Ramón Sobrino Buhigas

Ramón Sobrino Buhigas
Nacemento	1888
Lugar de nacemento	Pontevedra
Falecemento	6 de xuño de 1946
Lugar de falecemento	Valladolid
Nacionalidade	España
Ocupación	arqueólogo
Pai	Luís Sobrino Rivas
Fillos	Ramón Sobrino Lorenzo-Ruza
Irmáns	Carlos Sobrino Buhigas
	[ editar datos en Wikidata ]
	v; c; e;

Para outras páxinas con títulos homónimos véxase: Ramón Sobrino e Sobrino Buhigas.

Ramón Sobrino Buhigas, nado en Pontevedra en 1888 e finado en Valladolid o 6 de xuño de 1946, foi un naturalista e arqueólogo galego. Foi irmán do pintor Carlos Sobrino Buhigas e pai do arqueólogo Ramón Sobrino Lorenzo-Ruza.

Traxectoria[editar | editar a fonte]

Fillo do médico Luís Sobrino Rivas. Estudou Ciencias Naturais na Universidade de Madrid, doutorándose en 1911. Entre ese ano e 1913 foi profesor da Universidade de Santiago de Compostela e da Escola de Artes e Oficios. Foi catedrático de Historia Natural en Lleida, Palma e Pontevedra, onde dirixiu o instituto até 1921. Despois estudou Odontoloxía en Madrid. En 1931 regresou a Santiago de Compostela, onde exerceu como odontólogo e como profesor de instituto e da Universidade. Foi membro da Real Academia Galega, do Instituto de Estudos Galegos e xefe da Estación Meteorolóxica de Pontevedra. Representou a Real Sociedade Española de Historia Natural no VII Congreso Internacional de Pesca.

Morreu en 1946 no tren que o traía de volta de Valladolid a onde acudira a consultarse das súas doenzas hepáticas.

Obra[editar | editar a fonte]

Ramón Sobrino, retrato en Vida Gallega 1923.

Estudio sobre los cistolitos (1911).
Contribución a la gea de Galicia (1916).
Balaenoptera borealis (1917).
La purga de mar o hematotalasia (1918).
Réplica a las observaciones del Sr. de Buen (1918).
Insculturas galaicas prerromanas (1919).
La dinamita en la pesca (1923).
Petroglifos o insculturas rupestres de Pontevedra (1931).
Corpus Petroglyphorum Gallaeciae (1935). Reeditado en 2020 por Morgante, Córpus dos petróglifos de Galicia, ISBN 978-84-15166-83-2.^[1]
Sobre los orígenes y fundación de Pontevedra.
La descendencia de Colón en Pontevedra.

Notas[editar | editar a fonte]

↑ Fortes Torres, Manuel Anxo (xaneiro, febreiro, marzo 2021). "Unha Galicia gravada na pedra". Grial. Revista galega de cultura LIX (229): 93–94. ISSN 0017-4181.