Aeroporto de Cidade Real
| |||
| Sumario | |||
| Tipo | Privado | ||
| Cidade/Illa | Cidade Real | ||
| Localización | Cidade Real, Ballesteros de Calatrava e Villar del Pozo | ||
| Elevación (msnm) | 636 metros / 2086,61 pés | ||
| Coordenadas | 38°51′17″N 3°58′8.5″O / 38.85472, -3.969028 | ||
| Pista(s) | |||
| Dirección | Longo | Superficie | |
| metros | pés | ||
| 10/28 | 4.000 | 13.123 | asfalto |
O Aeroporto Central Cidade Real (IATA: CQM, OACI: LERL), anteriormente chamado Aeroporto Don Quixote e Aeroporto Madrid Sur-Cidade Real, é un aeroporto privado situado na provincia de Cidade Real, entre a capital provincial, Cidade Real, e a cidade de Puertollano. É o primeiro aeroporto internacional privado de España e ocupa unha superficie de 1.234,45 hectáreas. O investimento alcanzou os 1.100 millóns de euros.
O aeroporto ten unha soa pista de 4.000 metros de lonxitude, 60 metros de anchura e unha orientación 10/28, que permite dar servizos a voos nacionais e internacionais, así como unha rúa de rodadura de 3.000 m de lonxitude. Parte das instalacións dedícanse a voos privados e deportivos. O complexo ten unha área de mantemento, un heliporto e unha zona industrial de 10 km². Ademais, proxectouse como o primeiro aeroporto español conectado ao sistema AVE, non obstante tal estación non chegou a ser construída. A súa capacidade estimada era de máis de 2 millóns de pasaxeiros ao ano.
Dende abril de 2012 está pechado e inactivo.
