Àlex Rodríguez
| Àlex Rodríguez | |
|---|---|
| Nacemento | 10 de setembro de 1993 |
| Lugar de nacemento | Sant Hipòlit de Voltregà |
| Nacionalidade | España |
| Ocupación | xogador de hóckey a patíns |
| [ editar datos en Wikidata ] | |
Àlex Rodríguez Dalmau, nado en Sant Hipòlit de Voltregà o 10 de setembro de 1993, é un xogador de hóckey a patíns español, que xoga de dianteiro no Deportivo Liceo, da OK Liga.
Traxectoria[editar | editar a fonte]
Fillo dun galego orixinario da provincia de Ourense que se instalara en Cataluña durante a infancia, naceu en Sant Hipòlit de Voltregà, onde aprendeu a xogar ao hóckey a patíns seguindo os pasos de seus irmáns Carles e Dani.[1][2] Ingresou de pequeno no club de hóckey a patíns da súa vila, o CP Voltregà, e pasou por tódalas categorías da canteira ata chegar ao primeiro equipo, co que debutou na OK Liga con 17 anos.[3][4] Xogou cinco anos na máxima categoría co Voltregà, ata que en 2016 deixou o club barcelonés, despois de 20 anos na súa disciplina.[1]
Fichou entón polo Reus, club no que militou durante as seguintes cinco campañas, gañando unha Supercopa de España e a Liga Europea 2016/17. Marcou máis de 150 goles no club tarraconense e na súa última tempada (2020/21) proclamouse máximo goleador da OK Liga, con 52 tantos, 10 máis que o portugués João Rodrigues, segundo clasificado.
En xullo de 2021 anunciouse a súa fichaxe polo Liceo.[5] Na súa primeira campaña na Coruña marcou 21 goles e repartiu 13 asistencias na liga regular, na que o equipo dirixido por Juan Copa acabou segundo. Xa na pelexa polo título, Àlex Rodríguez tivo un papel fundamental, sendo o máximo goleador dos play-offs con 10 dianas, contribuíndo así a que o Liceo conquistase a oitava liga da súa historia.[6]
Palmarés[editar | editar a fonte]
- Reus
- Supercopa de España (1): 2021.
- Liga Europea (1): 2016/17.
- Liceo
- OK Liga (1): 2021/22.
- Supercopa de España (1): 2021.
Notas[editar | editar a fonte]
- ↑ 1,0 1,1 Zaballa, Pablo (16 de febreiro de 2023). "Àlex Rodríguez: "Cuando llegué al Liceo me empapé de su ADN"". DxT Campeón (en castelán). Consultado o 18 de marzo de 2023.
- ↑ Varela, María (23 de setembro de 2022). "Álex, en el nombre del padre". La Opinión A Coruña (en castelán). Consultado o 18 de marzo de 2023.
- ↑ Zaballa, Pablo (4 de febreiro de 2022). "Àlex Rodríguez: “Cuando entro en la pista soy un rival más”". DxT Campeón (en castelán). Consultado o 18 de marzo de 2023.
- ↑ Varela, María (3 de febreiro de 2021). "Álex Rodríguez, camino de A Coruña". La Opinión A Coruña (en castelán). Consultado o 18 de marzo de 2023.
- ↑ Gómez Cundíns, Pablo (3 de xullo de 2021). "El Deportivo Liceo ficha al máximo goleador de la OK Liga, Àlex Rodríguez". La Voz de Galicia (en castelán). Consultado o 19 de marzo de 2023.
- ↑ "El Deportivo Liceo, campeón de la OK Liga por octava vez en su historia". Sport (en castelán). 17 de xuño de 2022. Consultado o 19 de marzo de 2023.
Véxase tamén[editar | editar a fonte]
 |
A Galipedia ten un portal sobre: Hóckey a patíns |
Ligazóns externas[editar | editar a fonte]
- Datos do xogador en ogol.com.br (en portugués).
| Control de autoridades |
|
|---|
