Portela da Canda

Na Galipedia, a Wikipedia en galego.
Saltar ata a navegación Saltar á procura

42°2′1″N 6°57′53″O / 42.03361, -6.96472

A estrada nacional N-525 ao seu paso pola portela da Canda no inverno de 2018.

A Canda é unha portela entre a serra Segundeira, ao norte, e a serra de Marabón, ao sur, que comunica a comarca de Viana, na provincia de Ourense coa de Seabra, na provincia de Zamora. Está situada a unha altitude de 1.259 m. O camiño que salva este alto é unha pasaxe usada de vello na comunicación entre Galicia e a Meseta.

Neste punto consérvase un pequeno treito da primitiva estrada ZA-106, que foi substituída pola nacional N-525 cando, en 1975, se abriu a variante entre Padornelo e A Canda, que pasou a acurtar o traxecto de 21 a 11,5 km. Dende 2003, a inauguración do tramo entre Ourense e Benavente da autovía A-52 evita á subida ao porto grazas a un túnel de 450 m que fura o contraforte máis meridional do Pico de Aguallal (da serra Segundeira), a uns poucos centos de metros da portela da Canda.