Xoán Cuveiro Piñol

Xoán Cuveiro Piñol
Nacemento	28 de maio de 1821
Lugar de nacemento	A Coruña
Falecemento	13 de maio de 1906
Lugar de falecemento	Valladolid
Nacionalidade	España
Ocupación	xornalista, militar, funcionario e libreiro
Na rede
[ editar datos en Wikidata ]

Xoán Cuveiro Piñol, nado na Coruña o 28 de maio de 1821 e finado en Valladolid o 13 de maio de 1906, foi un militar, funcionario, libreiro e escritor galego.

Traxectoria

Diccionario gallego, el más completo en términos y acepciones de todo lo publicado hasta el día, con las voces antiguas.....

Militou no Partido Progresista e participou na revolución de 1846, polo que recibiu a cruz de Valor e Constancia. Foi funcionario de Facenda en Valladolid e Pontevedra, onde traballou de libreiro, especialmente cando o cesaron os gobernos moderados (1848 e 1867). Integrouse dentro da ideoloxía rexionalista. Emigrou para Cuba, onde estreou a súa obra Pedro Madruga: drama hestóreco nun auto e tres coadros en verso (1897). Aínda que polo título semella que a obra xira en torno á figura de Pedro Álvarez Soutomaior (Pedro Madruga), este drama está baseado sobre todo nunha historia de amor, de maneira que a figura de Pedro Madruga perde protagonismo.

Tamén é autor de poemas, do estudo sobre a lingua galega El Habla Gallega. Observaciones y Datos sobre su Origen y Vicisitudes (1868), dun Diccionario gallego (1876), a versión galega dunha biografía de Calderón de la Barca editada en Granada en 1881 (en colaboración con Vicente Gutiérrez Piñeiro) e Iberia: protohistoria y rectificaciones de algunos hechos históricos (1891).

Promoveu e dirixiu as publicacións pontevedresas Las Musas del Lérez, El Libre Pontevedrés e El Progreso, colaborou en A Monteira e Revista Gallega e nas pontevedresas El Circulador, La Distracción, El Vociclero, La Opinión e La Revista.

Véxase tamén

Bibliografía

• "Cuveiro Piñol, Xoán". Dicionario biográfico de Galicia 1. Ir Indo Edicións. 2010-2011. p. 314. 
• Agrelo, Eulalia (2005). "Cuveiro Piñol, Juan". Gran Enciclopedia Galega Silverio Cañada (DVD). El Progreso. ISBN 84-87804-88-8. 
• Carballo Calero, R. (1975) [1963]. Historia da literatura galega contemporánea. Galaxia. ISBN 84-7154-227-7. 
• Couceiro Freijomil, Antonio (1951-53). Diccionario Bio-bibliográfico de Escritores (en castelán) I. Bibliófilos Gallegos. p. 330. 
• Fernández del Riego, F. (1992) [1990]. Diccionario de escritores en lingua galega (2ª ed.). Do Castro. p. 106. ISBN 84-7492-465-0. 
• Hermida, Modesto (dir); et al. (2003). Narradores ocasionais do século XIX (Relato breve) (PDF). CIRP. pp. 65–74. ISBN 84-453-3736-X. 
• Vilavedra, Dolores, ed. (1995). Diccionario da Literatura Galega. Autores I. Vigo: Editorial Galaxia. ISBN 84-8288-019-5. 

Outros artigos

• Literatura galega do Rexurdimento
• Literatura galega do período intersecular