Catherine Deneuve

Na Galipedia, a Wikipedia en galego.
Catherine Deneuve
Catherine Deneuve 1995.jpg
Catherine Deneuve en 1995.
Nome completo Catherine Fabienne Dorléac
Nacemento 22 de outubro de 1943 (74 anos)
Lugar París, Francia
Nacionalidade Francia
Etnia Pobo francés
Cónxuxe(s) David Bailey
Fillos Christian Vadim e Chiara Mastroianni
Profesión Actriz (1957 - presente)

Catherine Dorléac, coñecida como Catherine Deneuve, nada o 22 de outubro de 1943 en París é unha actriz francesa.

Traxectoria[editar | editar a fonte]

É filla de Maurice Dorléac, actor de teatro e cine, e tamén director de dobraxe na Paramount. A súa avoa era apuntadora no teatro do Odéon e a súa nai actriz.

Viviu co realizador Roger Vadim (con quen tivo un fillo, Christian Vadim, en 1963). Despois casou en 1965 co fotógrafo David Bailey, do que se separou en 1967. Máis tarde viviu co realizador François Truffaut, o actor Marcello Mastroianni (co que tivo unha rapariga, Chiara Mastroianni, en 1972), e, xa nos anos 80, co comunicador Pierre Lescure .

Considerada en todo o mundo como unha das máis grandes actrices francesas dos 40 últimos anos, goza dunha notoriedade internacional e dunha filmografía excepcional. Todos os máis grandes realizadores europeos recorreron ela, asociando definitivamente o seu nome á historia do cine do final do século XX.

En 1985 foi escollida como imaxe da Marianne, representación feminina da República francesa. Tamén foi nomeada Embaixadora de Boa Vontade da UNESCO.

Premios[editar | editar a fonte]

  • 1981: César á mellor actriz por O Último Metro
  • 1993: César á mellor actriz por Indochina
  • 1998: Copa Volpi á mellor actriz no Festival de Venecia por Place Vendôme
  • 2002: Oso de Prata do Festival de Berlín á Mellor Contribución Artística Individual outorgada ás 8 actrices da película Oito Mulleres.

Filmografía seleccionada[editar | editar a fonte]

  • Oito mulleres (Huit femmes) (2001)
  • Dancer in the Dark (2000)
  • Place Vendôme (1998)
  • Os ladróns (Les voleurs) (1996)
  • Indochina (1992)
  • Drole d'endroit pour une rencontre (1988)
  • Fort Saganne (1984)
  • O último metro (Le dernier métro) (1980)
  • Courage fuyons (1979)
  • Tristana (1970)
  • Peau d'âne (1970)
  • La sirène du Mississippi (1969)
  • Mayerling (1968)
  • Belle de jour (1967)
  • Les demoiselles de Rochefort (1967)
  • La vie de château (1966)
  • Repulsion (1965)
  • Les Parapluies de Cherbourg (1964)