Guillerme de Cambridge
| Guillerme de Cambridge | |
|---|---|
| Duque de Cambridge | |
 | |
| O príncipe Guillerme o 12 de xuño de 2010. | |
| Nome completo | William Arthur Philip Louis Windsor |
| Outros títulos |
|
| Nacemento | 21 de xuño de 1982 Paddington, Londres, Inglaterra  |
| Consorte | Catarina de Cambridge |
| Descendencia | Xurxo de Cambridge Carlota de Cambridge Lois de Cambridge |
| Casa real | Casa de Windsor |
| Proxenitores | Carlos de Inglaterra Diana de Gales |
 | |
| Na rede | |
       | |
O príncipe Guillerme, duque de Cambridge, nado como William Arthur Philip Louis en Londres o 21 de xuño de 1982, é o fillo máis vello de Carlos, príncipe de Gales, e Diana, princesa de Gales. É neto da raíña Isabel II e do príncipe Filipe, duque de Edimburgo. Xa que logo, é o segundo na liña de sucesión, logo do seu pai, aos tronos dos 16 estados independentes, aínda que reside principalmente e está directamente involucrado co Reino Unido, o máis antigo destes dominios.
Educación e carreira[editar | editar a fonte]
Foi educado en catro escolas do Reino Unido e obtivo a súa licenciatura na Universidade de Saint Andrews. Pasou parte do seu ano sabático en Chile, Belize e nalgúns países do continente africano. Recibiu adestramento como tenente do rexemento Blues and Royals da Cabalería Real, onde serviu xunto ao seu irmán o príncipe Harry e obtivo a súa licenza de piloto tras culminar a súa formación na academia Royal Air Force College Cranwell. En 2009, transferiuse á Real Forza Aérea (RAF) onde foi ascendido ao rango de oficial da forza aérea e completou o seu adestramento como piloto de helicóptero de procura e rescate.
Matrimonio[editar | editar a fonte]
O 16 de novembro de 2010, Clarence House, anunciou nun comunicado de prensa que o príncipe Guillerme e a súa noiva Kate Middleton estaban comprometidos, e posteriormente confirmouse que a cerimonia levaría a cabo o 29 de abril de 2011 na Abadía de Westminster, Londres.[1] Horas antes da voda o príncipe Guillerme foi nomeado duque de Cambridge, conde de Strathearn e barón Carrickfergus.
Descendencia[editar | editar a fonte]
O príncipe Xurxo de Cambridge (George Alexander Louis)[2][3][4] naceu en Londres, o 22 de xullo de 2013)[5][6], sendo o primoxénito do príncipe Guillerme de Cambridge e da súa dona, Catarina, duquesa de Cambridge. É neto do príncipe Carlos de Gales e mais da princesa Diana de Gales (falecida en 1997); e bisneto da raíña Isabel II e do príncipe Filipe, duque de Edimburgo. Polo tanto, é o terceiro na liña de sucesión ao trono británico.
A princesa Carlota de Cambridge (Charlotte Elizabeth Diana), a segunda filla dos duques de Cambridge, naceu o 2 de maio de 2015.[7]
O príncipe Lois de Cambridge (Louis Arthur Charles), o terceiro fillo e segundo varón dos duques de Cambridge, naceu o 23 de abril de 2018.
Ascendencia[editar | editar a fonte]
Notas[editar | editar a fonte]
- ↑ "Unha voda de 1.900 invitados". 21 de febreiro. Consultado o 20 de abril de 2011.
- ↑ George Alexander Louis: el nombre elegido por el Príncipe Guillermo y Kate Middleton para su hijo, en Europa Press.
- ↑ Isabel II «regala» el título de «princesa» a una posible hija de Catalina y Guillermo, en ABC de España.
- ↑ Paul Saunders, alcalde de Cambridge y la propia ciudad orgullosa de su próximo príncipe o princesa, en Europa Press.
- ↑ Catalina da a luz a un niño, en El Mundo de España.
- ↑ Nace el príncipe de Cambridge, en Informador de México.
- ↑ "Charlotte Elizabeth Diana, a princesa levará un nome que contenta a todos". ABC. 4 de maio de 2015.
Véxase tamén[editar | editar a fonte]
 |
Commons ten máis contidos multimedia sobre: Guillerme de Cambridge |
Outros artigos[editar | editar a fonte]
Ligazóns externas[editar | editar a fonte]
| Control de autoridades |
|
|---|
