Kazán

Na Galipedia, a Wikipedia en galego.
Saltar ata a navegación Saltar á procura

Coordenadas: 55°47′25″N 49°8′5″L / 55.79028, -49.13472

Kazán
Казань
Казан
Flag of Kazan.svg
Coat of Arms of Kazan (Tatarstan).svg
KAZ Collage 2015.png
Imaxes da cidade
Localización
Rusia (Europa)
Kazán
Kazán
PaísRusia Rusia
Distrito FederalDistrito Federal do Volga
RepúblicaTatarstán
Xeografía
Superficie408,9 km²
Demografía
Poboación1 180 238 hab. (2008)
Densidade2.689 hab/km²
Outros datos
Código postal420xxx
Alcaldeİlsur Metşin
Páxina Oficial de Kazán

Kazán[1] (en ruso: Казань, Kazan; en tártaro: Казан, Qazan) é a capital e cidade máis poboada da República de Tatarstán, na Federación Rusa. A cidade atópase á beira do río Volga, na converxencia co río Kazanka, e ten unha poboación de 1 143 546 (segundo o censo preliminar de 2010), o que a converte na oitava cidade máis poboada de Rusia, cunha área metropolitana de 1,57 millóns.

A cidade foi fundada polos búlgaros do Volga en 1005 como un forte fronteirizo no norte. En 1438, foi capturada polas Hordas de Ouro e creouse o Khanato tártaro de Kazán. Unha serie de guerras co principado de Moscova levou finalmente á toma de Kazán polas tropas de Iván o Terrible en 1552, seguido da destrución de gran parte da cidade e a reubicación dos tártaros nas beiras pantanosas do lago Kaban. Kazán sufriu numerosos incendios graves e despois dun deles, en 1579, descubríuse o ícono de Nosa Señora de Kazán.

Kazán é un dos principais centros económicos, políticos, científicos, educativos, culturais e deportivos do país. O «Complexo histórico e arquitectónico do Kremlin de Kazán» está incluído pola UNESCO dentro do Patrimonio da Humanidade.[2] A cidade desfruta dunha multietnicidade famosa pola convivencia entre musulmáns e cristiáns, que é tamén recoñecida pola UNESCO,[3] o que se reflicte nunha variada riqueza arquitectónica propia de cada confesión, como a mesquita Qul Sharif, unha das mesquitas meirandes de Europa. Dende abril de 2009, leva legalmente o título de "Terceira Capital de Rusia".

Notas[editar | editar a fonte]

  1. Ver entrada de «Tatarstán». Editorial Galaxia, ed. (2007). Diciopedia do século 21 3. Isaac Díaz Pardo, Víctor F. Freixanes, Antón Mascato (edición). p. 2008. ISBN 9788482893600. 
  2. [1]
  3. UNESCO Cities for Peace Prize

Véxase tamén[editar | editar a fonte]

Ligazóns externas[editar | editar a fonte]