Carles Grau Tallada

Na Galipedia, a Wikipedia en galego.
Saltar ata a navegación Saltar á procura
Carles Grau Tallada
Nacemento10 de marzo de 1990
 Lloret de Mar
NacionalidadeEspaña
Ocupaciónxogador de hóckey a patíns
IrmánsMarc Grau Tallada
editar datos en Wikidata ]

Carles Grau Tallada, nado en Lloret de Mar o 10 de marzo de 1990, é un farmacéutico e xogador de hóckey a patíns español, que xoga de porteiro no Deportivo Liceo.[1]

É irmán maior de Marc, Álex e Lluis Grau, todos eles xogadores da OK Liga.

Traxectoria[editar | editar a fonte]

Tras probar no judo, comezou a xogar ao hóckey a patíns, deporte ao que se acabarían dedicando tamén os seus irmáns menores, Álex, Lluis e Marc.[1] Formouse como xogador no equipo da súa vila, o C.H. Lloret, co que debutou na OK Liga. Na tempada 2008/09 fichou polo FC Barcelona, co que xogou dúas tempadas, gañando dúas ligas, unha Supercopa de España, unha Copa de Europa, unha Copa Intercontinental e unha Copa Continental.

Tras xogar no CE Vendrell na tempada 2010/11, recalou ao ano seguinte no CP Vic, onde militou durante cinco tempadas. Co Vic xogou unha final da Copa CERS contra o Vendrell en 2013,[2] e en marzo de 2015 conquistou a Copa do Rei, tras derrotar na final ao FC Barcelona, e sendo elixindo mellor xogador do torneo.[3][4] En 2016 marchou para Portugal para xogar no FC Porto. Nas súas tres tempadas no club luso gañou dúas ligas portuguesas, dúas Copas, dúas Supercopas e foi dúas veces subcampión de Europa, tras perder as finais de 2017/18 e 2018/19 fronte a FC Barcelona e Sporting CP respectivamente.[5]

En 2019 fichou polo HC Liceo, xunto a seu irmán Marc, pasando a xogar por primeira vez no mesmo equipo.[6] Xunto a eles chegaron á Coruña outro par de irmáns, os xemelgos Bruno e Roberto Di Benedetto.[7] Na súa primeira tempada no club galego acabou subcampión da OK Liga, despois de que os play-offs foran cancelados por mor da pandemia por coronavirus.[8]

Selección española[editar | editar a fonte]

Conquistou coa selección española dúas Copas Latinas en 2010 e 2012, e en 2013 o Campionato do Mundo celebrado en Angola.[9][10] Foi ademais subcampión do mundo en 2015 e obtivo o bronce europeo en 2016.

Palmarés[editar | editar a fonte]

FC Barcelona[editar | editar a fonte]

CP Vic[editar | editar a fonte]

FC Porto[editar | editar a fonte]

Selección española[editar | editar a fonte]

Notas[editar | editar a fonte]

  1. 1,0 1,1 "Carlos Grau, el farmacéutico que guarda la receta del liderato del Liceo". La Voz de Galicia (en castelán). 15 de outubro de 2019. Consultado o 2 de decembro de 2020. 
  2. Gallén, Carlos (12 de maio de 2013). "El Moritz Vendrell se emborracha con la Copa CERS". Mundo Deportivo (en castelán). Consultado o 2 de decembro de 2020. 
  3. "El Vic sorprende al Barça y gana su cuarta Copa del Rey (2-1)" (en castelán). 1 de marzo de 2015. Consultado o 2 de decembro de 2020. 
  4. "El lloretenc Carles Grau, escollit MVP de la Copa del Rei d’hoquei patins" (en catalán). 2 de marzo de 2015. Consultado o 2 de decembro de 2020. 
  5. "El Sporting, campeón de Europa 42 años después" (en castelán). 12 de maio de 2019. Consultado o 2 de decembro de 2020. 
  6. ""Nos falta uno para el equipo"". La Opinión A Coruña (en castelán). 5 de novembro de 2019. Consultado o 2 de decembro de 2020. 
  7. Varela, María (26 de febreiro de 2019). "As fichaxes, de dúas en dúas". La Opinión A Coruña. Consultado o 2 de decembro de 2020. 
  8. "La FEP da por finalizada la competición de la OK Liga". DxT Campeón (en castelán). 3 de maio de 2020. Consultado o 2 de decembro de 2020. 
  9. "La selección de hockey sobre patines, ante el reto del quinto mundial consecutivo" (en castelán). 17 de setembro de 2013. Consultado o 2 de decembro de 2020. 
  10. "España derrota a Argentina 4-3 y gana su quinto Mundial consecutivo de hockey patines" (en castelán). 29 de setembro de 2013. Consultado o 2 de decembro de 2020. 

Véxase tamén[editar | editar a fonte]

Ligazóns externas[editar | editar a fonte]