Eulalia Agrelo

Eulalia Agrelo
Nome completo	Eulalia Agrelo Costas
Nacemento	26 de xaneiro de 1974
Lugar de nacemento	Asados
Nacionalidade	España
Alma máter	Universidade de Santiago de Compostela
Ocupación	escritora
Xéneros	Ensaio
Estudos	Doutorada en Filoloxía Galego-Portuguesa
Na rede
[ editar datos en Wikidata ]

María Eulalia Agrelo Costas, nada en Asados (Rianxo) o 26 de xaneiro de 1974, é unha filóloga e ensaísta galega.

Traxectoria

Graduada en Filoloxía Galego-Portuguesa pola Universidade de Santiago de Compostela. Entre os anos 1998 e 2000 traballou no proxecto Informes de Literatura no Centro Ramón Piñeiro para a Investigación en Humanidades baixo a dirección de Blanca-Ana Roig, colaborando tamén neste e noutros proxectos do citado Centro, como é o de Dicionarios de Literatura, dirixido por Anxo Tarrío, e o de Narrativa Recuperada, dirixido por Modesto Hermida. Así mesmo, é membro do Grupo de Investigación Investigacións literarias, artísticas, interculturais e educativas. Lecturas textuais e visuais (LITER 21) e membro da secretaría da Rede Temática de Investigación As literaturas infantís e xuvenís do marco ibérico. A súa influencia na formación literaria e lectora (LIXMI). Participou en diversos congresos, encontros e xornadas sobre a literatura infantil e xuvenil galega e sobre a literatura galega en xeral, ademais de colaborar en diferentes volumes, catálogos, revistas e xornais. Por outra parte, foi docente na Universidade de Deusto (2003-2009) e tamén profesora de lingua e literatura galega no ensino medio.

Da institución escolar ao centro do canon: Agustín Fernández Paz é a súa tese de doutoramento dirixida por Blanca-Ana Roig.

É profesora axudante na Facultade de Ciencias da Educación e do Deporte na Campus de Pontevedra da Universidade de Vigo, Departamento de Didácticas Especiais. En 2021 foi nomeada resposábel de cultura do Campus.

Colaborou no Anuario de investigación en literatura infantil y juvenil, Elos: revista de literatura infantil e xuvenil, Boletín Galego de Literatura e Revista Galega do Ensino.

Obras

Na imaxe (2016), de esquerda a dereita, as filólogas Isabel Mociño, Carmen Ferreira Boo, Mar Fernández Vázquez, Blanca-Ana Roig Rechou (coordinadora), Eulalia Agrelo Costas, Isabel Soto e Marta Neira, redactoras da obra Historia da Literatura Infantil e Xuvenil Galega, publicada en 2015 por Xerais.

Edición

• Obra narrativa en galego, de Aurelio Ribalta, 2000, Centro Ramón Piñeiro para a Investigación en Humanidades.
• Francisco Rodríguez Gey : palabras desde la emigración (2014). Concello de Rianxo.
• Guerras mundiais na literatura infantil e xuvenil galega: roles femininos (2017). Coord. por María Eulalia Agrelo Costas. Universidade de Santiago de Compostela, Servizo de Publicacións e Intercambio Científico.  ISBN 978-84-16954-51-3.

Obras colectivas

• A aventura de oír, contar e ler, 2002, Consellería de Cultura.
• A nosa literatura infantil e xuvenil 2000, 2002, Gálix/Xunta de Galicia.
• Narrativa e promoción da lectura no mundo das novas tecnoloxías, 2002, Consellería de Cultura.
• A nosa literatura infantil e xuvenil 2002, 2004, Galix/Xunta de Galicia.
• A memoria das guerras na literatura infantil e xuvenil en lingua galega, 2004, Xerais.
• Amador Montenegro Saavedra e a súa obra narrativa en galego, 2007, Centro Ramón Piñeiro.
• Historia da Literatura Infantil e Xuvenil Galega, 2015, Xerais.