Arnoglossus thori
| Arnoglossus thori Rapapelos, rapapelos punteado, rascón de Thor | |||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| |||||||||||||||||||||||||
| Clasificación científica | |||||||||||||||||||||||||
| |||||||||||||||||||||||||
| Nome binomial | |||||||||||||||||||||||||
| Arnoglossus thori Kyle, 1913 [1] | |||||||||||||||||||||||||
Arnoglossus thori é unha especie de peixe teleósteo da orde dos pleuronectiformes, suborde dos pleuronectoideos e familia dos bótidos,[1] coñecida en galego como rapapelos,[2] rapapelos punteado ou rascón de Thor.[3]
Taxonomía[editar | editar a fonte]
A especie foi descrita por primeira vez en 1913 polo naturalista Kyle.[1]
Ademais de seu nome orixinario, e actualmente válido, ao longo da historia foi coñecido polos seguintes sinónimos:[1]
- Arnoglossus moltoni Torchio, 1961
- Arnoglossus moltonii Torchio, 1961
- Kyleia thori (Kyle, 1913)
- Pleuronectes grohmanni Bonaparte, 1837
Características[editar | editar a fonte]
As principais características morfolóxicas desta especie son:[2][4]
- Corpo ovalado, moi deprimido, de até os 18 cm de lonxitude como máximo, aínda que os que de poden ver nos mercados roldan os 12 cm.
- Ollos pequenos, situados no lado esquerdo da cabeza, separados por unha crista ósea nos individuos xuvenís, pero que se fai cóncava e estreita nos adultos. O ollo inferior está un pouco adiantado con respecto ao superior.
- Boca armada con dentes pequenos, subiguais.
- Liña lateral cunha marcada curva sobre a aleta pectoral.
- Aleta dorsal con de 81 a 93 raios (brandos), e a anal con de 57 a 69 raios (igualmente brandos).
- O segundo raio da aleta dorsal é moi alongado, cunha membrana ampla de cor escura, con flocos. Os primeiros 3 ou 4 raios da aleta aleta dorsal xeralmente negros nos adultos, pero só o segundo raio, o alongado, é escuro nos espécimes inmaturos.
- O pedúnculo caudal é case inexistente, e a aleta caudal é arredondada.
- Coloración, no lado pigmentado, gris cinza apardazada, con máis ou menos puntos escuros; xeralmente presenta unha mancha escura ao final da curvatura da liñá lateral, e outra ao final da parte recta; normalmente, ten unha serie de puntos escuros ao longo da base da aleta caudal.
Hábitat e distribución[editar | editar a fonte]
- Hábitat
É unha especie mariña, bentónica, demersal, que vive a profundidades superiores aos 100 m, sobre fondos areosos e lamacentos da plataforma continental.[2][4]
- Distribución
Distribúese polas costas do Atlántico oriental entre os 43° N e os 6° N, e entre os 26° W e os 42° E, desde Irlanda até Serra Leoa e as illas do Cabo Verde, e tamén habita no mar Mediterráneo até o mar Negro.[4]
Bioloxía[editar | editar a fonte]
- Nutrición
Aliméntase de pequenos peixes e invertebrados bentónicos.[2][4]
- Reprodución
Reprodúcese durante os meses de abril a xullo.[2]
Pesca[editar | editar a fonte]
O rapapelos estreito é un peixe comestíbel, pescándose activamente nas zonas onde vive.[3]
Galicia[editar | editar a fonte]
O primeiro rexistro desta especie en Galicia fíxoo De Buen en 1935, no seu traballo "Fauna ictiológica. Catálogo de los peces ibéricos de la planicie continental, aguas dulces, pelágicos y de los abismos próximos, I parte", Not. y Res. Inst. Esp. Ocean. 82: 89-148, no que o cita como Kyleia thori. Posteriormente foi rexistrado en 1991 por E. González Gurriarán, L. Ferrnández, J. Freire, R. Muiño e M. Rodríguez Solórzano en "Estructura de la comunidad megabentónica (crustáceos decápodos -Brachyura-y peces demersales) de la Ría de Ferrol (NW de España)!, Bol. Inst. Esp. Ocean. 7 (2): 89-100.[2]
Notas[editar | editar a fonte]
- ↑ 1,0 1,1 1,2 1,3 Arnoglossus thori Kyle, 1913 no WoRMS.
- ↑ 2,0 2,1 2,2 2,3 2,4 2,5 Rodríguez Villanueva, X. L.; Xavier Vázquez e Henrique Álvarez Escudero (1995): Peixes do mar de Galicia (III). Peixes óseos (continuación). Vigo: Edicións Xerais de Galicia. ISBN 84-7507-870-2, pp. 296-297.
- ↑ 3,0 3,1 Lahuerta Mouriño, Fernando e Francisco X. Vázquez Álvarez (2000): Vocabulario multilingüe de organismos acuáticos. Santiago de Compostela: Xunta de Galicia / Termigal. ISBN 84-453-2913-8, p. 79.
- ↑ 4,0 4,1 4,2 4,3 Froese, R. & D. Pauly, editors (2015): Arnoglossus laterna (Walbaum, 1792) en FishBase.
Véxase tamén[editar | editar a fonte]
 |
Wikimedia Commons ten máis contidos multimedia na categoría: Arnoglossus thori  |
Bibliografía[editar | editar a fonte]
- Aldebert, Y.; M. Desoutter & J.-C. Quéro (1990): "Bothidae". En J. C. Quéro, J. C. Hureau, C. Karrer, A. Post & L. Saldanha, eds. Check-list of the fishes of the eastern tropical Atlantic (CLOFETA). JNICT, Lisboa; SEI, París; e UNESCO, París. Vol. 2. pp. 1027-1036.
- Fenner, Robert M. (2001): The Conscientious Marine Aquarist. Neptune City, New Jersey, USA: T.F.H. Publications.
- Moyle, P. & J. Cech (2000): Fishes: An Introduction to Ichthyology, 4ª edición, Upper Saddle River, New Jersey, USA: Prentice-Hall.
- Nelson, Joseph S. (2006): Fishes of the World. Nova York: John Wiley & Sons, Inc. ISBN 0-471-25031-7.
Outros artigos[editar | editar a fonte]
Ligazóns externas[editar | editar a fonte]
- Arnoglossus thorien Encyclopedia of Life (en inglés)