Federación Socialista Asturiana

Federación Socialista Asturiana
Instancia de organización política
Ideoloxía política socialdemocracia republicanismo rexionalismo asturiano
Persoas e organizacións
Cargo dirixente secretario xeral da Federación Socialista Asturiana
Afiliación Partido Socialista Obreiro Español
Secretario/a Adrián Barbón 17 de setembro de 2017 valor descoñecido 4 de novembro de 2000 - 17 de setembro de 2017 Luis Martínez Noval - 4 de novembro de 2000
Datas
Fundación / creación 1891
Localización
Sede Oviedo  Área de operación Asturias  País España
Identificadores
VIAF 155516064
Fontes e ligazóns
Páxina WEB fsa-psoe.org
Wikidata

A Federación Socialista Asturiana (FSA-PSOE) é unha organización política de corte socialdemócrata que constitúe a federación asturiana do Partido Socialista Obrero Español.

Historia

Tras a creación do PSOE o 2 de maio de 1879, iranse organizando grupos socialistas nas principais localidades asturianas. Desta maneira xorde en 1891 a agrupación local de Xixón, á que lle segue a de Oviedo en 1892, e as de Mieres e Sama de Langreo (Langreo) en 1897. Entre os anos 1899 e 1901, o socialismo arráigase en Asturias, celebrándose o 27 de xaneiro de 1901 no Centro Obreiro de Oviedo o Congreso fundacional da Federación Socialista Asturiana do Partido Socialista Obreiro Español (FSA-PSOE). Manuel Vigil Montoto é elixido presidente do primeiro Comité Provincial.

En 1934, a FSA formou parte da alianza obreira formalizada na UHP e estivo a favor do pacto subscrito entre o sindicato socialista UXT e a Confederación Rexional do Traballo de Asturias, León e Palencia da organización anarcosindicalista CNT. A UHP —á que se lle irían sumando logo outras organizacións obreiras— tivo unha importancia significativa na Revolución de 1934.

Durante a guerra civil, o socialista Belarmino Tomás presidirá o Consello Interprovincial de Asturias e León, transformado logo en Consello Soberano de Asturias e León.

Tras o franquismo e coa Transición Española, a FSA recobra protagonismo. Nesa época Felipe González dará un mitin no estadio de El Molinón de Xixón ao que asisten 25.000 persoas.

A FSA consegurirá alcanzar a Presidencia do Principado en 1983 con Pedro de Silva Cienfuegos-Jovellanos. En 1991 sucédelle Juan Luis Rodríguez-Vigil Rubio, quen tras presentar a dimisión polo escándalo do Petromocho será substituído por Antonio Trevín Lombán en 1993. Tras unha lexislatura na oposición, a FSA consegue en 1999 da man Vicente Álvarez Areces acceder de novo ao goberno autonómico, grazas en parte á inestabilidade xerada pola ruptura de Sergio Marqués co PP, fundando a URAS, en 1998.

Tras os seis meses do goberno en minoría de Francisco Álvarez-Cascos, presidente por Foro Asturias, a FSA recuperou en 2012 a presidencia de Asturias con Javier Fernández Fernández. Foi reelixido nas eleccións de maio de 2015.

Javier Fernández, secretario xeral da FSA desde 2000 ata 2017, nun mitin en Mieres.

Na crise do PSOE do 2016, emerxeu un novo liderado na FSA-PSOE que desembocou no 32 congreso e a elección de Adrián Barbón como secretario xeral o 1 de outubro de 2017. O propio secretario xeral foi o cabeza de lista das eleccións autonómicas o 26 de maio de 2019, obtendo seis escanos máis que os obtidos por Javier Fernández en 2015. Adrián Barbón tomou posesión como Presidente do Principado de Asturias o 20 de xullo de 2019.

Resultados electorais

Eleccións á Xunta Xeral

Convocatoria	Votos		Escanos	Situación parlamentaria
1983	293 320	51.96 %	26 / 45	Goberno
1987	222 326	38.85 %	20 / 45	Goberno
1991	218 193	41.02 %	21 / 45	Goberno
1995	219 527	33.83 %	17 / 45	Oposición
1999	284 972	46.00 %	24 / 45	Goberno
2003	250 474	40.48 %	22 / 45	Goberno
2007	252 201	42.04 %	21 / 45	Goberno
2011	179 619	29.92 %	15 / 45	Oposición
2012	161,154	32.01 %	17 / 45	Goberno
2015	143,851	26.48 %	14 / 45	Goberno
2019	185 422	35.25 %	20 / 45	Goberno

Véxase tamén

Ligazóns externas

• Federación Socialista Asturiana-PSOE