Francis Bacon (artista)

Na Galipedia, a Wikipedia en galego.
Saltar ata a navegación Saltar á procura
Francis Bacon
Dublin Francis Bacon Gallery The Hugh Lane753.jpg
Nacemento28 de outubro de 1909
 Dublín
Falecemento28 de abril de 1992
 Madrid
CausaInfarto agudo de miocardio
NacionalidadeIrlanda, Reino Unido de Gran Bretaña e Irlanda e Reino Unido
Alma máterDean Close School
Ocupaciónpintor
PaiCapt. Anthony Edward Mortimer Bacon
Coñecido porTriptych, 1976 e Three Studies for Figures at the Base of a Crucifixion
PremiosRubenspreis
editar datos en Wikidata ]

Francis Bacon, nado en Dublín o 28 de outubro de 1909 e finado en Madrid o 28 de abril de 1992, foi un artista plástico irlandés considerado un dos máis importantes e innovadores da segunda metade do século XX.

Tratou con compracencia temas que continúan a chocar a nivel social. As fantasías masoquistas, a pedofilia, o desmembramento de corpos, a violencia masculina ligada á tensión homo erótica, as prácticas de disecación forense, a atracción pola representación do corpo (un especial fascinación polos fluídos naturais, sangue, bile, urina, esperma etc.) e, en xeral, con todo o que está directamente ligado á transgresión sexa relacionada co sexo, a relixión (son paradigmáticos os seus retratos do papa Inocencio X que efectuou a partir da obra de Diego Velázquez) ou calquera tabú, foron as pezas coas cales Bacon construíu a súa visión "modernista" do mundo.

Traxectoria[editar | editar a fonte]

Sufría de asma, e esta debilidade irritaba a seu pai, un home rudo e violento, que o adoitaba chicotear para o "facer home". Debido a isto Bacon criou un comportamento de oposición a seu pai. Un infancia difícil que sempre o influenciou na súa arte e lle inspirou un certo desdén por esa Irlanda da súa infancia, tal como Oscar Wilde e James Joyce.

A súa primeira exposición individual na Lefevre Gallery, en 1945, provocou un choque e non foi ben recibida. Toda a xente estaba farta de guerra e de horrores, só se falaba da "construción da paz" e as imaxes de entrañas dos cadros de Bacon, cos seus tons sanguíneos, provocaron máis repulsa que admiración.

Como home do seu tempo, Bacon transmitiu a idea de que o ser humano, ao conquistar e facer uso da súa propia liberdade, tamén liberta a besta que existe dentro de si. Pouca diferenza fai dos animais irracionais, tanto na vida - ao levar a cabo as funcións esenciais da existencia como o sexo ou a defecación - como na soidade da morte; representando o home como un anaco de carne.

A súa obra estivo en exposición, no Serralves, en 2003.