Jerome Kern

Na Galipedia, a Wikipedia en galego.
Infotaula de personaJerome Kern

(1934) Editar o valor em Wikidata
Nome orixinal(en) Jerome David Kern Editar o valor em Wikidata
Biografía
Nacemento27 de xaneiro de 1885 Editar o valor em Wikidata
Manhattan, Estados Unidos de América Editar o valor em Wikidata
Morte11 de novembro de 1945 Editar o valor em Wikidata (60 anos)
Nova York, Estados Unidos de América Editar o valor em Wikidata
Causa da morteHemorraxia cerebral Editar o valor em Wikidata
Lugar de sepulturaFerncliff Cemetery (pt) Traducir Editar o valor em Wikidata
Datos persoais
País de nacionalidadeEstados Unidos de América Editar o valor em Wikidata
EducaciónSteinhardt School of Culture, Education, and Human Development (en) Traducir
New York College of Music (en) Traducir
Universidade de Heidelberg
Barringer Academy of the Arts & Humanities (en) Traducir Editar o valor em Wikidata
Actividade
Ocupacióncompositor , coleccionismo de moedas , compositor de bandas sonoras , compositor de cancións , guionista Editar o valor em Wikidata
Período de actividade1902 Editar o valor em Wikidata -
EmpregadorT.B. Harms & Co. (en) Traducir, compositor (1903–) Editar o valor em Wikidata
Membro de
Xénero artísticoCanción e musical Editar o valor em Wikidata
LinguaLingua inglesa Editar o valor em Wikidata
Compañeiro profesionalDorothy Fields: Jerome David Kern and Dorothy Fields (en) Traducir Editar o valor em Wikidata
Obra
Obras destacables
Arquivos en
Familia
FillosBetty Kern (en) Traducir Editar o valor em Wikidata
Premios
IMDB: nm0006153 Allocine: 69610 Allmovie: p97239 IBDB: 6711
Musicbrainz: 8fb64b2e-db8b-4579-ad08-f324ef1bf494 Discogs: 166685 IMSLP: Category:Kern,_Jerome Allmusic: mn0000031646 WikiTree: Kern-1742 Find a Grave: 576 Editar o valor em Wikidata

Jerome David Kern, nado en Nova York o 27 de xaneiro de 1885 e finado na mesma cidade o 11 de novembro de 1945, foi un compositor estadounidense. Escribiu máis de 700 cancións e máis de 100 partituras para programas e filmes nunha carreira que durou dende 1902 ata a súa morte.

Traxectoria[editar | editar a fonte]

Kern era fillo de Henry Kern (1842–1908), un inmigrante xudeu alemán e Fannie Kern, de solteira Kakeles (1852–1907), que descendía de xudeus estadounidenses e de bohemios. Recibiu o nome de Jerome porque vivían preto do parque Jerome, o seu lugar favorito. O parque debe o seu nome a Leonard Jerome, avó de Winston Churchill.

Creceu en East 56th Street en Midtown Manhattan, onde asistiu a escolas públicas. Estudou en The New York College of Music e despois en Heidelberg (Alemaña). Cando regresou a Nova York, comezou a traballar como pianista, mais rapidamente se converteu nun recoñecido artista. Contra 1915 era representado en moitos espectáculos de Broadway. En 1920 escribiu "Look for the Silver Living" para o musical Sally.

En 1925 coñeceu a Oscar Hammerstein II con quen trabou unha amizade que durou toda a vida. O seu primeiro espectáculo, escrito por eles e Otto Harbach foi Sunny. Xuntos produciron a célebre obra Show Boat (1927) que incluía as cancións "Ol' Man River" e "Can't Help Lovin' Dat Man". O musical Roberta (1933) incluíu "Smoke Gets in Your Eyes" e "Yesterdays".

En 1933 mudouse a Hollywood e comezou a traballar en música para filmes mentres continuaba a traballar nos espectáculos de Broadway. O seu último traballo en Broadway foi Very Warm For May (1939), que non tivo tanto éxito mais que incluía outro clásico, "All The Things You Are".

A súa carreira no cinema tivo bastante éxito. Para Swing Time (con Ginger Rogers e Fred Astaire), compuxo "The Way You Look Tonight" con letra de Dorothy Fields, coa que gañou o Óscar á mellor canción. En 1941, el e Hammerstein escribiron "The Last Time I Saw Paris", unha homenaxe á cidade francesa ocupada polos alemáns. A canción apareceu no filme Lady Be Good e novamente gañou o Óscar.

