Antoine Walker

Antoine Walker
	; (2014)
Biografía
Nacemento	12 de agosto de 1976 (47 anos); Chicago, Estados Unidos de América
Datos persoais
País de nacionalidade	Estados Unidos de América
Educación	Universidade de Kentucky ; Mount Carmel High School (en)
Altura	203 cm
Peso	102 kg
Actividade
Ocupación	baloncestista
Período de actividade	1996 - 2012
Nacionalidade deportiva	Estados Unidos de América
Deporte	baloncesto
Liga	NBA G League, Baloncesto masculino da División I da NCAA e National Basketball Association
Posición de xogo	Ala-pivote
Convocado por	Boston Celtics
Traxectoria

Antoine Devon Walker, nado o 12 de agosto de 1976 en Chicago, Illinois, é un ex xogador de baloncesto profesional estadounidense. Foi seleccionado na Draft da NBA de 1996 no sexto posto polos Boston Celtics, xogando na National Basketball Association (NBA) desde 1996 até 2008. Walker xogou para os Celtics, Mavericks, Hawks, Heat, Timberwolves, Grizzlies, os Mets de Porto Rico e os Stampede da NBA D-League antes de retirarse do baloncesto en 2012. Walker, tres veces NBA All-Star, gañou o campionato da NCAA con Kentucky en 1996 e o anel de campión da NBA con Miami Heat en 2006.

Traxectoria deportiva[editar | editar a fonte]

Universidade[editar | editar a fonte]

Xogou durante dúas tempadas na Universidade de Kentucky, e foi un factor clave para a consecución, por parte do seu equipo, do título da NCAA de 1996. Fixo 11,7 puntos e 6,5 rebotes por partido. Ao acabar o seu segundo ano, anunciou a súa intención de presentarse ao Draft da NBA.

Profesional[editar | editar a fonte]

Foi elixido polos Boston Celtics na sexta posición do draft de 1996, opción que conseguiron a través de Dallas Mavericks. Fíxose rapidamente co posto de titular, e acabou a súa primeira campaña anotando 17,5 puntos e capturando 9 rebotes por partido, o que fixo que fose incluído no mellor quinteto de rookies do ano. Durante as súas sete tempadas no equipo de Massachusetts roldou (ou superou) sempre os 20 puntos e 10 rebotes por partido, o que fixo que fose elixido en tres ocasións para disputar o Partido das Estrelas, incluída unha como titular, votado polo público.

Pouco antes de iniciarse a tempada 2003-2004, foi traspasado aos Dallas Mavericks, onde o seu rendemento baixou notablemente, sendo traspasado ao ano seguinte a Atlanta Hawks, onde só estivo media tempada, volvendo de novo a Boston. En 2005 viuse incluído no maior traspaso de xogadores da historia da NBA que involucrou a 5 equipos e a 12 xogadores, indo parar a Miami Heat. En Florida perdeu a titularidade, xogando menos minutos, pero a cambio conseguiu o seu até agora único anel de campión en 2006, contribuíndo con 14 puntos e 11 rebotes no partido decisivo.

En outubro de 2007 foi traspasado a Minnesota Timberwolves xunto con Michael Doleac, Wayne Simien e unha primeira rolda de draft por Ricky Davis e Mark Blount. O 27 de xuño de 2008 foi traspasado a Memphis Grizzlies xunto con Marko Jarić, Greg Buckner e os dereitos de O. J. Mayo por Mike Miller, Brian Cardinal, Jason Collins e os dereitos de Kevin Love. O 19 de decembro de 2008 foi despedido e dende 2010 xoga nos Guaynabo Mets de Porto Rico.

Véxase tamén[editar | editar a fonte]

Ligazóns externas[editar | editar a fonte]