Catarina de Cambridge

Na Galipedia, a Wikipedia en galego.
Saltar para a navegação Saltar para a pesquisa
Catarina de Cambridge
Duquesa de Cambridge
Prince William and Duchess Kate of Cambridge visits Sweden 02 (cropped).jpg
A duquesa en 2018

Nome completo Catherine Elizabeth Middleton
Outros títulos
  • Princesa de Guillerme de Cambridge
  • Condesa de Strathearn
  • Baronesa Carrickfergus
Nacemento 9 de xaneiro de 1982
Reading, Berkshire, Inglaterra Inglaterra
Cónxuxe/s Príncipe Guillerme, duque de Cambridge
Descendencia
Casa real Casa de Windsor
Proxenitores Michael Francis Middleton
Carole Elizabeth Goldsmith

Escudo de Catarina de Cambridge

Catarina, duquesa de Cambridge, nada como Catherine Elizabeth Middleton, en Reading, Berkshire, o 9 de xaneiro de 1982, é a esposa do príncipe Guillerme, duque de Cambridge. Antes do seu matrimonio, era coñecida popularmente como Kate Middleton.

Desde o inicio da súa relación co príncipe a prensa seguiu con atención a súa vida privada e en moitas ocasións especulouse sobre unha eventual voda. O 16 de novembro de 2010, emitiuse un comunicado desde Clarence House, no que se anunciou o compromiso entre Middleton e o príncipe Guillerme. A voda real celebrouse o día 29 de abril de 2011 na Abadía de Westminster, e na que se converteu na duquesa de Cambridge.[1][2]

A duquesa Catarina creceu no condado de Berkshire. Asistiu a Marlborough College e posteriormente ingresou na Universidade de Saint Andrews. Alí coñeceu ao príncipe Guillerme no ano 2001, quen tamén se atopaba estudando na mesma universidade. Empezaron a saír xuntos en 2003 e, aínda que tiveron unha breve ruptura en 2007, retomaron a súa relación.

O 3 de decembro de 2012 anunciouse publicamente que a Duquesa de Cambridge está embarazada, esperando o seu primeiro fillo.[3] O príncipe George de Cambridge (George Alexander Louis)[4][5][6] nacería en Londres, o 22 de xullo de 2013)[7][8], sendo o primoxénito do príncipe Guillerme de Cambridge e da súa dona, Catarina, duquesa de Cambridge. É neto do príncipe Carlos de Gales e mais da princesa Diana de Gales (falecida en 1997); e bisneto da raíña Isabel II do Reino Unido e do príncipe Filipe, duque de Edimburgo. Polo tanto, é o terceiro na liña de sucesión ao trono británico, despois do seu avó e seu pai, aos tronos de 16 estados independentes, aínda que residirá principalmente e estará directamente ligado ao Reino Unido, o máis antigo destes dominios.

O 2 de maio de 2015 naceu a súa segunda filla, a princesa Carlota de Cambridge.[9]

O 23 de abril de 2018 naceu o seu terceiro fillo, o príncipe Lois de Cambridge.

A duquesa conta tamén cunha irmá, Pippa Middleton e cun irmán, James Middleton.

Notas[editar | editar a fonte]

Véxase tamén[editar | editar a fonte]

Outros artigos[editar | editar a fonte]