Alfredo Blanco Rodríguez

Na Galipedia, a Wikipedia en galego.
Saltar ata a navegación Saltar á busca
Cholo
Información persoal
Nome completoAlfredo Blanco Rodríguez
Nacemento7 de agosto de 1944 (74 anos)
LugarPontevedra, Galicia
PosiciónDefensa
Carreira sénior
AnosEquiposAprs(Gls)
1964–1966Fabril Deportivo
1966–1967Langreo (cedido)
1968–1974Deportivo da Coruña143(0)
* Partidos e goles só en liga doméstica.
† Aparicións (Goles)

Alfredo Blanco Rodríguez, máis coñecido como Cholo, nado en Pontevedra o 7 de agosto de 1944, é un ex futbolista galego. Xogaba de defensa.

Traxectoria[editar | editar a fonte]

Na tempada 1968–69 debutou en Primeira División co Deportivo da Coruña, logrando na súa primeira campaña na elite xogar 17 partidos, da man do adestrador Cheché Martín.

Na tempada 1969–70 foi un habitual do once do Deportivo, participando en 30 encontros do campionato, practicamente todos de titular. Ese ano o Dépor descendeu a Segunda División, logo de quedar 14º na táboa (detrás de RCD Mallorca e Pontevedra CF).

Na tempada 1970–71 o Deportivo acadaría o retorno a Primeira División tras quedar terceiro, sendo Cholo novamente outro habitual da defensa coruñesa, adestrado inicialmente por Roque Olsen e logo por Arsenio Iglesias.

Na tempada 1971–72 a defensa titular do equipo foi practicamente a mesma que en Segunda División, salvo polo troco de Luis García Mosquera por Luis María Zugazaga, completada por Antonio Benlloch, Benito Rubiñán e Cholo. Este ano, o pontevedrés participou en 23 encontros, obtendo a súa primeira tarxeta amarela en Primeira División.

Na tempada 1972–73 o equipo adestrado por Arsenio Iglesias non logrou a permanencia tras quedar penúltimo na táboa, volvendo de novo a Segunda División. Nesta campaña, Cholo participou en 30 partidos.

A tempada 1972–73 foi difícil para o Deportivo e para o propio Cholo, relegado á suplencia. O equipo coruñés tivo catro adestradores esa campaña: o chileno Fernando Riera, Carlos Torres, Enrique Orizaola e José Antonio Irulegui, que non puideron evitar o descenso do club a Terceira División por primeira vez na súa historia. Cholo participou en 19 partidos, sendo relegado á suplencia en favor dun emerxente Ramón Piña, de 17 anos.

Véxase tamén[editar | editar a fonte]

Ligazóns externas[editar | editar a fonte]