Jaime Vidal Rey

Na Galipedia, a Wikipedia en galego.
Saltar ata a navegación Saltar á procura
Jaime Vidal Rey
Nacemento1915
Lugar de nacementoCarballedo
Falecemento2 de febreiro de 1939
Lugar de falecementoHinojosa del Duque
NacionalidadeEspaña
Alma máterUniversidade de Santiago de Compostela
Ocupaciónxornalista
editar datos en Wikidata ]

Jaime Vidal Rey, nado en Carballedo (concello de Cotobade) en 1915 e finado en Hinojosa del Duque (Córdoba) o 2 de febreiro de 1939, foi un estudoso e xornalista galego.

Traxectoria[editar | editar a fonte]

Fixo o bacharelato no Instituto de Pontevedra, onde ingresou en 1926.[1] Estudou Dereito na Universidade de Santiago de Compostela. Membro do Seminario de Estudos Galegos, ingresou en 1934 co traballo "Papeletas pra o estudo da Real Audiencia de Galicia",[2] e foi elixido contador da Comisión Directora en 1935.[3] Publicou en Raza Celta de Montevideo o manifesto "Aos mozos galegos".[4] Foi redactor-xefe de La Voz de Cotobad.[5] Participou na campaña a prol do SI ao Estatuto de Autonomía cunha conferencia en Unión Radio en xuño de 1936.[6] Co golpe de Estado do 18 de xullo de 1936 escondeuse no monte. Para escapar á represión ingresou como voluntario no Terzo de Requetés de Pontevedra. Estivo na fronte de Guadarrama.[7] Foi tenente provisional de Infantería do Batallón de Cazadores de Ceuta, núm. 7. Morreu en acción de guerra en Sierra Patuda, no termo de Hinojosa del Duque, o 2 de febreiro de 1939.[8] Coa súa morte, o franquismo manipulou e apropiouse da súa figura como un "mártir da Cruzada".

Notas[editar | editar a fonte]

  1. El Diario de Pontevedra, 5-6-1926. p. 2.
  2. El Compostelano, 28-3-1934, p. 2.
  3. Raza Celta, 1-1935, p. 23.
  4. Raza Celta, 31-7-1934, p. 11.
  5. El Pueblo Gallego, 8-5-1936, p. 12.
  6. "Conferencia radiada" in El Pueblo Gallego, 23-6-1936, p. 8.
  7. El Ideal Gallego, 17-2-1939, p. 6.
  8. BOE, 14-2-1939, p. 863

Véxase tamén[editar | editar a fonte]