José Chiarroni Pazos

José Chiarroni Pazos, nado o 6 de xaneiro de 1898 en Vigo e finado o 10 de marzo de 1944 foi un futbolista galego que xogaba na demarcación de dianteiro centro.

Traxectoria

Comezou a xogar no Real Vigo Sporting Club no ano 1914 e permaneceu no club ata a fusión deste co Fortuna de Vigo en 1923, pasando a formar parte do plantel do club resultante, o Celta de Vigo. Co Sporting proclamouse campión do Campionato galego en cinco ocasións.

O 14 de setembro de 1923 celebrouse o encontro de presentación do Celta entre un equipo A e B formado con xogadores do club, porén tanto Chiarroni coma Ramón González ausentaronse do mesmo ao ser subornados polo Deportivo da Coruña para fichar polo equipo coruñés, manobra ilícita na época. A estes dous xogadores unironselles máis tarde Luis Otero e Isidro.

O Celta de Vigo denunciou ante a Federación este suceso, que faiou a favor do equipo céltico, prohibíndolles xogar con ningún outro equipo ata o final da tempada 1923-24. No tempo que permaneceu na plantilla do Celta so disputou encontros amigábeis, coma o realizado no verán de 1924 ante a Selección de fútbol de Uruguai que se atopaba de camiño aos Xogos Olímpicos París 1924, dos cales se proclamarían campións.

En 1924 pasou a formar parte oficialmente do plantel do Deportivo da Coruña, permaneceu no club ata 1929, proclamándose campión de galicia en dúas ocasións.

Unha vez retirado do fútbol en activo foi adestrador do Betanzos CF.

Ca selección de fútbol

O 19 de novembro de 1922 formou parte do primeiro encontro da Selección de fútbol de Galicia ante Castela, cun 4-1 como resultado final. Posteriormente foi convocado noutras catro ocasións.

Véxase tamén

Ligazóns externas

Biografía do xogador en yojugueenelcelta.com (en castelán)