Estevo Creus
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. |
| Estevo Creus | |
|---|---|
-8.jpg) | |
| Nacemento | 1971 |
| Cee | |
| Nacionalidade | España |
| Ocupación | poeta |
| Xéneros | Poesía |
| Estudos | Psicoloxía |
| Premios | Premio Miguel González Garcés e Premio Eusebio Lorenzo Baleirón |
| Na rede | |
  | |
| [ editar datos en Wikidata ] | |
Estevo Creus Andrade, nado en Cee en 1971, é un escritor galego que ten destacado especialmente no eido da poesía.
Traxectoria[editar | editar a fonte]
Foi un dos fundadores do Batallón Literario da Costa da Morte, participando en obras colectivas como Nós (1997) e Mar por medio (1998). Previamente publicara como narrador os relatos E a catro patas: quilómetros... (1994) e Confeso que matei a bambi (1996).
A súa primeira obra individual é do 1996, cando sae á luz Poemas da cidade oculta. Ese mesmo ano gaña con Areados o premio Miguel González Garcés da Deputación da Coruña. No ano 1998 gaña o premio de poesía Eusebio Lorenzo Baleirón co poemario Teoría do lugar, e no 2002 o III Premio de poesía Fiz Vergara Vilariño con Decrúa.
Interesado en experimentar coas novas formas da edición, convértese nun dos membros fundadores da editora Letras de Cal e participa tamén no proxecto Retagarda Edicións dedicado a editar libros en formato dixital empregando o diskette como soporte. Publica nese formato O libro dos cans no ano 2000. Tamén no ano 2007 e xunto co seu irmán, o escritor e artista gráfico David Creus, publica facer Merzbau non ou posible?, un libro que pretende borrar as fronteiras do concepto tradicional de autoría e que se move dentro dun concepto multimediático da literatura (acompáñase dun DVD e de autocolantes).
Estevo Creus é licenciado en Psicoloxía e foi tamén fundador do Grupo de Teatro Talía.
Obra publicada[editar | editar a fonte]
Poesía[editar | editar a fonte]
- Poemas da cidade oculta (Xerais, 1996).
- Areados (Deputación da Coruña, 1997).
- Teoría do lugar (Ediciós do Castro, 2000).
- Libro dos cans (Retagarda Edicións, 2000. 2ª edición en Franouren, 2010).
- Decrúa (Espiral Maior, 2003).
- Balea2 (Positivas, 2011).
- Tirotea2 (2011).
Obras colectivas[editar | editar a fonte]
- Rumbo ás illas. Escritores da Costa da Morte nas Sisargas (Asociación Cultural Monte Branco/Asociación Neria, O Couto, Ponteceso, 1997).
- dEfecto 2000 (Letras de Cal, 1999).
- A tribo das baleas (Xerais, 2001).
- Poética da casa (Xunta de Galicia, 2006).
- facer Merzbau non ou posible? (xunto con David Creus, non ou edicións, 2007).
- Polifonías II. Voces poéticas contra a violencia de xénero (Espiral Maior, 2007).
- De Pondal ao Batallón Literario. 120 anos de poesía na Costa da Morte (Sotelo Blanco, 2009).
- Erato bajo la piel del deseo (Sial Ediciones, 2010).
- Versos no Olimpo. O Monte Pindo na poesía galega (Toxosoutos, 2013).
- 150 Cantares para Rosalía de Castro (2015, libro electrónico).
Premios[editar | editar a fonte]
- Gañador do Premio Miguel González Garcés no 1996, por Areados.
- Gañador do XI Premio de poesía Eusebio Lorenzo Baleirón no 1998, por Teoría do lugar.
- Gañador do III Premio de poesía Fiz Vergara Vilariño no 2002, por Decrúa.
- Gañador do XXX Premio de poesía Eusebio Lorenzo Baleirón no 2017, por O lugar que non hai.
Véxase tamén[editar | editar a fonte]
Ligazóns externas[editar | editar a fonte]
- Estevo Creus na páxina web da Asociación de Escritoras e Escritores en Lingua Galega.
