New wave of American heavy metal

Na Galipedia, a Wikipedia en galego.
New wave of American heavy metal
Orixe musical
Orixe cultural
Instrumentos típicos

O new wave of American heavy metal (literalmente galego: nova onda do heavy metal americano), abreviado comunmente coma NWOAHM, é un movemento musical dentro do heavy metal orixinado nos Estados Unidos e no Canadá a comezos e mediados dos anos 1990[1][2] e que se espallou principalmente a comezos e mediados da primeira década dos anos 2000. Algúns dos grupos considerados como parte deste movemento formáronse a finais dos anos 1980, pero non foron influentes ou non acadaron popularidade ata a década seguinte.[1][2] O termo en si mesmo é un préstamo procedente do movemento previo do new wave of British heavy metal dos anos 70 e 80.[2] O NWOAHM engloba unha gran variedade de estilos musicais, incluíndo o metal alternativo, o groove metal, o metal industrial, o nu metal e o metalcore.

Malia que o termo foi empregado polos medios cunha cada vez maior frecuencia, a definición exacta do movemento non chegou a definirse por completo.[2] Isto débese en parte ó cada vez maior número de grupos que asimilan os estilos comúns dentro do NWOAHM pero que non se diferencian o suficiente como para que os medios os consideren dentro dun xénero propio.[3] Varios dos grupos incluídos dentre deste movemento foron acreditados coma responsables de traer o heavy metal de novo á corrente principal da música.[1]

Notas[editar | editar a fonte]

  1. 1,0 1,1 1,2 James Edward. "The Ghosts of Glam Metal Past". Lamentations of the Flame Princess. Consultado o April 27, 2008. 
  2. 2,0 2,1 2,2 2,3 Sharpe-Young, Garry (1 November 2005). New Wave of American Heavy Metal. New Plymouth, New Zealand: Zonda Books Limited. ISBN 978-0958268400. Consultado o 17 May 2016. 
  3. Sharpe-Young, Garry (2007). "Metal: A Definitive Guide". New Plymouth: Jawbone. ISBN 1-906002-01-0. 

Este artigo tan só é un bosquexo
 Este artigo sobre música é, polo de agora, só un bosquexo. Traballa nel para axudar a contribuír a que a Galipedia mellore e medre.
 Existen igualmente outros artigos relacionados con este tema nos que tamén podes contribuír.