Gonzalo Vázquez Pozo
| Biografía | |
|---|---|
| Nacemento | 29 de novembro de 1945  (78 anos)Viveiro, España |
| Concelleiro | |
| | |
| Actividade | |
| Ocupación | catedrático, político, editor |
| Familia | |
| Cónxuxe | Olivia Rodríguez |
| Fillos | unha |
| Pais | Francisco Vázquez Ramudo e Luz Pozo Garza |
| Descrito pola fonte | Gallegos |
 | |
Gonzalo Vázquez Pozo, nado en Viveiro o 29 de novembro de 1945, é un profesor, político e editor galego.
Traxectoria
[editar | editar a fonte]
Fillo primoxénito de Luz Pozo Garza e Francisco Vázquez Ramudo, fixo o bacharelato como interno no Colexio Apóstolo Santiago dos Xesuítas en Teis, Vigo. É licenciado en Filosofía e Letras e MBA pola Escola de Negocios de Caixanova. Formando parte da primeira corporación democrática,[1] foi concelleiro e tenente de alcalde do Concello da Coruña de 1975 a 1983. Membro, primeiro do Partido Obreiro Galego e despois da Esquerda Galega de Camilo Nogueira Román, en setembro de 1981 organizou e participou, embarcado no Xurelo, nunha protesta contra un vertedoiro de residuos radioactivos nas costas de Galicia.[2] Xa a comezos dos anos oitenta, co tamén concelleiro Manuel Monge, empezou a traballar a prol da devolución do Pazo de Meirás.[3] Nas Eleccións ao Parlamento Europeo de 1987, como integrante do Partido Socialista Galego-Esquerda Galega, foi número dous (tras Mario Onaindia) na lista de Izquierda de los Pueblos.[4] A formación non obtivo ningún escano de eurodeputado.
En 1996, con outros catro tripulantes, fixo unha travesía oceánica nun veleiro, de Boca Chica (República Dominicana) a Ribadeo.[5]
É presidente do consello editorial de Eco, Revista do Eixo Atlántico[6] (anteriormente Eco, Revista do Arco Atlántico), publicación en lingua galega que botou a andar en 1991.[7] Foi membro da directiva da Asociación Internacional de Estudos Galegos.
En 2014 recibiu, en nome da súa nai, o Premio Laxeiro da Fundación Laxeiro, de mans do alcalde de Vigo, Abel Caballero.[8]
Vida persoal
[editar | editar a fonte]Casou coa profesora Olivia Rodríguez González que lle dedicou o seu libro Estética e teoría da cultura en Vicente Risco (2001, Galaxia).
Notas
[editar | editar a fonte]- ↑ "A primeira corporación democrática do Concello da Coruña será homenaxeada o 23 de abril". Galicia Confidencial. 18/3/2019.
- ↑ "Cúmprense 25 anos da histórica travesía do palangreiro Xurelo contra os vertidos radioactivos da Foxa Atlántica", CCG, 4/10/2006.
- ↑ "Chegou o momento de recuperar Meirás" Adiante.
- ↑ "Eurodiputados rotatorios". El País (en castelán). 23/5/1987.
- ↑ Neira, N. (14/1/2018). "Dueños del mar". El Progreso (en castelán).
- ↑ Eco, Revista do Eixo Atlántico
- ↑ "Gonzalo Vázquez Pozo: “Levamos 20 anos na rúa pese ó noso estado natural de crise”". El Correo Gallego. 13/10/2010.
- ↑ Santos, Ágatha de (22/2/2014). "Luz Pozo se convierte en la segunda mujer que recibe el Premio Laxeiro". Faro de Vigo (en castelán).
Véxase tamén
[editar | editar a fonte]Bibliografía
[editar | editar a fonte]- Barrera, F., ed. (2002). Gallegos. Quién es quien en la Galicia del siglo XXI (en castelán). El Correo Gallego. p. 585. ISBN 84-8064-113-4.
Outros artigos
[editar | editar a fonte]Ligazóns externas
[editar | editar a fonte]- Gago, Xosé (6/4/2019). "Los pioneros de María Pita, 40 años después". La Voz de Galicia (en castelán).
