Franck Songo'o

Franck Songo'o
Franck Songo'o
Información persoal
Nome	Franck Steve Songo'o
Nacemento	14 de maio de 1987 (37 anos)
Lugar de nacemento	Yaoundé
Altura	1,78 m.
Posición	Dianteiro e centrocampista
Información de club
Club actual	retirado
Carreira xuvenil
–1996	Metz
1996–1997	Salesianos
1997–2001	Orillamar SD
1999	Deportivo da Coruña
2001–2005	Barcelona
Carreira sénior
Selección nacional
Na rede
	Partidos e goles só en liga doméstica.; ; [ editar datos en Wikidata ]
	v; c; e;

Franck Steve Songo'o, nado en Yaoundé o 14 de maio de 1987, é un exfutbolista camerunés. Xogaba de centrocampista e dianteiro e desenvolveu a súa carreira principalmente en España e Inglaterra. Foi internacional coa selección do Camerún.

É fillo do ex-porteiro Jacques Songo'o e irmán do centrocampista Yann Songo'o.

Traxectoria

Comezos

Fillo do gardameta camerunés Jacques Songo'o, naceu en Yaoundé, trasladándose a curta idade a Europa, tralo salto de seu pai ao fútbol francés. Comezou a xogar nas categorías inferiores do Metz, club no que militou seu pai entre 1993 e 1996, e trala fichaxe deste polo Deportivo da Coruña, a familia instalouse en Galicia.^[1]

Ao pouco de chegar á Coruña, e por mediación de José Ángel Franganillo, Franck comezou a xogar de dianteiro no equipo dos Salesianos, dependente do Orillamar SD.^[1] Xogou máis tarde no propio Orillamar e formou parte da selección coruñesa de fútbol 7.^[2] En xuño de 1999 participou no Torneo de Brunete representando ao Deportivo da Coruña, que daquela aínda non tiña equipo alevín, e realizoun unha destacada actuación.^[3] En 2001 entrou na canteira do FC Barcelona, despois de rexeitar unha oferta do Real Madrid.^[4]

Portsmouth

Despois de catro anos en Barcelona, e de debutar en Terceira División co FC Barcelona C, no verán de 2005 fichou polo Portsmouth inglés, co que debutou na Premier League da man do adestrador Alain Perrin o 24 de setembro fronte ao Bolton Wanderers. Ao non contar apenas con minutos, en 2006 saíu cedido ao Bournemouth, da Football League One (terceira división do fútbol inglés), e a continuación foi cedido a tres equipos da Football League Championship: o Preston North End, o Crystal Palace e o Sheffield Wednesday. O 13 de xaneiro de 2008 xogou o seu terceiro e derradeiro partido na Premier, nunha derrota por 2-0 contra o Sunderland.

Real Zaragoza

En agosto de 2008 fichou polo Real Zaragoza,^[5] co que disputou 26 partidos esa tempada, a maioría entrando dende o banco, e anotou un gol fronte ao Las Palmas. O equipo, adestrado por Marcelino García, logrou ese ano o ascenso á Primeira División. Debutou na máxima categoría na xornada 3 da tempada 2009/10, contra o Valladolid na Romareda, pero a falta de minutos fixo que fose cedido no mercado invernal á Real Sociedad, que estaba líder da Segunda División.^[6] Disputou oito encontros co equipo vasco, adestrado por Martín Lasarte, e acabou proclamándose campión da categoría.

Últimos anos como profesional

Na tempada 2010/11 fichou polo Albacete, co que xogou só seis partidos e descendeu á Segunda División B. Deixou o equipo tralo descenso e despois dun tempo adestrándose co Montañeros da Coruña, realizou unha proba co Portland Timbers da MLS, co que asinou finalmente un contrato.^[7]^[8] Xogou un ano no equipo estadounidense, disputando 27 encontros, marcando un gol e repartindo cinco asistencias.^[9]

Despois dun breve paso polo Glyfada, da segunda división grega, fichou en decembro de 2013 polo PAS Giannina, da Superliga de Grecia, onde pouco despois puxo fin á súa carreira como futbolista profesional.^[10] Fóra do fútbol dirixiu na Coruña negocios postos en marcha por seu pai.^[11]

Selección nacional

Foi internacional coa selección francesa sub-19 e en 2008 pediu á FIFA un cambio de selección, para poder representar ao Camerún nos Xogos Olímpicos de 2008. A solicitude foi aceptada e Songo'o participou na cita olímpica, tendo como compañeiros entre outros a Mbia, Song e Nkoulou. Disputou os catro partidos do seu equipo, que caeu eliminado en oitavos de final contra o Brasil, grazas a dous goles na prórroga de Sóbis e Marcelo.^[12]

Debutou coa selección absoluta do Camerún en setembro de 2008, nun partido de clasificación para o Mundial de 2010 contra Cabo Verde, e sumou un total de tres internacionalidades.^[13]

Palmarés

Real Sociedad

Segunda división española (1): 2009/10.