Vida privada e morte[editar | editar a fonte]

Kern e a súa dona, Eva, ían decotío de vacacións no seu iate Show Boat. El coleccionaba libros raros e gozaba das apostas aos cabalos.[1] Polo tempo da súa morte, a Metro-Goldwyn-Mayer estaba a filmar unha versión ficcionalizada da súa vida, Till the Clouds Roll By, que se estreou en 1946 con Robert Walker como Kern.[2] No filme, as cancións de Kern estaban cantadas por Judy Garland, Kathryn Grayson, June Allyson, Lena Horne, Dinah Shore, Frank Sinatra e Angela Lansbury entre outros, mentres que Gower Champion e Cyd Charisse aparecían como bailaríns.[3]

No outono de 1945, Kern volveu a Nova York para supervisar as audicións para unha nova estrea de Show Boat, e comezou a traballar na banda sonora do que foi o musical Annie Get Your Gun, que ía ser producido por Rodgers e Hammerstein. O 5 de novembro de 1945, aos 60 anos, sufriu unha hemorraxia cerebral mentres paseaba pola esquina de Park Avenue con 57th Street.[4] Identificado só pola súa tarxeta da ASCAP, foi levado inicialmente ao pavillón de indixentes do City Hospital, e logo ao Doctors Hospital de Manhattan. Hammerstein estaba a carón de Kern cando deixou de respirar. Hammerstein cantaruxoulle ao oído a canción "I've Told Ev'ry Little Star" de Music in the Air, unha das súas favoritas. Cando non recibiu resposta, Hammerstein deuse de conta de que Kern morrera.[5] Rodgers e Hammerstein asignaron logo a tarefa de escribir a banda sonora de Annie Get Your Gun ao veterano compositor Irving Berlin.[6]

Kern está enterrado en Ferncliff Cemetery en Westchester County, Nova York.[7] Foi sobrevivido pola súa dona e a súa filla, Betty Jane (1913–1996; casada con Artie Shaw en 1942 e despois con Jack Cummings).[8]

Notas[editar | editar a fonte]

  1. ↑ Jerome Kern at the NNDB database, consultada o 17 de maio de 2010
  2. ↑ The Times, 7 de febreiro de 1947, p. 8
  3. ↑ "Till the Clouds Roll By", credits, Internet Archive, consultado o 4 de xuño de 2013
  4. ↑ Sleeve notes, Atlantic LP ALS 409 "George Byron Sings Jerome Kern", 1952
  5. ↑ Fordin, Hugh; Sondheim, Stephen (1995). Getting to Know Him: A Biography of Oscar Hammerstein II. Da Capo Press. p. 237. ISBN 0-306-80668-1. 
  6. ↑ Byrnside, Ronald e Andrew Lamb. "Kern, Jerome (David)". Grove Online, Oxford Music Online, consultado o 10 de maio de 2010 (require subscrición).
  7. ↑ Jerome Kern en Find a Grave (en inglés)
  8. ↑ "Jerome Kern Dies; Noted Composer, 60". The New York Times, 12 de novembro de 1945

Véxase tamén[editar | editar a fonte]

Bibliografía[editar | editar a fonte]

  • Banfield, Stephen and Geoffrey Holden Block. Jerome Kern, New Haven, Connecticut, Yale University Press, 2006.
  • Blackman, Michael Ernest (1989). A short history of Walton-on-Thames, Walton and Weybridge Local History Society.
  • Block, G. "Show Boat: In the Beginning", Enchanted Evenings: the Broadway Musical from ‘Show Boat’ to Sondheim (Nova York, 1997), pp, 19–40; 319–24
  • Bloom, Ken and Vlastnik, Frank. Broadway Musicals: The 101 Greatest Shows of all Time. Black Dog & Leventhal Publishers, Nova York, 2004.
  • Bordman, Gerald. Jerome Kern: his Life and Music (Nova York, 1980)
  • Davis, L. Bolton and Wodehouse and Kern: the Men who made Musical Comedy (Nova York, 1993)
  • Denison, Chuck, and Duncan Schiedt. The Great American Songbook. Bandon, Oregon, Robert D. Reed Publishers, 2004.
  • Ewen, D. The World of Jerome Kern (Nova York, 1960)
  • Fordin, Hugh. Jerome Kern: the Man and his Music Santa Monica, CA, 1975
  • Freedland, M. Jerome Kern: a Biography (Londres, 1978)
  • Green, Benny. P. G. Wodehouse – A Literary Biography, Pavilion Books, Londres, 1981.
  • Green, Kay (ed.) Broadway Musicals, Show by Show, Hal Leonard Corporation, 1996.
  • Jasen, David. P. G. Wodehouse – Portrait of a Master, Garnstone Press, Londres, 1972.
  • Lamb, Andrew. Jerome Kern in Edwardian London (Littlehampton, 1981; 1985)
  • McLean, Lorraine Arnal. Dorothy Donnelly. Jefferson, North Carolina, McFarlan, 1999.
  • Wilder, A. American Popular Song: the Great Innovators, 1900–1950 (Nova York, 1972).

Ligazóns externas[editar | editar a fonte]


Traído desde «https://gl.wikipedia.org/w/index.php?title=Jerome_Kern&oldid=6269243»