Seabra: Diferenzas entre revisións
lig int |
m Bot: Retiro 7 ligazóns interlingüísticas, proporcionadas agora polo Wikidata en d:q2605814 |
||
Liña 49: | Liña 49: | ||
[[Categoría:Comarcas de Castela e León]] |
[[Categoría:Comarcas de Castela e León]] |
||
[[ast:Senabria]] |
|||
[[ca:Sanabria]] |
|||
[[en:Senabria]] |
|||
[[es:Sanabria]] |
|||
[[eu:Sanabria]] |
|||
[[kk:Санабрия]] |
|||
[[ru:Санабрия]] |
Revisión como estaba o 25 de marzo de 2013 ás 06:44
Modelo:Comarca de España Seabra (en castelán Sanabria, en lingua leonesa Senabria) é o nome dunha comarca natural situada no noroeste da provincia de Zamora. Os seus habitantes reciben o nome de xabreses[Cómpre referencia].
Localízase entre as serras de La Culebra, Segundeira e da Cabreira (Cabreira Baixa), lindando polo oeste con Galiza (provincia de Ourense), polo norte coa comarca leonesa da La Cabreira, e polo leste con as comarcas zamoranas de La Carballeda e Los Valles; polo Sur limita con Portugal (distrito de Bragança).
Na maior parte do seu territorio falouse (actualmente con pouca vitalidade) leonés. Na zona occidental chamada As Portelas, a comprendida entre a Portela da Canda e a Portela do Padornelo fálase galego con bastante vitalidade, pero cunha poboación vella e en franca diminución. Tamén se fala galego na vila de Calabor, situada en Pedralba de la Pradería.
Historia
Seabra estivo habitada por tribos astures, do que perduran aínda castros. O seu nome, Senabriga – rexistrado aínda na documentación da Alta Idade Media, do que deriva o actual de Seabra– debe datar daquela época, amosando o elemento céltigo -briga "fortificación", que debeu designar algún castro concreto.
En 921 construíuse o mosteiro de San Martín de Castañeda, ou Castañeira, como se denominou orixinariamente, talvez por monxes mozárabes. En 952, o rei Ordoño III deulles os dereitos de pesca sobre o lago de Seabra. O dominio do mosteiro foi moi forte na comarca ata inicios do século XIX.
En 1103 o rei Afonso IX concedeu o Foro da Seabra.
Logo da Guerra de Independencia de Portugal, no século XVII, ficou incorporada a localidade de Hermisende, anteriormente portuguesa, e onde se fala galego[1], ao igual ca nos concellos de Lubián, Pías e Porto. Ademais, fálase o galego no lugar de Calabor, no concello de Pedralba de la Pradería.
Lista de concellos de Seabra
- Asturianos
- Cobreiros
- Galende
- Hermisende
- Pobra de Seabra
- Lubián
- Palacios
- Pedralba de la Pradería
- Pías
- Porto
- Requeixo
- Robleda
- Rosinos de la Requejada
- San Justo
- San Martín
- Trefacio
Notas
- ↑ Xavier Frías, "Sobre os bloques dialectais do galego: unha nova proposta. Revista de Filología Románica, núm. 14