerusalén co fin de recoñecelo e nomealo sucesor.

Balian rexeita ir co seu pai, preferindo continuar a tranquila vida que levaba até ese momento. Logo vai descubrir que o corpo da súa esposa fora decapitado antes de ser enterrado (unha práctica común para os que cometían suicidio) e que o sacerdote do pobo, está usando unha cruz tomada do corpo da súa muller. Anoxado, Balian asasina ao sacerdote e decide seguir ao seu pai no seu regreso a Xerusalén, coa esperanza de conseguir a redención e o perdón para el e a súa dona en Terra Santa.

Tras distintos acontecementos, Balian acaba descubrindo a corrupción da clase eclesiástica, como tamén a ameaza que sofre o Reino de Xerusalén por parte do exército musulmán, liderado por Salah al-Din, co que se libra unha guerra para obter o poder de Xerusalén.

Licenzas artísticas

Como película épica baséase parcialmente en feitos reais, que son empregados á súa vez como marco para a trama argumental. Deben perdoarse pois, como "licenzas artísticas", algunhas incorreccións, como son, entre outras, as de atribuírlle a condición de Cabaleiros Templarios a Guy de Lusignan e Reinaldo de Châtillon, que non ostentaron tal condición, chegando a confundir a personalidade belicosa do segundo coa do Gran Mestre dos Templarios daquela época, Gérard de Ridefort.

Tamén é ficticia a relación de Balián de Ibelín coa princesa Sibila de Xerusalén, pois Balián de Ibelín xa tiña unha familia. Por outra parte, Balian pertencía a unha prominente familia do reino e nacera en Terra Santa, e non en Francia como se di na película. Outra incorrección importante é que Balian si que combateu na batalla dos Cornos de Hattin (1187) (que supuxo a práctica expulsión dos francos do Reino de Xerusalén), sendo un dos poucos que lograron escapar. O seu papel de xefe da defensa de Xerusalén non se debeu á súa decisión de non unirse ao exército do reino, comandado por Guido, senón a que despois da batalla solicitoulle a Saladino poder entrar na cidade sitiada para rescatar á súa muller (que estaba dentro), aceptando a cambio a condición de non participar na defensa da cidade. Unha vez dentro, pedíronlle que encabezara a defensa da cidade; ante o cal, Balián lle pediu permiso a Saladino, quen llo concedeu. Si que é verdade que Balián de Ibelín rendeu a cidade a Saladino, para evitar o masacre. Despois, Balián de Ibelín, volvería para Francia.

Existen outras licenzas ou erros históricos como cando no porto de Messina e máis tarde en Xerusalén, se ven soldados con escudos e bandeiras de Castela e León, como se ambos reinos se encontraran unidos; algo imposible, pois nese momento León e Castela son dous reinos totalmente distintos, con reis diferentes, Afonso IX de León e Afonso VIII de Castela, que incluso se enfrontaron en cruentas guerras nos mesmos anos nos que a película transcorre.

Elenco

• Orlando Bloom como Balian de Ibelin
• Eva Green como Sybilla
• Liam Neeson como Godfrey de Ibelin
• Jeremy Irons como Tiberías
• David Thewlis como Cabaleiro Hospitalario
• Brendan Gleeson como Reynald de Chatillon
• Marton Csokas como Guy de Lusignan
• Ghassan Massoud como Saladino
• Edward Norton como Baldwin IV
• Alexander Siddig como Nasir/Imad
• Jon Finch como Patriarca de Xerusalén
• Iain Glen como Ricardo I de Inglaterra
• Velibor Topic como Amalric
• Nikolaj Coster-Waldau como Alguacil da vila

Véxase tamén

Bibliografía

• Scott, Ridley (2005). Kingdom of Heaven: The Making of the Ridley Scott Epic. New York: Newmarket Press. ISBN 978-1-55704-661-1. 
• Hamilton, Bernard (2005). The Leper King and his Heirs: Baldwin IV and the Crusader Kingdom of Jerusalem. Cambridge: Cambridge University Press. ISBN 978-0-521-01747-3. Consultado o 8 de xullo de 2006. 
• Runciman, Steven (1987). A History of the Crusades (Vol 2) The Kingdom of Jerusalem. Cambridge: Cambridge University Press. pp. 403–469. ISBN 978-0-521-34771-6. Consultado o 8 de xullo de 2006. 

Ligazóns externas

• Kingdom of Heaven na IMDb (en inglés).
• Ficha en BoxOfficeMojo (en inglés)
• Ficha en RottenTomatoes (en inglés)