A festa no faiado é un conto escrito por María Victoria Moreno, publicado en 1983 pola Editorial Galaxia dentro da colección A Chalupa, con ilustracións de Lola Blázquez.[1]
—Imos xogar logo— propuxo para contentarme—.
Dime como se fai.
—Eu era a nai —suxerinlle— e ti a miña filla.
—Non —respondeu—, eu son un gato.
—Pois eu era un ladrón e ti un policía.
—Non, eu non sei que cousa é un ladrón e un policía.
—Pois eu era a criada e ti a señora.
—Está ben —dixo Gato—, pero a condición de que a señora estea sempre a comer sardiñas.
”
Existen versións traducidas ao aranés, ao catalán, ao castelán e ao éuscaro.[2] Unha edición de 2007, tamén de Galaxia, leva ilustracións de Irene Fra.[1]
Uxía é unha boneca abandonada no faiado. Un día aparece alí un gato da rúa e Uxía ensínalle a xogar. A boneca e o gato fanse amigos e organizan unha festa no faiado á que convidan a outros animais. Cada un dos animais leva algo á festa e todos xuntos divírtense moito. Uxía e o gato deciden celebrar unha festa todos os domingos, que é cando os donos da casa non están.
