Checoslovaquia

Na Galipedia, a Wikipedia en galego.
Československo
Checoslovaquia

1918–1992
 

Bandeira Escudo
Lema: Pravda vítězí
(Checo: A verdade prevalece)
Himno: Kde domov můj? e Nad Tatrou sa blýska
Capital Praga
Lingua Checo, eslovaco
Goberno República
Historia
 • Independencia 28 de outubro de 1918
 • Ocupación alemá 1939-1945
 • Disolución 31 de decembro de 1992
Superficie
 • 1993 127.900 km²
Poboación
 • 1993 est. 15.600.000 
     Densidade 122/km²
Moeda Coroa

Checoslovaquia (en checo e eslovaco: Československo ou Česko-Slovensko) foi un estado fundado trala fin da Primeira Guerra Mundial e a desmembración do Imperio Austrohúngaro, do cal formaba parte o Reino de Bohemia, no Tratado de Versalles. Durou dende 1919 ata 1993, e comprendía ás actuais República Checa e Eslovaquia. En 1938, Chequia pasou a fomar parte do Terceiro Reich co nome de Bohemia e Eslovaquia continuou a ser independente cun goberno pro-nazi.

Historia[editar | editar a fonte]

O estado creouse en 1919. En 1938 convertese en zona de influencia do Terceiro Reich tralos acordos de Múnic. En 1945 foi liberado polas tropas rusas, e en 1947 caeu baixo influencia soviética. En 1968 tivo lugar a Primavera de Praga.

República Federal Checa e Eslovaca (1990-1992)[editar | editar a fonte]

Adopción do nome[editar | editar a fonte]

A diferenza do que sucedeu en Iugoslavia e a Unión Soviética, a caída do comunismo neste país non significou o final da unión: A raíz da Revolución de Veludo, o recentemente elixido presidente Vaclav Havel anunciou que a palabra "socialista", que fora parte do nome oficial de Checoslovaquia desde 1960, debía ser eliminada do nome e substituída por "federal".

Aínda que o nome obvio que debía adoptarse presumía ser o de antes de 1960, Československá republika (República Checoslovaca), os políticos eslovacos obxetaron que o nome tradicional subsumía demasiado a Eslovaquia. O primeiro compromiso foi a Lei Orgánica 81/1990, que recoñeceu a natureza do estado de forma explícita como Československá federativní republika (República Federal Checoslovaca) en checo e foi aprobada o 29 de marzo de 1990 (entrando en vigor o mesmo día) só logo de acordar que a forma eslovaca para Česko-slovenská federatívna republika debería ser codificada de forma explícita por unha futura lei sobre os símbolos estatais. Isto foi recibido con desaprobación xeral; o compromiso resultante logo das negociacións foi Česká a Slovenská Federativní/Federatívna Republika (República Federal Checa e Eslovaca) (Lei Constitucional 101/1990, aprobada o 20 de abril e en vigor desde a súa declaración o 23 de abril, a diferenza da anterior, tamén explicitamente na lista tanto en checo e a versión eslovaca e afirmou que son iguais).

Disolución[editar | editar a fonte]

Artigo principal: Disolución de Checoslovaquia.

A cuestión nacional, con todo, non atopou acomodo baixo a nova arquitectura da República Federal Checa e Eslovaca, na que se pretendeu dar carta de natureza á nacionalidade eslovaca en pé de igualdade coa checa. As reivindicacións autonomistas pronto deixaron paso, ao longo dos anos 1990 e 1991, ás propostas independentistas. De calquera modo, o proceso de disgregación da República transcorreu por camiños difíciles, pero sempre pola vía da negociación e o diálogo. De feito, o propio Havel declaraba nunha entrevista para Radio Viena o 16 de abril de 1991 que se o pobo eslovaco quere vivir nun Estado independente, nin os checos nin eu negarémoslles o dereito a facelo.

Na primavera deste último ano, esta cuestión estivo no centro da crise do Goberno eslovaco e do propio Movemento Público Contra a Violencia, que se escindiría nun grupo liderado por Vladimir Meciar, fundando a plataforma chamada Movemento para unha Eslovaquia Democrática (HZDS). Esta forza política accedeu ao goberno eslovaco nas eleccións de xuño de 1992 e iniciou negociacións co goberno checo para a partición da República Federal. Václav Havel dimitiu do seu posto en xullo e a partición foi aprobada pola Asemblea Federal o 25 de novembro de 1992. O 1 de xaneiro de 1993 Checoslovaquia foi disolta pacificamente polo Parlamento, formando dous países completamente independentes: a República Checa e a República Eslovaca.

Commons
Commons ten máis contidos multimedia sobre: Checoslovaquia

Este artigo tan só é un bosquexo
 Este artigo sobre xeografía é, polo de agora, só un bosquexo. Traballa nel para axudar a contribuír a que a Galipedia mellore e medre.
 Existen igualmente outros artigos relacionados con este tema nos que tamén podes contribuír.