Xoán López Durá
| Biografía | |
|---|---|
| Nacemento | 1910  A Habana, Cuba |
| Morte | 1973 (62/63 anos) México |
| Datos persoais | |
| País de nacionalidade | España |
| Educación | Universidade de Santiago de Compostela |
| Actividade | |
| Ocupación | avogado , político |
| Lingua | Lingua castelá |
Xoán López Durá, nado na Habana en 1910 e finado en México en 1973, foi un avogado e político galego.
Traxectoria[editar | editar a fonte]
Estudou Dereito na Universidade de Santiago de Compostela, da que foi profesor de Dereito Administrativo en 1936. Foi director da Sección de Ciencias Sociais, Xurídicas e Económicas do Seminario de Estudos Galegos. Militante do Partido Galeguista, logo do triunfo da Fronte Popular en febreiro de 1936, foi nomeado concelleiro de Santiago de Compostela. Trasladouse a Alemaña para ampliar estudos e cando regresou estalou o golpe de Estado do 18 de xullo de 1936 e tivo que exiliarse en México. Foi profesor da Universidade Michoacana de San Nicolás de Hidalgo[1] en Morelio. Mantivo os contactos co galeguismo político no exilio a través do Consello de Galiza e do Padroado da Cultura Galega de México do que foi directivo. Posteriormente vinculouse á Unión do Povo Galego. Colaborou en revistas con traballos da súa especialidade, foi membro do consello de redacción da revista Vieiros e traduciu libros ao inglés.
Notas[editar | editar a fonte]
- ↑ González Gómez, Claudia e Gerardo Sánchez Díaz (2008) Exilios en México siglo XX Universidad Michoacana de San Nicolás de Hidalgo, p. 148