Écija

Écija

Localización
37°32′28″N 5°04′45″O
Estado	España
Comunidade autónoma	Andalucía
Provincia	Provincia de Sevilla
Capital	Écija (en)
Poboación
Poboación	39.530 (2023) (40,5 hab./km²)
Xeografía
Parte de	Q100593713 Q107553431 Comarca de Écija
Superficie	976 km²
Altitude	100 m
Comparte fronteira con	La Carlota La Luisiana Fuentes de Andalucía Marchena Cañada Rosal Fuente Palmera Palma del Río Hornachuelos Lantejuela El Rubio Santaella Osuna Estepa Marinaleda Herrera Guadalcázar
Datos históricos
Precedido por	Astigi
Santo padrón	Paulo de Tarso
Organización política
• Alcalde	Ricardo Gil-Toresano Riego (en)
Identificador descritivo
Código postal	41400
Fuso horario	UTC+01:00
Código INE	41039
Outro
Irmandado con	Aranjuez El Cerro Smara (pt) Les Pavillons-sous-Bois (pt) Ibarra
Páxina web	ecija.es

Écija é un concello da provincia de Sevilla, sita a 95 km da capital hispalense, no interior da comunidade autónoma de Andalucía. Pertence á comarca homónima. Consonte o censo de 2005, Écija tiña unha poboación de 38.911 habitantes, sendo a quinta cidade máis populosa da provincia. O río Genil, principal afluente do Guadalquivir, atravesa o seu núcleo urbano.

Historia

As primeiras testemuñas arqueolóxicas permiten supor que o primitivo asentamento de Astigi, estivo situado, no actual Cerro de San Gil ou do Alcázar, en época tartesa.

Arredor do 14 a.C., en época de Augusto, fundouse xunto a ese lugar a Colonia Augusta Firma Astigi, que fora capital dun dos catro conventos xurídicos da provincia romana da Bética e unha das máis importantes cidades de Hispania. Ademais da súa importancia estratéxica sobre a Vía Augusta e á beira do río Genil, na época denominado Singilis, antigamente navegábel até a cidade, Astigi posuía a preeminencia no sistema de produción e exportación a longa distancia do aceite de oliveira por todo o Imperio romano.

Entre o século V e o século XI, Astigi foi sé dun bispado, desaparecido en medio da dominación islámica do Al-Andalus.

Durante o período andalusí o seu nome evolucionou para Istiya ou Astiya. Un dos sobrenomes árabes da Écija andalusí era Madinat al-qutn, "a cidade do algodón". Desta época data o recinto amurallado, con torres albarranas á maneira das fortificacións almohades.

A conquista castelá da cidade foi efectuada por Fernando III en 1240. Tras a conquista instaláronse en Écija numerosas e ilustres familias castelás. A fertilidade da comarca e a súa nova posición, fronteiriza co reino de Granada, impulsaron un notábel desenvolvemento económico e social.

O rei Henrique III concedeulle carta foral en 1402. Os primeiros gremios organizáronse a partir do século XVI e atinxen o seu máximo esplendor no século XVIII.

O seu desenvolvemento económico reflíctese na gran cantidade de construcións relixiosas e civís comprendidas entre os séculos XII e XVIII. O XVIII é considerado o "século de Ouro ecijano", debido a súa riqueza económica e artística. A cidade foi declarada Conxunto Histórico-Artístico no ano 1966.

Véxase tamén

Ligazóns externas

• www.ecija.es
• EcijaWeb.com - La actualidad de Écija