Eugène Viollet-le-Duc

Eugène Viollet-le-Duc
Nacemento	27 de xaneiro de 1814 e 1814
Lugar de nacemento	París
Falecemento	17 de setembro de 1879 e 1879
Lugar de falecemento	Lausana
Soterrado	Cimetière du Bois-de-Vaux
Nacionalidade	Francia
Ocupación	arquitecto, escritor, architectural draftsperson, historiador da arte, architectural historian, restaurador, castellologist e preface author
Pai	Emmanuel-Louis-Nicolas Viollet-le-Duc
Irmáns	Adolphe Etienne, II Viollet-Le-Duc
Coñecido por	Castelo de Abbadie, Château de Montdardier, Château de la Flachère, Estatua da Liberdade e sen etiquetar
Premios	Medalla de Ouro do RIBA e comendador da Lexión de Honor
Na rede
[ editar datos en Wikidata ]

Eugène-Emmanuel Viollet-le-Duc nado en París o 27 de xaneiro de 1814 e finado en Lausana o 17 de setembro de 1879, foi un arquitecto, arqueólogo e escritor francés. Defendeu o uso dunha metodoloxía racional no estudo dos estilos do pasado, contraposta ó historicismo romántico. As súas teorías exerceron unha grande influencia en artistas posteriores, como Guimard, Gaudí, Horta ou Vilaseca.

Traxectoria

Nacido no seo dunha familia da alta burguesía, dende moi novo interesouse pola Arquitectura da Idade Media e aínda que foi discípulo de Achille Leclère, rexeitou ingresar na escola de Belas Artes para converterse en autodidacta percorrendo Francia e Italia.

Teoría da restauración

Na súa teoría defende que o restaurador debe poñerse no lugar do arquitecto-creador primitivo, entendendo o espírito da obra e aplicalo á reconstrución da mesma. Trata de volver ó edificio a súa forma orixinal (forma prístina), ou como el entende que debeu ser, posto que afirma que a partir das partes que aínda existen é posible reconstruír o total, por pura coherencia do estilo.

As súas intervencións sobre diversos monumentos franceses caracterizáronse sempre pola primacía do estilo gótico, considerado por Viollet superior dende o punto de vista técnico e estético.

A chamada unidade de estilo buscaba resaltar os aspectos medievais do edificio tratado, isto obrigaba a eliminar ou alterar os elementos "inferiores" ou secundarios engadidos con posterioridade nos momentos renacentista, barroco ou neoclásico. En certas ocasións as intervencións de Viollet provocaron a desaparición de interesantes engadidos de gran calidade e valor histórico artístico, causando a ruptura do proceso vital da obra artística.

Viollet-le-Duc é unha figura oposta, no tocante as ideas, a John Ruskin que defende a conservación fronte á restauración.

Obras destacadas

Restauracións

• Santa María Magdalena de Vezelay.
• Catedral de Amiens.
• Abadía de Saint Denis de París.
• Catedral de Lausana.
• Catedral de San Sernin de Tolosa, Francia.
• Catedral de Notre-Dame de París.
• Sainte Chapelle.
• San Luis de Poissy.
• Semur.
• San Miguel de Carcassonne.
• Casa do concello de San Antonio.
• Casa do concello de Narbona.
• Castelo de Pierrefonds.
• Fortificacións de Carcasona.
• Castelo de Coucy.
• Castelo de Roquetaillade.

Escritos

• Dictionnaire de l'architecture française du XI^e au XVI^e siècle (1854-68).
• Dictionnaire raisonné du mobilier français de l'époque Carolingienne à la Renaissance (1858-75).
• L'Architecture militaire au moyen Âge (1854).
• Entretiens sur l'architecture (1863-72).
• Cités et mines américaines (1863).
• Mémoire sur la défense de Paris (1871).
• Habitations modernes (1874- 77).
• Histoire d'une maison (1873).
• Histoire d'une forteresse (1874).
• Histoire de l'habitation humaine (1875).
• Le Massif du Mont Blanc (1876).
• L'Art russe (1877).
• Histoire d'un hotel-de-ville et d'une cathédrale (1878.)
• La Décoration appliquée aux édifices (1879).

Véxase tamén

Outros artigos

• Castelo de Abbadie