Notas

↑ ^1,0 ^1,1 "Cuando el fútbol está en la sangre". La Voz de Galicia (en castelán). 18 de novembro de 1996. p. 54.
↑ "El delantero Songo’o". La Voz de Galicia (en castelán). 29 de xaneiro de 1998. p. 59.
↑ "Franck Songo'o brilla en el Torneo de Brunete". La Voz de Galicia (en castelán). 28 de xuño de 1999. p. 34.
↑ "Frank Songo’o, al Barça". La Voz de Galicia (en castelán). 20 de xuño de 2001. p. 35.
↑ "El camerunés de acento coruñés aterriza en Zaragoza". La Voz de Galicia (en castelán). 28 de agosto de 2008. p. 32.
↑ "Frank Songo'o llega cedido a la Real Sociedad". El Diario Vasco (en castelán). 22 de xaneiro de 2010. Arquivado dende o orixinal o 25 de xaneiro de 2010. Consultado o 29 de setembro de 2021.
↑ "Franck Songo'o tries to earn spot on Portland Timbers' roster" (en inglés). 13 de febreiro de 2012. Consultado o 29 de setembro de 2021.
↑ "Franck Songo'o, Timbers vs. Dynamo preseason, 2.15.12" (en inglés). 15 de febreiro de 2012. Arquivado dende o orixinal o 17 de febreiro de 2012. Consultado o 29 de setembro de 2021.
↑ "Timbers waive midfielder Franck Songo'o, defender Chris Taylor" (en inglés). 27 de febreiro de 2013. Arquivado dende o orixinal o 2 de marzo de 2013. Consultado o 29 de setembro de 2021.
↑ "OFICIAL: PAS Giannina, se incorpora Franck Songo'o" (en castelán). 31 de decembro de 2013. Consultado o 29 de setembro de 2021.
↑ "El ex deportivista Songo´o pone sus negocios en manos de su hijo" (en castelán). 7 de xaneiro de 2015. Consultado o 29 de setembro de 2021.
↑ "Brasil - Camerún nos Xogos Olímpicos de 2008". FIFA (en inglés). Consultado o 29 de setembro de 2021.
↑ "Camerún - Cabo Verde 2008". Transfermarkt (en inglés). Consultado o 29 de setembro de 2021.

Véxase tamén

Ligazóns externas

Datos do xogador en news.bbc.co.uk Arquivado 07 de novembro de 2012 en Wayback Machine. (en inglés)
Datos do xogador en BDFutbol (en castelán).

[:0-1] 1,0 ^1,1 "Cuando el fútbol está en la sangre". La Voz de Galicia (en castelán). 18 de novembro de 1996. p. 54.

[2] "El delantero Songo’o". La Voz de Galicia (en castelán). 29 de xaneiro de 1998. p. 59.

[3] "Franck Songo'o brilla en el Torneo de Brunete". La Voz de Galicia (en castelán). 28 de xuño de 1999. p. 34.

[4] "Frank Songo’o, al Barça". La Voz de Galicia (en castelán). 20 de xuño de 2001. p. 35.

[5] "El camerunés de acento coruñés aterriza en Zaragoza". La Voz de Galicia (en castelán). 28 de agosto de 2008. p. 32.

[6] "Frank Songo'o llega cedido a la Real Sociedad". El Diario Vasco (en castelán). 22 de xaneiro de 2010. Arquivado dende o orixinal o 25 de xaneiro de 2010. Consultado o 29 de setembro de 2021.

[7] "Franck Songo'o tries to earn spot on Portland Timbers' roster" (en inglés). 13 de febreiro de 2012. Consultado o 29 de setembro de 2021.

[8] "Franck Songo'o, Timbers vs. Dynamo preseason, 2.15.12" (en inglés). 15 de febreiro de 2012. Arquivado dende o orixinal o 17 de febreiro de 2012. Consultado o 29 de setembro de 2021.

[9] "Timbers waive midfielder Franck Songo'o, defender Chris Taylor" (en inglés). 27 de febreiro de 2013. Arquivado dende o orixinal o 2 de marzo de 2013. Consultado o 29 de setembro de 2021.

[10] "OFICIAL: PAS Giannina, se incorpora Franck Songo'o" (en castelán). 31 de decembro de 2013. Consultado o 29 de setembro de 2021.

[11] "El ex deportivista Songo´o pone sus negocios en manos de su hijo" (en castelán). 7 de xaneiro de 2015. Consultado o 29 de setembro de 2021.

[12] "Brasil - Camerún nos Xogos Olímpicos de 2008". FIFA (en inglés). Consultado o 29 de setembro de 2021.

[13] "Camerún - Cabo Verde 2008". Transfermarkt (en inglés). Consultado o 29 de setembro de 2021.

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]