Gorilla gorilla

Gorila do occidente
Macho adulto de gorila do occidente.
Estado de conservación
Crítico
Clasificación científica
Reino: Animalia Filo: Chordata Clase: Mammalia Orde: Primates Familia: Hominidae Xénero: Gorilla Especie: G. gorilla
Nome binomial
Gorilla beringei (Savage, 1847)
Área de distribución do gorila do occidente. Área de distribución do gorila do occidente.
Subespecies
G. g. gorilla G. g. diehli

O gorila do occidente (Gorilla gorilla) é unha das dúas especies do xénero Gorilla. Á súa vez, o gorila do occidente está dividido en dúas subespecies: o Gorila occidental das chairas (G. g. gorilla) e o gorila do río Cross (G. b. diehli). Case a totalidade dos gorilas do occidente pertencen á subespecie do gorila occidental das chairas, cunha poboación entre 95.000 e 100.000 individuos. Estímase que só quedan de 250 a 300 gorilas do río Cross.

Descrición

En comparanza co gorila do oriente, o gorila do occidente e sensibelmente máis pequeno, pesa menos, ten unha figura máis estilizada e a súa pelaxe é máis clara. O gorila occidental das chairas caracterízase pola coloración da súa pelaxe, que pode ir dende o marrón até o gris, e a fronte alaranxada. Os machos miden entre 160 e 170 cm de altura e pesan arredor dos 140 kg. As femias son máis pequenas e miden entre 120 e 140 cm de alto e o seu peso oscila entre os 60 e 80 kg. Os gorilas do occidente meirandes poden chegar ós 200 kg nos machos e ós 98 kg nas femias. O gorila do río Cross diferénciase no maior tamaño da súa caveira e dos seus dentes. Tamén é uns 10–15 cm máis alto e 20–35 kg máis pesado. Perante isto, segue a ser máis pequeno e lixeiro que o gorila de montaña e o gorila oriental das chairas, que están consideradas as subespecies de maior tamaño.

Galería de imaxes

• 
  Caveira dun macho adulto.
• 
  Macho de gorila occidental.
• 
  Femia coa súa cría.

Véxase tamén

Ligazóns externas

• Gorilla gorilla en Iucnredlist.org (en inglés)